Doktrina ug mga Pakigsaad 98–101

Doktrina ug mga Pakigsaad 98–101

Kinatibuk-ang Pagpasabot

Sa Hulyo sa 1833, gipapahawa sa mga bigilanting grupo sa Missouri ang mga Santos sa Jackson County. Si Bishop Edward Partridge ug Charles Allen gibulit og alkitran ug gisabwagan og balhibo ug giguba ang printahanan ni W. W. Phelps. Wala mahibalo niini si Propeta Joseph Smith dihang nadawat niya ang Doktrina ug mga Pakigsaad 98. Niini nga pagpadayag, gihupay ang mga Santos ug gihatagan og instruksiyon sa pagsanong sa paglutos. Dihang nadawat ang Doktrina ug mga Pakigsaad 101 niadtong Disyembre 1833, napapahawa na ang nag-unang pundok sa mga Santos gikan sa ilang mga balay sa Jackson County, Missouri. Gisultihan sila sa Ginoo kon nganong mitugot Siya nga papahawaon sila sa ilang mga balay, gipahinumdoman sa Iyang pagmahal, ug gihisgotan ang bahin sa umaabot nga katubsanan sa Zion.

Hatagi ang mga estudyante og mga kahigayonan sa paghisgot sa mga kamatuoran sa ebanghelyo. Paggahin og panahon alang sa mga estudyante sa pagpraktis sa paghisgot mahitungod sa unsay ilang nakat-onan kabahin sa Manluluwas ug sa Iyang ebanghelyo. Makatabang ni sa mga estudyante nga makasabot, makahinumdom, ug klarong mapahayag kini nga mga kamatuoran. Kini nga pagpraktis makadugang usab sa pagsalig sa mga estudyante nga ilang ipakigbahin ang mga kamatuoran sa ubang mga kahimtang. Alang sa dugang pangutana kon sa unsang paagi kini gibuhat sa Manluluwas, tan-awa ang seksiyon nga “Giawhag sa Manluluwas ang Uban sa Pagpakigbahin sa mga Kamatuoran nga Ilang Nakat-onan” diha sa Pagtudlo Sumala sa Pamaagi sa Manluluwas. Makakita ka usab og usa ka ehemplo kon unsaon sa pagbuhat niini diha sa leksiyon karong semanaha nga giulohan og “Doktrina ug mga Pakigsaad 101:1–42.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 98

• Katuyoan sa leksiyon: Aron tabangan ang mga estudyante nga mapailobong maghulat sa Ginoo panahon sa kalisdanan.

• Pagpangandam sa estudyante: Dapita ang mga estudyante sa paghangyo sa usa ka ginikanan o kasaligang lider nga magpakigbahin og mga kasinatian dihang misalig sila sa Dios sa panahon sa malisod nga pagsulay. Makabatang kini nila nga maghunahuna bahin sa bili sa mga pagsulay sa ilang mga kinabuhi ug maandam sila sa pagpakigbahin sa ilang mga hunahuna sa klase.

• Mga bidyo: “Hope in Christ” (15:37) gikan sa time code 9:13 ngadto sa 10:06; “Face the Future with Faith” (14:25) gikan sa time code 8:05 ngadto sa 9:14; “God Will Lift Us Up” (4:59); “Mountains to Climb” (05:02)

Doktrina ug mga Pakigsaad 101:1–42

Katuyoan sa leksiyon: Aron tabangan ang mga estudyante nga mabati ang pagmahal ug kaluoy sa Manluluwas para nila.

• Pagpangandam sa estudyante: Dapita ang mga estudyante sa paghunahuna sa epekto sa pag-apil sa seminary diha sa ilang mga kasinatian. Pwede nilang hunahunaon kon unsaon nila pag-apil sa klase ug grupo nga panaghisgot ug magdesisyon kon unsay ilang himoon aron mas makaapil pa.

• Bidyo: “The Savior’s Abiding Compassion” (13:00) gikan sa time code 9:40 hangtod 10:01

• Imahe: Usa ka batan-on nga naguol pag-ayo

Doktrina ug mga Pakigsaad 101:43–101

Katuyoan sa Leksiyon: Aron hatagan og kahigayonan ang mga estudyante nga tun-an ang usa ka sambingay ug pagdiskobre sa espirituwal nga kahulogan niini.

• Pagpangandam sa estudyante: Ipasabot sa mga estudyante nga ang mga butang sa atong palibot pwedeng magsimbolo o magtudlo og mga kamatuoran bahin kang Jesukristo (tan-awa sa Moises 6:63). Pananglitan, ang adlaw ang sentro sa atong solar system ug naghatag kini og kahayag ug kinabuhi sa yuta. Sa susama, si Jesukristo ang sentro sa plano sa Langitnong Amahan alang sa Iyang mga anak ug naghatag sa matag usa kanato og kahayag ug kinabuhi. Dapita ang mga estudyante sa pagpangita og usa ka butang diha sa ilang adlaw-adlawng pagkinabuhi nga magtudlo nila og usa ka butang bahin kang Jesukristo. Makabaton og kahigayonan ang mga estudyante sa pagpakigbahin sa sinugdanan sa leksiyon.

• Bidyo: “Put on Thy Strength” (13:44) gikan sa time code 0:47 ngadto sa 1:20

• Handout: “Kon Unsaon Pagtuon sa mga Sambingay sa Manluluwas”