Doktrina ug mga Pakigsaad 94–97

Doktrina ug mga Pakigsaad 94–97

Kinatibuk-ang Pagpasabot

Sa ulahing bahin sa Disyembre 1832, gimandoan sa Ginoo ang mga Santos sa pagtukod og templo sa Kirtland, Ohio. Pagka-Hunyo 1833, wala pa nila masugdi ang pagtukod. Gipanton sa Ginoo ang Iyang katawhan ug mipamatuod pag-usab sa Iyang sugo nga tukoron ang Iyang balay. Dihang ang mga lider sa Simbahan sa Missouri nangutana kang Joseph Smith para sa mga instruksiyon, gimandoan usab sila sa Ginoo nga magtukod og templo.

Pagsukna og mga pangutana nga makapadasig sa panaghisgot: Mahitabo ang makahuloganong mga panaghisgot dihang makig-istorya ang mga estudyante sa magtutudlo ug sa usag usa. Pagsukna og konektadong mga pangutana nga mohatag og mga kahigayonan sa daghang estudyante aron sa pagtubag. Pwede usab kang magsukna og mga pangutana nga magdapit sa mga estudyante sa pagtubag sa mga komento sa mga klasmeyt. Para makakat-on pa kon giunsa pagdapit sa Manluluwas ang uban aron mahimong aktibong mga tigkat-on, tan-awa ang seksiyong “Gitabangan sa Manluluwas ang Uban nga Mangako og Responsibilidad alang sa Ilang Pagkat-on” diha sa Pagtudlo Sumala sa Pamaagi sa Manluluwas. Makakita kag ehemplo kon unsaon paggamit og mga pangutana aron tabangan ang mga tigkat-on nga aktibong moapil sa leksiyon karong semanaha nga nag-ulohang “Doktrina ug mga Pakigsaad 95.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 95

Katuyoan sa leksiyon: Aron tabangan ang mga estudyante nga mobati nga milambo ang tinguha sa pagsimba sa Ginoo diha sa Iyang templo.

• Pagpangandam sa estudyante: Dapita ang mga estudyante nga isulat sa ilang mga journal sa pagtuon kon giunsa sila pagpanalangin sa Ginoo pinaagi sa ilang kahibalo sa mga templo. Mag-andam ni nila nga ipakigbahin ang ilang mga kasinatian sa klase.

• Handout: “Mga Gisakripisyo aron Matukod ang Templo sa Kirtland”

• Bidyo: “Temples Are a Beacon” (2:50)

Doktrina ug mga Pakigsaad 97

Katuyoan sa leksiyon: Aron tabangan ang mga estudyante nga maputli ang ilang kasingkasing.

• Pagpangandam sa estudyante: Dapita ang mga estudyante nga pamalandongan ang ilang mga tubag sa usa o daghan pa sa mga pangutana sa rekomend sa templo sa apendiks sa Alang sa Kalig-on sa mga Kabatan-onan: Usa ka Giya sa Paghimo og mga Pagpili ([booklet, 2022], 36–37). Makatabang ni nila nga maandam sa pagkat-on bahin sa kaputli.

• Mga aytem: Usa ka basong tubig o botelya sa puro nga tubig ug mga kopya o akses sa Alang sa Kalig-on sa mga Kabatan-onan: Usa ka Giya sa Paghimo og mga Pagpili

• Bidyo: “I Love to See the Temple,” (16:13; tan-awa gikan sa time code 7:34 ngadto sa 8:46)

Pagbansay sa Doktrinal nga Kahanas 7

Katuyoan sa leksiyon: Aron hatagan ang mga estudyante og kahigayonan nga mahanas sa mga tudling sa doktrinal nga kahanas ug sa doktrina nga ilang gitudlo ug magtabang nila nga makakat-on ug maggamit ang balaang mga baroganan sa pag-angkon og espirituwal nga kahibalo.

• Pagpangandam sa estudyante: Dapita ang mga estudyante sa pagpili og usa ka tudling sa doktrinal nga kahanas nga gusto nilang sag-ulohon. Dasiga silang maggahin og pipila ka panahon sa pagsag-ulo sa tudling gamit ang doktrinal nga kahanas nga app o uban pang kapanguhaan.

• Mga aytem: Gagmayng piraso sa papel o mga kard aron mohimong mga flash card