Վարդապետություն և Ուխտեր 94–97

Վարդապետություն և Ուխտեր 94–97

Ակնարկ

1832 թ. դեկտեմբերի վերջին Տերը պատվիրեց Սրբերին տաճար կառուցել Կիրթլենդում (Օհայո)։ 1833 թվականի հունիսին նրանք չէին սկսել շինարարությունը։ Տերը խրատեց Իր ժողովրդին և վերահաստատեց Իր տունը կառուցելու Իր պատվիրանը: Երբ Միսսուրիի Եկեղեցու ղեկավարները Ջոզեֆ Սմիթից հրահանգներ խնդրեցին, Տերը նաև նրանց պատվիրեց տաճար կառուցել:

Տվեք հարցեր, որոնք քննարկում կծավալեն. Իմաստալից դասարանային քննարկումներ տեղի են ունենում այն ժամանակ, երբ ուսուցիչները հաղորդակցվում են ուսանողների, իսկ ուսանողները՝ միմյանց հետ: Տվեք թեմային առնչվող հարցեր, որոնք բազմաթիվ ուսանողների պատասխանելու հնարավորություն կտան: Կարող եք նաև հարցեր տալ, որոնք առաջարկում են ուսանողներին պատասխանել դասընկերների մեկնաբանություններին: Ավելին իմանալու համար, թե ինչպես է Փրկիչը հրավիրել մարդկանց ակտիվ սովորողներ լինել, տես «Փրկիչը օգնել է մարդկանց պատասխանատու լինել իրենց ուսման համար» բաժինը Ուսուցանել Փրկչի ձևով ձեռնարկում։ Դուք կարող եք տեսնել հարցերի օգտագործման օրինակ, որը կօգնի սովորողներին ակտիվորեն մասնակցել այս շաբաթվա «Վարդապետություն և Ուխտեր 95» վերնագրով դասին։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 95

Դասի նպատակը․ օգնել ուսանողներին ավելի մեծ ցանկություն զգալ՝ երկրպագելու Տիրոջը Իր տաճարում։

• Ուսանողի նախապատրաստում առաջարկեք ուսանողներին գրել իրենց օրագրերում այն մասին, թե Տերն ինչպես է օրհնել իրենց՝ տաճարների մասին իրենց գիտելիքների միջոցով: Սա նրանց կնախապատրաստի դասարանի հետ կիսվել փորձառություններով:

• Աշխատաթերթ․ «Կիրթլենդի տաճարը կառուցելու համար կատարված զոհաբերություններ»

• Տեսանյութ․ «Տաճարները փարոս են» (2:50)

Վարդապետություն և Ուխտեր 97

Դասի նպատակը․ օգնել ուսանողներին դառնալ սրտով մաքուր:

• Ուսանողի նախապատրաստում․ առաջարկեք ուսանողներին խորհել տաճարային երաշխավորագրի հարցերից մեկի կամ մի քանիսի վերաբերյալ իրենց պատասխանների մասին՝ Երիտասարդներին զորացնելու համար. Ընտրություն կատարելու ուղեցույց ([գրքույկ, 2022], 36–37) գրքույկի հավելվածում ։ Դա կարող է օգնել նրանց պատրաստվել սովորելու մաքրության մասին։

• Առարկաներ․ մի բաժակ կամ շիշ մաքուր ջուր և Երիտասարդներին զորացնելու համար. Ընտրություն կատարելու ուղեցույց գրքույկի օրինակներ կամ հասանելիություն։

• Տեսանյութ. «Կուզեմ տեսնել տաճարը» (16:13, դիտել 7:34-8:46)

Վարդապետության սերտման գործնական պարապմունք 7

Դասի նպատակը․ ուսանողներին հնարավորություն տալ զարգացնել վարդապետության սերտման հատվածների և դրանցում ուսուցանվող վարդապետության սերտման հմտությունը, ինչպես նաև սովորել և կիրառել հոգևոր գիտելիքներ ձեռք բերելու աստվածային սկզբունքները:

• Ուսանողի նախապատրաստում․ առաջարկեք ուսանողներին ընտրել վարդապետության սերտման հատված, որ իրենք կցանկանային անգիր սովորել: Խրախուսեք նրանց որոշ ժամանակ հատկացնել՝ հատվածը անգիր սովորելու համար՝ օգտագործելով վարդապետության սերտման հավելվածը կամ այլ աղբյուրներ։

• Առարկաներ․ թերթիկներ կամ քարտեր՝ պատկերներով քարտեր ստեղծելու համար