Mataupu Faavae ma Feagaiga 102–105

Mataupu Faavae ma Feagaiga 102–105

Vaaiga Aoao

I le aso 24 Fepuari, 1834, na maua ai e le Perofeta o Iosefa Samita se faaaliga mai le Alii na poloaiina ai o ia e faatulaga se vaega o tagata volenitia e fesoasoani i le Au Paia pagatia i Misuri. O volenitia e silia ma le 200 na lauiloa o le Tolauapiga a Isaraelu (na ta’ua mulimuli ane o le Tolauapiga a Siona) ma sa savavali atu i le sili atu ma le 800 maila e fesoasoani i le Au Paia i Misuri ia toe maua mai o latou fanua. Ina ua taunuu atu le tolauapiga i Misuri, sa faaali atu e le Alii ia Iosefa e faapea, e le’i oo mai le taimi mo le laveaiga o Siona, ma sa faataape ai loa le tolauapiga. Pe a ma le ono masina talu ona toe foi i Katelani, Ohaio, na faatulaga ai e Iosefa le Korama a Aposetolo e Toasefululua ma le Korama a Fitugafulu. E toavalu sui o le Toasefululua ma sui taitasi o le Au Fitugafulu sa savavali faatasi ma le Tolauapiga a Isaraelu.

Uunaia sauniuniga mo aafiaga e aoao ai: E tele auala e mafai ai e tagata aoga ona saunia o latou mafaufau ma loto e aoao le talalelei. O nisi e aofia ai le tatalo mo faaaliga, atiina ae o se manao e aoao, salamo, suesue, tali atu i fesili, ma le sau sauni e aoao atu isi. Ina ia aoao atili e uiga i lenei mea, tagai i le vaega “Na Valaaulia e le Faaola Isi e Sauni e Aoao” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 105.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae ma Feagaiga 103

Faamoemoega o le lesona: Ina ia fesoasoani i tagata aoga e usitai i poloaiga ua tuuina mai e le Alii ia i latou.

• Sauniuniga a le tagata aoga: Valaaulia tagata aoga e fesili i se matua po o se tagata matua faatuatuaina e uiga i se taimi na tatau ai ona latou faatinoina le faatuatua e tausi ai se poloaiga faigata a le Alii ma mea sa latou aoaoina mai le aafiaga.

• Ata: Atatusi o se tagata fasilaau, o se mea faalavelave, ma upu ola e faavavau

• Anotusi e faaali atu: Filifiliga mo gaoioiga suesue ma uunaiga mo le faaaogaina e latalata i le faaiuga o le lesona

O Le Tolauapiga a Isaraelu

Faamoemoega o le lesona: Ina ia fesoasoani i tagata aoga ia malamalama o le a faatasi le Atua ma fesoasoani ia i latou pe a latou filifili e mulimuli ia te Ia.

• Sauniuniga a le tagata aoga: Mafaufau e valaaulia tagata aoga e mafaufau e uiga i mea e ono faigata ai ona mulimuli ia Iesu Keriso, ma pe aisea e aoga ai le taumafaiga o le mulimuli ia te Ia.

• Vitiō: ”Faatalitali i le Alii” (14:09; matamata mai le faailotaimi 9:25 i le 9:56); “Tolauapiga a Siona” (18:44; vaavaai mai le taimi 2:13 i le 3:02; 3:02 i le 5:00; 5:01 i le 8:02; ma le 8:03 i le 13:06)

• Faafanua: “Auala o le Toalauapiga a Siona, 1834”

• Pepa e tufa atu: “Aafiaga mai le Tolauapiga a Isaraelu”

Mataupu Faavae ma Feagaiga 105

Faamoemoega o le lesona: Ina ia fesoasoani i tagata aoga ia lagonaina se manao sili atu e tumau faamaoni i le Atua pe a tofotofoina lo latou faatuatua.

• Sauniuniga a le tagata aoga: Ina ia fesoasoani i tagata aoga e auai i lesona, mafaufau e valaaulia i latou e tatalo ma le faamaoni a o lei taunuu atu i le vasega. Atonu latou te tatalo mo faamanuiaga ia lagona ai le alofa o le Atua, maua le fesoasoani i se luitau patino, po o le malosi e tumau faamaoni ai i le Alii ma Ana feagaiga.

• Vitiō: “Tolauapiga a Siona” (18:44; matamata mai le faailotaimi 16:44 i le 18:44)