Lesona 108: Fotopampianarana sy Fanekempihavanana 93

Fotopampianarana sy Fanekempihavanana 93:19–53

Mandray ny fahazavana sy fahamarinan’ny Mpamonjy

Ao amin’ilay fanambarana voarakitra ao amin’ny Fotopampianarana sy Fanekempihavanana 93 ny Mpamonjy dia namariparitra ny fomba ahafahantsika mandray bebe kokoa ny fahazavana sy ny fahamarinana izay avy Aminy. Ity lesona ity dia afaka manampy ireo mpianatra hiomana handray bebe kokoa ny fahazavana sy ny fahamarinan’ Andriamanitra eo amin’ny fiainan’izy ireo.

Sahanasa fianarana azo atao

Hazavana miohatra amin’ny haizina

Ny Loholona Timothy J. Dyches ao amin’ny Fitopololahy dia nitantara ny zavatra niainan’izy sy ny zanany lahy rehefa nidina tao anaty zohy lalina.

Light Cleaveth unto Light

Elder Dyches teaches that Jesus Christ is the Light of the World and the source of true happiness and peace.

Tsy nisy fampandrenesana fa dia maty tampoka ny jiro [tao anaty zohy]. Teo am-pihantonana teo izahay no tafalatsaka tanaty haizin-kitroka tanteraka ka na ny tananay mihazona ny tady eo anoloanay aza dia tsy hitanay. Teo no ho eo dia nisy feo niantsoantso hoe: “Dada a, dada a, aiza ianao?”

“Ito aho ry zanako, ito aho,” hoy aho namaly.

Ny tsy fananana hazavana tampoka teo dia natao hanehoana fa raha tsy misy herinaratra dia tsy azo nidirana ilay zohy. Nahomby izany satria “tsapanay” tokoa ilay haizina. (Timothy J. Dyches, “Ny fahazavana miraikitra amin’ny fahazavana,” Liahona, mey 2021, 113)

• Inona avy ireo fahatsapana sasany ampifandraisin’ny olona amin’ny haizina?

• Inona avy ireo teny na andian-teny izay mamaritra hoe toy ny ahoana ny fahatsapana izany hazavana izany?

Ny Loholona Dyches dia namariparitra hoe toy ny ahoana ny zavatra niainan’izy sy ny zanany lahy rehefa niverina nirehitra indray ny jiro tao amin’ilay zohy.

Light Cleaveth unto Light

Elder Dyches teaches that Jesus Christ is the Light of the World and the source of true happiness and peace.

Rehefa tafaverina ny hazavana dia lefy tanteraka avy hatrany ilay haizina, satria tsy maintsy lefy hatrany foana ny haizina, na dia amin’ny alalan’ny hazavana bitika aza. Mitamberina amiko sy amin’ireo zanako ny fahatsiarovana momba ilay haizina izay tsy mbola niainanay hatrizay, ny fankasitrahana kokoa ny fahazavana izay tsy hohadinoinay mihitsy, ary ny fanomezan-toky fa tsy irery na oviana na oviana isika ao anatin’ny haizina.

Azo lazaina fa ny fidinanay tao amin’io zohy io dia fanoharana momba ny diantsika eto an-tany. (“Ny fahazavana miraikitra amin’ny fahazavana,” 113)

• Inona no fitoviana hitanareo teo amin’io tantara io sy ny diantsika mandritra ny fiainana an-tany?

Vakio ny Fotopampianarana sy Fanekempihavanana 93:36, ka tadiavo ireo teny izay mamaritra ny voninahitr’ Andriamanitra.

• Ahoana no ahafahan’ny fahazavana sy ny fahamarinana avy amin’ny Ray any An-danitra sy i Jesoa Kristy manampy anao amin’ny dianao mandritra ny fiainana an-tany?

Asao ny mpianatra hieritreritra ny halehiben’ny fahazavana na ny fitaoman’ Andriamanitra izay tsapany eo amin’ny fiainany amin’izao fotoana izao. Azonao atao ihany koa ny manasa azy ireo hieritreritra ny mety haha-hafa ny fiainan’izy ireo raha toa ka manana hery mitaona bebe kokoa ao anatin’izany ny Ray any An-danitra sy i Jesoa Kristy.

Hazavao fa ao amin’ny Fotopampianarana sy Fanekempihavanana 93, ny Mpamonjy dia nampianatra momba ny fitondrantena izay mety hampitombo na hampihena ny fahafahantsika mahazo ny fahazavana sy ny fahamarinana izay avy Aminy. Rehefa mandalina ny mpianatra dia amporisiho izy ireo hitady fampianarana izay afaka manampy azy ireo handray kokoa amin’ny fahazavana sy ny fahamarinan’ny Mpamonjy eo amin’ny fiainany.

Mampianatra antsika ny fomba handraisana ny fahazavany i Jesoa Kristy

Hevero ny hampiseho ity tabilao manaraka ity ary asao ny mpianatra handika izany ao amin’ny diary fandalinany. Azon’izy ireo atao ny mamita ity sahanasa ity samirery, na miaraka amina namana iray, na anatina vondrona kely.

Mampitombo ny fahazavana sy ny fahamarinana Fotopampianarana sy Fanekempihavanana 93:19–20, 24–28	Mampihena ny fahazavana sy ny fahamarinana Fotopampianarana sy Fanekempihavanana 93:37–40

Vakio ireo andininy voatanisa ao amin’ilay tabilao ary tadiavo ny fampianaran’ny Mpamonjy izay mamaritra ny fomba ahafahantsika mampitombo na mampihena ny fahazavany sy ny fahamarinany eo amin’ny fiainantsika. Soraty eo amin’ny tsanganana tsirairay ny zavatra hitanao.

• Inona no fitahiana afaka ny ho azon’ireo izay mikatsaka ny fahazavana sy ny fahamarinan’ny Mpamonjy?

• Ahoana no hamintinanao ny zavatra hitanao ao amin’ny tsanganana tsirairay ao amin’ny tabilaonao amin’ny endrika teny manambara fahamarinana?

  Mety hahita fahamarinana mitovy amin’ity manaraka ity ny mpianatra: Mampitombo ny fahazavan’ny Mpamonjy sy ny fahamarinany eo amin’ny fiainantsika isika rehefa mitandrina ny didiny (andininy 20, 28). Ny tsy fankatoavana dia mety hahatonga antsika hanary ny fahazavana sy ny fahamarinan’ny Mpamonjy eo amin’ny fiainantsika (andininy 39).

• Amin’ny fomba ahoana araka ny eritreritrao no ahafahan’ny fitandremana ny didin’ny Mpamonjy hisy fiantraikany eo amin’ny fahafahanao manavaka ny fahamarinana?

Hevero ny hampiseho na hanao ity sary manaraka ity ao anatin’ny fifanakalozan-kevitra ataonareo momba ilay fanontaniana teo aloha. Asao ny mpianatra hizara ny fomba fahitany ireo fampianarana ao amin’ny Fotopampianarana sy Fanekempihavanana 93 izay aseho ao anatin’izany. Raha ilaina dia hazavao fa rehefa mankatò ny didin’ Andriamanitra isika dia mahazo misimisy kokoa amin’ny fahazavan’ny Mpamonjy eo amin’ny fiainantsika, izay mampitombo ny fahafahantsika mahatakatra na mamantatra ny fahamarinana. Rehefa tsy mankatò ny didy isika dia very tsy ho eo amintsika ny fahazavan’ny Mpamonjy ary nampihena ny fahafahantsika mahatakatra na mamantatra ny fahamarinana isika.

• Ahoana no ahafahan’ny fahatakarana ny fampianaran’ny Mpamonjy avy amin’ireo andinin-tsoratra masina ireo hisy fiantraikany amin’ny safidy ataontsika?

Mampitombo ny fahazavana sy ny fahamarinan’ny Mpamonjy eo amin’ny fiainantsika

• Inona avy ireo zavatra manokana izay nanampy na afaka manampy anao hahazo bebe kokoa amin’ny fahazavan’ny Mpamonjy eo amin’ny fiainanao?

Azon’ny mpianatra atao ny mifanakalo hevitra momba ilay fanontaniana teo aloha miaraka amina mpiara-miasa na ao anatina vondrona kely maromaro alohan’ny hizarana ny valin-teniny amin’ny iray kilasy. Azonao atao koa ny mampiasa ity teny manaraka nambaran’ny Loholona Dieter F. Uchtdorf ity mba hanampiana ireo mpianatra hieritreritra hevitra.

Ny Loholona Dieter F. Uchtdorf ao amin’ny Kôlejin’ny Apôstôly Roambinifolo dia nizara ohatra mikasika ny fomba ahafahantsika miaina ny fahazavan’ny Mpamonjy.

Mpihazona fahazavana avy any an-danitra

Mampianatra ny mpihazona ny fisoronana ny Filoha Uchtdorf fa mpihazona ny fahazavan’ Andriamanitra izy ireo, izay afaka mitondra fanasitranana ara-panahy ho an’ireo izay ao anaty haizina.

Isaky ny mampitodika ny fonareo amin’ Andriamanitra ianareo ao anatin’ny vavaka feno fanetrentena, dia miaina ny fahazavany ianareo. Isaky ny mikatsaka ny teniny sy ny sitrapony ao anatin’ny soratra masina ianareo dia mihamamiratra ilay fahazavana. Isaky ny mahatsikaritra olona iray mila fanampiana ianareo ka mahafoy ny tontolo mampiadana anareo mba hanampy amim-pitiavana dia mivelatra sy mitombo ilay fahazavana. Isaky ny manohitra fakam-panahy ary misafidy ny fahadiovana ianareo, isaky ny mikatsaka na manolotra famelana ianareo, isaky ny mijoro ho vavolombelona amin-kerimpo momba ny fahamarinana ianareo, dia roahin’ny fahazavana ny haizina ary sarihiny ireo olona hafa izay mikatsaka fahazavana sy fahamarinana ihany koa. (Dieter F. Uchtdorf, “Mpihazona fahazavana avy any an-danitra,” Liahona, nôv. 2017, 79)

Manasà mpianatra mpirotsaka an-tsitrapo vitsivitsy hizara ny fomba nanovan’ireo hevitra noresahina ireo ny fiainan’izy ireo manokana. ChurchofJesusChrist.org

Finding Christ During Difficult Times

A young pole-vaulter contemplates suicide, then turns his life around when he fasts to know if the Church is true and gets baptized.

Ampiharo ny fampianaran’ny Mpamonjy

Asao ny mpianatra handinika ombam-bavaka ny fomba ahafahan’izy ireo mampitombo ny fahazavana sy ny fahamarinan’ny Mpamonjy eo amin’ny fiainany rehefa mamaly ireto fanontaniana manaraka ireto ao anatin’ny diary fandalinany izy ireo.

• Tsapanao ho taomim-panahy hanomboka hanao inona ianao mba hanasana kokoa ny fahamarinana sy ny fahazavan’ny Mpamonjy ho eo amin’ny fiainanao? Inona no tsapanao fa asain’ny Fanahy hatsahatrao?

• Inona avy ireo sakana mety ho sendra anao rehefa manomboka na manajanona ireo zavatra ireo ianao? Ahoana no ahafahanao miatrika ireo sakana izay hitanao?

Hamaranana ny lesona dia zarao ny fahatsapanao mikasika ny hery nentin’ny fahazavana sy ny fahamarinan’i Kristy teo amin’ny fiainanao. Asao ny mpianatra hiezaka ny hampitombo ny fahazavan’ny Mpamonjy eo amin’ny fiainany amin’ny alalan’ny zavatra tsapan’izy ireo fa nitaoman’ny Fanahy azy ireo mba hatao androany.

Loharanom-pitaovana fanampiny

Inona no azoko atao mba hampitomboana ny fahazavan’i Kristy eo amin’ny fiainako?

Nampianatra toy izao ny Filoha M. Russell Ballard tao amin’ny Kôlejin’ny Apôstôly Roambinifolo:

Amin’izao androntsika izao i Satana dia miasa mafy mba hitarihana ireo zanak’ Andriamanitra ho ao amin’ny haizina, ka manaloka ny “fahazavana sy ny fiainana ary ny fahamarinan’izao tontolo izao” (Etera 4:12).

Tsy afaka ny hahatakatra feno, na hankamamy ny Mpamonjy sy ny filazantsarany isika rehefa tsy manana ny fahazavany sy ny fahamarinany. Saingy rehefa mibebaka sy mankatò, manompo sy mitsaoka Azy isika dia mandresy ny ratsy. Miverina ny fahazavany ary manala ireo alok’izao tontolo izao tsy ho eo anivontsika sy tsy ho ao an-tsaintsika. (M. Russell Ballard, “Ilay Fahazavan’ny fiainana,” Liahona, jan. 2023, 5)

Inona no atao hoe fahamarinana?

Nanazava toy izao ny Filoha Russell M. Nelson:

Ny fahamarinana dia fahamarinana.

Marina tsotra izao ny zavatra sasany. Ny mpanapaka ny fahamarinana dia Andriamanitra—fa tsy ny andiana tantara vaovao ao amin’ny tambajotran-tserasera tianao indrindra, tsy Google, ary azo antoka fa tsy ireo izay tsy afa-po amin’ny Fiangonana.

Ny Filoha Spencer W. Kimball dia nampianatra fa ny fahamarinana tanteraka dia tsy azo ovaina amin’ny alalan’ny hevitry ny olona. … Raha tena manetry tena ny olona dia ho tsapany fa lasa mahafantatra, fa tsy mamorona, fahamarinana” izy ireo [Spencer W. Kimball, “Absolute Truth,” Lahateny tamin’ny fampaherezam-panahy an’ny BYU, 6 septambra 1977; fanamafisana tamin’ny lahatsoratra niandohana].

Maro amin’izao andro izao no milaza fa miankina amin’ny sahan-kevitra sy ny fifandraisany amin’ny fahamarinana hafa no maha-marina ny zavatra iray ary tsy misy an’izany lalàna na drafitr’ Andriamanitra izany. Tsy marina tsotra izao ny filazana toy izany. Samy hafa mihitsy ny tsara sy ny ratsy. Ny fahamarinana dia mifototra amin’ireo lalàna naorin’ Andriamanitra mba ho azo ianteherana sy ho fiarovana ary hitaizana ny zanany. Ny lalàna mandrakizay dia miasa ao anatin’ny fiainantsika tsirairay avy ary misy fiantraikany amin’ny fiainantsika, na mino izany isika na tsia. (Russell M. Nelson, “The Love and Laws of God,” fampaherezam-panahy natao tao amin’ny Brigham Young University, 17 sept. 2019, 1–2)

Sahanasa fianarana fanampiny

Fomba hafa hanombohana ny lesona

Mitondrà jiro lehibe sy fitaratra lehibe iray ao amin’ny kilasy. Mba hanombohana, dia tapaho ny jiro ao amin’ny efitrano. Asaivo mihazona jiro ny mpianatra iray ary avy eo dia hampamiratra izany eo amin’ny fitaratra. Asao ilay mpianatra mba hiezaka hitaratra ny hazavan’ny jiro eny amin’ny zorony maizina indrindra amin’ny efitrano amin’ny alalan’ny fampiasana ilay fitaratra. Azonao atao ny manasa mpianatra roa na telo hampiasa ilay fitaratra mba hampamirapiratra ilay hazavana manerana ny efitrano. Angataho ny mpianatra hizara ny zavatra tsikariny avy amin’ity sahanasa ity mikasika ny herin’ny hazavana amin’ny haizina. Azonao atao ny manazava amin’izy ireo fa rehefa maneho ny fahazavan’ny Mpamonjy isika dia mandresy hatrany izany hazavana izany manoloana ny haizina.

Ho solon’izany dia azonao atao ny mampiseho zavatra vitsivitsy izay mampitombo na mampihena ny hazavana, toy ny lampe de poche na ny fanapenana maso. Asao ny mpianatra hamorona lesona tsotra ampiasana zavatra azo tsapain-tanana izay afaka mampianatra fahamarinana iray amin’ny fampiasana ireo zavatra naseho. Azo atao ny manasa mpianatra vitsivitsy hanazava amin’ny mpianatra rehetra ny lesona ampiasana zavatra azo tsapain-tanana izay noforonin’izy ireo.

ChurchofJesusChrist.org.

Choose the Light

A reckless biker finds himself in a battle against time and the elements when he enters a situation he can’t get out of. He discovers his only option is to choose the light.

ChurchofJesusChrist.org

Why We Need a Savior

What would life be like without a Savior? There would be no joy, no forgiveness, no hope for the future. This Christmas, learn more about the hope, peace and happiness our Savior Jesus Christ can bring into our lives at christmas.mormon.org.

Fotopampianarana sy Fanekempihavanana 93:24–28, 36–37. Inona no atao hoe fahamarinana?

Mba hanampiana ireo mpianatra hahatakatra kokoa ny fanombanana ny fahamarinana amin’ny fomba fijery mibanjina ny mandrakizay, dia asao izy ireo hizara zavatra iray teo amin’ny tantara izay naha-diso hevitra ireo olona marani-tsaina indrindra tamin’izany fotoana izany (fisaka ny tany, ny atôma no ampahan-javatra kely indrindra, ny masoandro dia mihodina manodidina ny tany, sns). Rehefa mamaky ny Fotopampianarana sy Fanekempihavanana 93:24–28, 36–37 ny mpianatra dia angataho izy ireo hitady ny zavatra nianarantsika mikasika ny fifandraisana misy eo amin’ny fahazavana sy ny fahamarinana.

• Inona no tsikaritrao mikasika ny habetsaky ny fahazavana sy ny fahamarinana ananan’ Andriamanitra?

• Manampy anao hahatakatra inona momba ny maha-zava-dehibe ny fikatsahana ny fahamarinana ireo andininy ireo?

Angataho ny mpianatra hizara ny antony maha-zava-dehibe ny miantehitra amin’ Andriamanitra ho loharanon’ny fahamarinana rehetra (jereo koa ny Môzià 4:9 sy ny Fotopampianarana sy Fanekempihavanana 88:41). Asao ny mpianatra hanoratra ny teny hoe Voninahitr’ Andriamanitra, Faharanitan-tsaina, Fahazavana, ary Fahamarinana ao amin’ny diary fandalinany. Azonao atao ny manasa azy ireo hanoratra ny marika mira (=) eo anelanelan’ireo teny.

Azonao atao ny mampiseho ilay horonan-tsary “Mamantatra fahamarinana” (4:49) ao amin’ny ChurchofJesusChrist.org. Ao amin’ilay horonan-tsary, ny Filoha Dieter F. Uchtdorf, izay tao amin’ny Fiadidiana Voalohany tamin’izany, dia nampiasa ilay tononkalo “The Blind Men and the Elephant (Ireo lehilahy jamba sy ny elefanta)” mba hanehoana ny fetran’ny fahafahana manakatra fahamarinana araka izao tontolo izao raha oharina amin’ny fomba fijery mibanjina ny mandrakizay. Azonao atao ny manasa ireo mpianatra hizara ny fomba nianteherany tamin’ Andriamanitra mba hanampiana azy ireo hamantatra ny fahamarinana.

Mamantatra fahamarinana

Faly amintsika ny Ray any An-danitra rehefa mikatsaka ny hahafantatra fahamarinana isika. Tiany ny mampianatra antsika andalan-tsoratra anampy andalan-tsoratra, fitsipika anampy fitsipika.

Ny fiantraikan’ny fitomboan’ny fahazavana sy ny fahamarinana eo amin’ny fiainantsika

Rehefa mifanakalo hevitra momba ilay sary ianareo hahatakarana ny fifandraisana misy eo amin’ny hazavana sy ny fahamarinana dia ampiasao ireto rafi-tantara manaraka ireto mba hanampiana ireo mpianatra hahita ohatra amin’izay mety ho endrik’io fizotran-javatra io. Azonao atao ny manitsy ireo rafi-tantara mba hifanaraka amin’ny filan’ny kilasinao.

• Nahatsikaritra i Hannah fa rehefa miezaka ny hijanona ho akaiky ny Ray any An-danitra izy dia mora kokoa aminy ny mahatakatra ny fomba fijery mibanjina ny mandrakizay. Manana toe-tsaina miabo kokoa izy ary mahatsapa fanantenana momba ny hoavy.

• Tsikaritr’i Rylan fa ny ezaka nataony mba hanaraka ny ohatr’i Jesoa Kristy dia nanatsara ireo fifandraisana teo amin’ny fiainany. Mahatsiaro ho akaiky kokoa ny ray aman-dreniny izy ary mahafantatra hoe iza amin’ireo namany no fitaomana tsara eo amin’ny fiainany.

Azonao atao ny manao izay hisiana fifanakalozan-kevitra mikasika ireo asa fanampiny azon’i Hannah sy Rylan atao izay hampitombo ny fahazavana sy ny fahamarinana tsapan’izy ireo.