« គោលលទ្ធិ និងសេចក្ដីសញ្ញា ១០៦–១០៨ ៖ ទិដ្ឋភាពទូទៅ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញាសម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៥ )
« គោលលទ្ធិ និងសេចក្ដីសញ្ញា ១០៦–១០៨ »សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ១០៦–១០៨
គោលលទ្ធិ និងសេចក្តីសញ្ញា ១០៦–១០៨
ទិដ្ឋភាពទូទៅ
ដូចដែលទ្រង់បានធ្វើនៅសម័យព្រះគម្ពីរសញ្ញាថ្មីដែរ ព្រះយេស៊ូវគ្រីស្ទបានហៅពួកព្យាការី សាវក និងអ្នកដទៃទៀតឲ្យដឹកនាំសាសនាចក្ររបស់ទ្រង់នៅសព្វថ្ងៃនេះ ហើយថ្លែងសាក្សីអំពីទ្រង់នៅទូទាំងពិភពលោក ។ នៅក្នុង គោលលទ្ធិ និងសេចក្ដីសញ្ញា ១០៧ ព្រះយេស៊ូវពន្យល់ពីតួនាទីរបស់ថ្នាក់ដឹកនាំដែលបានជ្រើសរើសទាំងនេះ ហើយផ្ដល់ព័ត៌មានលម្អិតដើម្បីជួយពួកលោក និងអ្នកដទៃទៀតបំពេញការទទួលខុសត្រូវខាងបព្វជិតភាពរបស់ពួកគេ ។
សូមប្រើប្រសាសន៍របស់ពួកព្យាការីដើម្បីបញ្ជាក់ពីគោលលទ្ធិ និងគោលការណ៍ទាំងឡាយ ៖ ពួកព្យាការី និងពួកសាវកនៅរស់ជាច្រើនបង្រៀន ពន្យល់ និងអធិប្បាយអំពីគោលលទ្ធិ និងគោលការណ៍នានាដែលបានបង្រៀននៅក្នុងព្រះគម្ពីរដ៏បរិសុទ្ធ ។ ការប្រើប្រសាសន៍របស់ព្យាការីអាចជួយសិស្សឲ្យយល់កាន់តែច្បាស់ និងរស់នៅតាមដំណឹងល្អរបស់ព្រះយេស៊ូវគ្រីស្ទ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើកិច្ចការនេះ សូមមើលផ្នែក « ព្រះអម្ចាស់បានបង្រៀនចេញពីព្រះគម្ពីរ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកក៏អាចឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្ដាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ១០៧:១–២០ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ១០៧:១–២០
គោលបំណងមេរៀន ៖ ដើម្បីជួយសិស្សយល់អំពីសារៈសំខាន់នៃការទាញយកព្រះចេស្ដានៃព្រះអង្គសង្គ្រោះ និងសិទ្ធិអំណាចបព្វជិតភាពរបស់ទ្រង់ នៅពេលពួកគេបម្រើក្នុងសាសនាចក្ររបស់ទ្រង់ ។
-
ការរៀបចំសិស្ស ៖ សូមអញ្ជើញសិស្សឲ្យគិតពិចារណាពីគ្រាដែលពួកគេមានអារម្មណ៍ថា ព្រះចេស្តារបស់ព្រះអង្គសង្គ្រោះបានជួយពួកគេបម្រើនៅក្នុងសាសនាចក្ររបស់ទ្រង់ ។ ការណ៍នេះអាចរួមបញ្ចូលទាំងការហៅនៅក្នុងកូរ៉ុម និងថ្នាក់រៀន ឬការចាត់តាំងធ្វើការងារបម្រើរបស់ពួកគេផងដែរ ។
-
វីដេអូ ៖ « The Tender Mercies of the Lord » ( ១៧:១៥ សូមមើលពីនាទីទី ៦:៥៥ ដល់នាទីទី ៨:៥៣ )
គោលលទ្ធិ និងសេចក្តីសញ្ញា ១០៧:២១–១០០
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍កាន់តែមានទំនុកចិត្តខ្លាំងឡើងថា ពួកសាវកគឺជាសាក្សីពិសេសរបស់ព្រះយេស៊ូវគ្រីស្ទ ។
-
ការរៀបចំសិស្ស ៖ សូមចែកចាយជាមួយសិស្សថា ពួកព្យាការី និងសាវកត្រូវបានហៅឲ្យធ្វើជាសាក្សីពិសេសរបស់ព្រះយេស៊ូវគ្រីស្ទ ( សូមមើល គោលលទ្ធិ និងសេចក្ដីសញ្ញា១០៧:២៣ ) ។ សូមអញ្ជើញពួកគេឲ្យត្រៀមខ្លួនរៀន ដោយមើលឡើងវិញនូវសុន្ទរកថាសន្និសីទទូទៅនាពេលថ្មីៗនេះពីសមាជិកនៃគណៈប្រធានទីមួយ ឬកូរ៉ុមនៃពួកសាវកទាំងដប់ពីរនាក់ ។ សូមណែនាំពួកគេឲ្យស្វែងរកអ្វីដែលពួកលោកបង្រៀនអំពីព្រះយេស៊ូវគ្រីស្ទ ។
-
សម្ភារ ៖ ពែងចំនួនប្រាំមួយដែលអាចគរលើគ្នាក្លាយជារាងសាជីជ្រុង ។
-
មាតិកាដែលត្រូវបង្ហាញ ៖ សន្លឹកក្រដាសបិទនៅជុំវិញបន្ទប់ដោយមានការហៅដែលមាននៅក្នុង គោលលទ្ធិ និងសេចក្តីសញ្ញា១០៧ និងខគម្ពីរដែលលើកឡើងពីការហៅទាំងនេះដែលបានសរសេរលើសន្លឹកក្រដាសទាំងនោះ ។
-
វីដេអូ ៖ « Neil L. Andersen: Special Witness of Christ » ( ៥:២៤ សូមមើលពីនាទីទី ៤:១៥ ដល់នាទីទី ៥:២៤ )
-
សម្ភារសម្រាប់សិស្ស ៖ បោះពុម្ពសំណៅចម្លងនៃសុន្ទរកថាសន្និសីទថ្មីៗនេះ ឬសេចក្តីថ្លែងការណ៍ថ្មីៗផ្សេងទៀតពីពួកសាវកសម្រាប់សិស្សដែលមិនអាចចូលមើលតាមប្រព័ន្ធអេឡិចត្រូនិក
ការអនុវត្តចំណេះចំណានខាងគោលលទ្ធិទី ៨
គោលបំណងមេរៀន ៖ ដើម្បីជួយសិស្សឲ្យអនុវត្តអំពីសេចក្តីពិតដែលមាននៅក្នុងវគ្គចំណេះចំណានខាងគោលលទ្ធិ ហើយរៀន និងអនុវត្តតាមគោលការណ៍ដ៏ទេវភាពសម្រាប់ការទទួលបានចំណេះដឹងខាងវិញ្ញាណ ។
-
ការរៀបចំសិស្ស ៖ សូមអញ្ជើញសិស្សឲ្យពន្យល់ចេញពីការចងចាំដល់មិត្តភក្តិ ឬសមាជិកគ្រួសារម្នាក់ៗនូវគោលការណ៍ទាំងបីនៃការទទួលបានចំណេះដឹងខាងវិញ្ញាណ ។ ប្រសិនបើគោលការណ៍ណាមួយពិបាកចងចាំ សូមអញ្ជើញសិស្សឲ្យប្រើប្រាស់ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២៣ ) ដើម្បីពិនិត្យឡើងវិញមុនពេលចូលរៀន ។
-
សម្ភារ ៖ សន្លឹកក្រដាសតូចៗសម្រាប់សិស្សម្នាក់ៗ ប្រអប់សម្រាប់គ្រូបង្រៀនដើម្បីដាក់ក្រដាសចូល
-
រូបភាពដែលត្រូវបង្ហាញ ៖ រូបថតយុវនារី