Doktrina ug mga Pakigsaad 93

Doktrina ug mga Pakigsaad 93

Kinatibuk-ang Pagpasabot

Sa Doktrina ug mga Pakigsaad 93, gipadayag sa Ginoo ang importanteng mga kamatuoran bahin sa Iyang kaugalingon aron sa tuyo nga tabangan tang “mahibalo kon unsaon sa pagsimba, ug makaila sa [atong] gisimba” (bersikulo 19). Atong nakat-onan nga madawat nato ang bug-os nga kahayag ug kamatuoran nga gikan sa Langitnong Amahan og ni Jesukristo samtang nagtuman kita sa mga sugo.

Tabangi ang mga tigkat-on nga mapalawman ang ilang pagdayeg ug gugma kang Jesukristo. Samtang magkat-on ang mga estudyante mahitungod ni Jesukristo, tabangi sila nga magkat-on lapas pa sa Iyang gisulti ug gibuhat ug sa pagkat-on kon kinsa Siya. Usa ka paagi sa pagbuhat niini mao ang pagtutok sa Iyang mga hiyas ug mga kinaiya. Aron makakat-on pa kon unsaon ni paghimo, tan-awa ang seksiyon nga “Pagtudlo mahitungod sa mga Titulo, mga Tahas, ug mga Hiyas ni Jesukristo” diha sa Pagtudlo sumala sa Pamaagi sa Manluluwas. Makakita sab kag pananglitan kon unsaon ni paghimo sa leksiyon karong semanaha nga nag-ulohang “Doktrina ug mga Pakigsaad 93:1–22.”

Pangandam sa pagtudlo

Ang mosunod nga impormasyon naghatag og mga ideya kon unsa ang gikinahanglan nimong andamon daan alang sa matag leksiyon.

Doktrina ug mga Pakigsaad 93:1–22

Katuyoan sa leksiyon: Aron tabangan ang mga estudyante nga mas mapalawom ang ilang pagsabot sa pipila ka mga tahas ug mga kinaiya ni Jesukristo.

• Pag-andam sa estudyante: Dapita ang mga estudyante nga hunahunaon ang epekto sa ilang kinabuhi sa kon unsay ilang nahibaloan bahin kang Jesukristo.

• Mga imahe: Inila kaayong tawo, ug larawan ni Jesukristo

• Sulod nga ipakita: Tsart para sa kalihokan sa pagtuon

Doktrina ug mga Pakigsaad 93:19–53

Katuyoan sa leksiyon: Aron tabangan ang mga estudyante nga magplano sa pagdawat og mas dakong kahayag ug kamatuoran sa Dios sa ilang kinabuhi.

• Pagpangandam sa estudyante: Dapita ang mga estudyante sa paglista sa mga butang nga ilang gihimo aron dapiton ang impluwensiya ni Jesukristo sa ilang kinabuhi. Pwede usab ilista sa mga estudyante ang mga butang nga pwede nilang himoon aron mas matagamtam ang Iyang impluwensiya matag adlaw.

• Bidyo: “Light Cleaveth unto Light” (11:02; tan-awa gikan sa mga time code 0:32 ngadto sa 2:15 ug 2:15 ngadto sa 2:52); “Bearers of Heavenly Light” (22:09; tan-awa gikan sa time code 18:26 ngadto sa 19:36); “Finding Christ During Difficult Times” (4:35)

• Sulod nga ipakita: Tsart para sa kalihokan sa pagtuon

• Imahe: Nadugangan nga kahayag ug nakunhoran nga kahayag sa pulong nga kamatuoran

Sukda ang Imong Nakat-onan 7

Katuyoan sa leksiyon: Aron tabangan ang mga estudyante nga mahinumdoman ug matimbangtimbang ang ilang espirituwal nga pag-uswag pinaagi sa pagtuon sa Doktrina ug mga Pakigsaad.

• Pagpangandam sa estudyante: Dapita ang mga estudyante sa paghunahuna og mga paagi nga nausab o miuswag sila sa espirituwal nga paagi isip resulta sa bag-ohay nga pagtuon sa Doktrina ug mga Pakigsaad.

• Sulod nga ipakita: Mga opsiyon nga nakalista ilawom sa kalihokan nga “Ipasabot ang mga tahas, mga titulo, ug mga kinaiya ni Kristo”