Doktrina ug mga Pakigsaad 102–105

Doktrina ug mga Pakigsaad 102–105

Kinatibuk-ang Pagpasabot

Niadtong Pebrero 24, 1834, si Propeta Joseph Smith nakadawat og pagpadayag gikan sa Ginoo nga nagsugo kaniya sa pag-organisar og grupo sa mga boluntaryo nga motabang sa nag-antos nga mga Santos sa Missouri. Kapin sa 200 ka boluntaryo ang nailhan nga Kampo sa Israel (sa ulahi Kampo sa Zion) ug milakaw og kapin sa 800 ka milya aron tabangan ang mga Santos sa Missouri nga mabawi ang ilang mga yuta. Human miabot sa Missouri ang kampo, ang Ginoo mipadayag kang Joseph nga ang panahon sa katubsanan sa Zion wala pa moabot, ug gibungkag ang kampo. Mga unom ka bulan human makabalik sa Kirtland, Ohio, giorganisar ni Joseph ang Korum sa Napulog Duha ka Apostoles ug ang Korum sa Seventy. Walo ka sakop sa Napulog Duha ug ang matag sakop sa Seventy nakamartsa uban sa Kampo sa Israel.

Dasiga ang pagpangandam alang sa mga kasinatian sa pagkat-on: Adunay daghang mga paagi nga ang mga estudyante makaandam sa ilang mga hunahuna ug mga kasingkasing sa pagkat-on sa ebanghelyo. Ang pipila naglakip sa pag-ampo para sa pagpadayag, pagpalambo sa tinguha nga mokat-on, paghinulsol, pagtuon, pagtubag sa mga pangutana, ug pagtambong nga andam sa pagtudlo sa uban. Aron makakat-on pa bahin niini, tan-awa ang seksiyon nga “Gidapit sa Manluluwas ang Uban Aron Mangandam sa Pagkat-on”diha sa Pagtudlo Sumala sa Pamaagi sa Manluluwas. Makakita usab ka og ehemplo kon unsaon sa pagbuhat niini diha sa leksiyon karong semanaha nga nag-ulohang “Doktrina ug mga Pakigsaad 105.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 103

Katuyoan sa leksiyon: Aron tabangan ang mga estudyante nga tumanon ang mga sugo nga gihatag kanila sa Ginoo.

• Pagpangandam sa estudyante: Dapita ang mga estudyante nga pangutan-on ang usa ka ginikanan o sinaligang hamtong bahin sa panahon dihang nagkinahanglan sila og hugot nga pagtuo aron tumanon ang lisod nga sugo sa Ginoo ug kon unsay ilang nakat-onan gikan sa kasinatian.

• Imahe: Drowing sa stick figure, usa ka babag, ug ang mga pulong nga kinabuhing dayon

• Sulod nga ipakita: Mga opsiyon para sa mga kalihokan sa pagtuon ug mga pangutana para sa paagamit diha sa hinapos sa leksiyon

Ang Kampo sa Israel

Katuyoan sa leksiyon: Aron tabangan ang mga estudyante nga masabtan nga ang Dios mag-uban ug motabang nila dihang mopili sila nga mosunod Kaniya.

• Pagpangandam sa estudyante: Ikonsiderar ang pagdapit sa mga estudyante sa paghunahuna kon nganong lisod ang pagsunod kang Jesukristo, ug nganong ang pagsunod Kaniya takos sa paningkamot.

• Bidyo: ”Waiting on the Lord” (14:09; tan-awa gikan sa time code 9:25 ngadto sa 9:56); “Zion’s Camp” (18:44; tan-awa gikan sa time codes 2:13 ngadto sa 3:02; 3:02 ngadto sa 5:00; 5:01 ngadto sa 8:02; ug 8:03 ngadto sa 13:06)

• Mapa: “Ruta sa Kampo sa Zion, 1834”

• Handout: “Mga kasinatian gikan sa Kampo sa Israel”

Doktrina ug mga Pakigsaad 105

Katuyoan sa leksiyon: Aron tabangan ang mga estudyante nga mas tinguhaon nga magpabiling matinuoron sa Dios dihang masulayan ang ilang hugot nga pagtuo.

• Pagpangandam sa estudyante: Aron tabangan ang mga estudyante nga moapil sa mga leksiyon, ikonsiderar ang pagdapit nila nga kinasingkasing nga mag-ampo sa dili pa mosulod sa klase. Pwede nilang iampo ang mga panalangin nga mabati ang gugma sa Dios, makadawat og tabang sa usa ka pihong hagit, o kusog aron makapabiling matinuoron sa Ginoo ug sa Iyang mga pakigsaad.

• Bidyo: “Zion’s Camp” (18:44; tan-awa gikan sa time code 16:44 ngadto sa 18:44)