Mataupu Faavae ma Feagaiga 94–97

Mataupu Faavae ma Feagaiga 94–97

Vaaiga Aoao

I se vaitaimi faaiu o Tesema, 1832, na poloaiina ai e le Alii le Au Paia e fausia se malumalu i Katelani, Ohaio. E oo atu ia Iuni 1833, latou te lei amataina le fausiaina. Sa aoai e le Alii Lona nuu ma toe faamautu lana poloaiga e fausia Lona maota. Ina ua talosagaina e taitai o le Ekalesia i Misuri Iosefa Samita mo ni faatonuga, sa poloaiina foi i latou e le Alii e fau se malumalu.

Fai fesili e uunaia ai le talanoaga: E tupu ni talanoaga anoa a le vasega pe a fesootai tagata aoga ma le faiaoga ma le tasi ma le isi. Fai fesili e talafeagai e maua ai avanoa mo le toatele o tagata aoga e tali mai ai. E mafai foi ona e fai atu fesili e valaaulia ai tagata aoga e tali mai i manatu faaalia a tagata o le vasega. Ina ia aoaoina atili e uiga i le ala na valaaulia ai e le Faaola isi ia avea ma tagata aoao toaga, tagai i le vaega “Na Fesoasoani le Faaola i Isi ina ia Tauave o Latou Tiute mo le Latou Aoaoina” i le Aoao Atu i le Ala a le Faaola. E mafai ona e vaai i se faataitaiga o le faaaogaina o fesili e fesoasoani ai i tagata aoao ia toaaga e auai i le lesona o lenei vaiaso ua faaulutalaina “Mataupu Faavae ma Feagaiga 95.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae ma Feagaiga 95

Faamoemoega o le lesona: Ina ia fesoasoani i tagata aoga ia lagonaina se manao faateleina e tapuai ai i le Alii i Lona malumalu.

• Sauniuniga a le tagata aoga: Valaaulia tagata aoga e tusi i a latou api talaaga pe na faapefea ona faamanuiaina i latou e le Alii e ala i lo latou malamalama i malumalu. O lenei mea o le a saunia ai i latou e faasoa mai aafiaga i le vasega.

• Pepa e tufa atu: “O Osigataulaga na Faia e Fausia ai le Malumalu o Katelani”

• Vitiō: “O Malumalu o se Sulu Taiala” (2:50)

Mataupu Faavae ma Feagaiga 97

Faamoemoega o le lesona: Ina ia fesoasoani i tagata aoga ia loto mama.

• Sauniuniga a le tagata aoga: Valaaulia tagata aoga e mafaufau loloto i a latou tali i se tasi pe sili atu o fesili o le pepa faataga o le malumalu i le faaopoopoga o le Mo Le Malosi o le Autalavou: O Se Taiala mo le Faia o Filifiliga ([tamaitusi, 2022], 36–37). E mafai ona fesoasoani lenei mea ia i latou e saunia ai e aoao e uiga i le mama.

• Aitema: O se tioata po o se fagu vai mama ma kopi po o le mauaina o le Mo Le Malosi o le Autalavou: O Se Taiala mo le Faia o Filifiliga

• Vitiō: “Ou Te Fia Vaai i le Malumalu” (16:13; matamata mai le faailotaimi 7:34 i le 8:46)

Faataitaiga o le Atamai i Aoaoga Faavae 7

Faamoemoega o le lesona: Ina ia tuu atu i tagata aoga ni avanoa e aoao ai fuaitau o le atamai i aoaoga faavae ma mataupu faavae latou te aoao atu ma fesoasoani i ai latou e aoao ma faaaoga mataupu faavae paia mo le mauaina o le malamalama faaleagaga.

• Sauniuniga a le tagata aoga: Valaaulia tagata aoga e filifili se fuaitau o le atamai i aoaoga faavae latou te mananao e tauloto. Uunaia i latou e tuuto atu sina taimi e tauloto ai le fuaitau e faaaoga ai le polokalama o le atamai i aoaoga faavae po o isi punaoa.

• Aitema: Fasipepa po o kata laiti e fatu ai ni kata emoemo