Doktrina ug mga Pakigsaad 106–108

Doktrina ug mga Pakigsaad 106–108

Kinatibuk-ang Pagpasabot

Sama sa Iyang gihimo sa panahon sa Bag-ong Tugon, si Jesukristo nagtawag og mga propeta, apostoles, ug uban pa sa pagdumala sa Iyang Simbahan karon ug sa pagpamatuod Kaniya sa tibuok kalibotan. Sa Doktrina ug mga Pakigsaad 107, gipasbot ni Jesus ang tahas niadtong napili nga mga lider ug naghatag og mga detalye sa pagtabang nila ug sa uban sa pagtuman sa ilang mga responsibilidad sa pagkapari.

Gamita ang mga pulong sa mga propeta sa paghatag og gibug-aton sa doktrina ug mga baroganan: Ang buhing mga propeta ug apostoles nagtudlo, nagpasabot, ug pagpatin-aw sa doktrina ug mga baroganan nga gitudlo sa balaang kasulatan. Ang paggamit sa mga propetikanhong mga pulong makatabang sa mga estudyante nga mas makasabot ug magkinabuhi sa ebanghelyo ni Jesukristo. Alang sa dugang pa kon sa unsang paagi kini gibuhat sa Manluluwas, tan-awa ang seksiyong “Ang Manluluwas Mitudlo gikan sa mga Kasulatan” sa Pagtudlo Sumala sa Pamaagi sa Manluluwas. Makakita ka usab og usa ka ehemplo kon unsaon sa pagbuhat niini sa leksiyon karong semanaha nga nag-ulohang “Doktrina ug mga Pakigsaad 107:1–20.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 107:1–20

Katuyoan sa leksiyon: Aron tabangan ang mga estudyante nga masabtan ang kaimportante sa paggamit sa gahom sa Manluluwas ug sa awtoridad sa Iyang pagkapari samtang nagserbisyo sa Iyang simbahan.

• Pagpangandam sa estudyante: Dapita ang mga estudyante nga pamalandongan ang mga panahon diin nabati nila ang gahom sa Manluluwas nga mitabang nila sa pagserbisyo sa Iyang Simbahan. Pwedeng apil ani ang mga calling sa ilang mga kurom ug klase o mga buluhaton sa pagpangalagad.

• Bidyo: “The Tender Mercies of the Lord” (17:15; tan-awa gikan sa time code 6:55 hangtod 8:53)

Doktrina ug mga Pakigsaad 107:21–100

Katuyoan sa leksiyon: Aron matabangan ang mga estudyante nga mas molambo ang ilang pagsalig nga ang Apostoles mao ang talagsaon nga mga saksi ni Jesukristo.

• Pagpangandam sa estudyante: Ipakigbahin sa mga estudyante nga ang mga propeta ug apostoles gitawag ingon og talagsaon nga mga saksi ni Jesukristo (tan-awa sa Doktrina ug mga Pakigsaad 107:23). Dapita silang mangandam sa klase pinaagi sa pagrebyo sa kinabag-ohang pakigpulong sa kinatibuk-ang komperensya gikan sa usa ka sakop sa Unang Kapangulohan o sa Korum sa Napulog Duha ka Apostoles. Sultihi sila nga mangita kon unsay ilang gitudlo bahin kang Jesukristo.

• Mga Materyal: Unom ka baso nga pwedeng patungpatongon aron mahimong pyramid

• Sulod nga ipakita: Mga piraso sa papel nga gibutang palibot sa lawak nga naay mga calling nga makita diha sa Doktrina ug mga Pakigsaad 107 ug ang mga bersikulo nga naghisgot sa mga calling nga nakasulat niini

• Bidyo: “Neil L. Andersen: Special Witness of Christ” (5:24; tan-awa gikan sa time code 4:15 hangtod 5:24)

• Mga materyal para sa mga estudyante: Giprinta nga mga kopya sa kinabag-ohang mga pakigpulong sa komperensiya o uban pang kinabag-ohang mga pamahayag gikan sa Apostoles para sa mga estudyante nga walay elektronik nga akses niini

Pagbansay 8 sa Doktrinal nga Kahanas

Katuyoan sa leksiyon: Aron tabangan ang mga estudyante sa paggamit sa mga kamatuoran nga makitasa mga tudling sa doktrinal nga kahanas ug sa pagkat-on ug paggamit sa balaang mga baroganan alang sa pag-angkon og espirituhanong kahibalo.

• Pagpangandam sa estudyante: Dapita ang mga estudyante nga ipasabot ang ilang nahinumdoman sa usa ka higala o sakop sa pamilya bahin sa tulo ka baroganan sa pag-angkon og espirituhanong kahibalo. Kon lisod hinumdoman ang mga baroganan, dapita ang mga estudyante nga gamiton ang Mahinungdanon nga Dokumento sa Doktrinal nga Kahanas (2023) aron marebyo kini sa wala pa ang klase.

• Mga Materyal: Gagmayng mga piraso sa papel para sa matag estudyante; usa ka sudlanan para sa magtutudlo aron sudlan sa mga papel

• Imahe nga ipakita: Litrato sa usa ka batang babaye