Doktrina ug mga Pakigsaad 109–110

Doktrina ug mga Pakigsaad 109–110

Kinatibuk-ang Pagpasabot

Human sa hapit tulo ka tuig nga pagtrabho ug sakripisyo, andam na ang Templo sa Kirtland. Gipadayag sa Ginoo ang pag-ampo sa pagpahinungod ngadto ni Propeta Joseph Smith (tan-awa sa Doktrina ug mga Pakigsaad 109). Human sa pagpahinungod niini, gituman sa Manluluwas ang Iyang saad nga “ipakita ang [Iyang] kaugalingon ngadto sa [Iyang] katawhan” sa Iyang balay (Doktrina ug mga Pakigsaad 110:7). Mipakita usab ang tulo ka langitnong mensahero ug gipahiuli ang importante nga mga yawe sa pagkapari.

Pagtutok sa makapakabig nga mga baroganan: Tabangi ang mga estudyante sa pagdiskobre sa doktrina ug mga baroganan nga makaimpluwensiya sa ilang relasyon ngadto sa Langitnong Amahan ug ni Jesukristo. Alang sa dugang pa kon sa unsang paagi kini gibuhat sa Manluluwas, tan-awa sa seksiyon nga “Gitudlo sa Manluluwas ang mga Kamatuoran nga Naggiya ngadto sa Pagkakabig ug Paglig-on sa Hugot nga Pagtuo” diha sa Pagtudlo Sumala sa Pamaagi sa Manluluwas. Makakita sab kag mga pananglitan kon unsaon sa pagbuhat niini diha sa leksiyon karong semanaha nga nag-ulohang “Doktrina ug mga Pakigsaad 110, Bahin 1.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 109

Katuyoan sa leksiyon: Aron tabangan ang mga estudyante nga mobati og dugang tinguha sa pagtambong sa templo ug pagdawat sa gisaad sa Ginoo nga mga panalangin.

• Pagpangandam sa estudyante: Dapita ang mga estudyante sa pagpamalandong kon unsay ilang gibati bahin sa templo. Pwede nilang basahon ang Doktrina ug mga Pakigsaad 109:10–13 ug mangita sa mga panalangin sa pagtambong sa templo nga makahuloganon kanila.

• Imahe nga ipakita: Lainlaing templo ug ang Templo sa Kirtland

• Impormasyon nga andamon: Pwede kang mangita og pipila ka kamatuoran bahin sa templo, sama sa kon pila ka templo ang aktibo karon, pila ang gipahibalo sa miaging kinatibuk-ang komperensiya, ang templo nga kinadul-an sa imong lokasyon, ug uban pa. Para sa mga estatistika sa templo, pwede nimong bisitahon ang ChurchofJesusChristTemples.org/statistics/.

• Mga Bidyo: “The Blessings of the Temple” (3:37) or “Strength beyond My Own” (3:47)

• Mga materyal para sa mga estudyante: Basahon sa himno o kopya sa himno nga “Ang Espiritu sa Dios” (Mga Himno, num. 2)

Doktrina ug mga Pakigsaad 110, Bahin 1

Katuyoan sa leksiyon: Aron tabangan ang mga estudyante nga masabtan kon sa unsang paagi ang atong pagkatakos mag-andam nato nga mas makaduol sa Ginoo diha sa Iyang templo.

• Pagpangandam sa estudyante: Dapita ang mga estudyante sa pagpamalandong kon unsay ipasabot sa pagkahimong takos sa pagsulod sa templo ug kon nganong bililhon kini. Pwede usab nimo silang dapiton nga mangutana sa usa ka sakop sa pamilya o lider sa Simbahan nga ipakigbahin ang ilang mga hunahuna. Dapita ang mga estudyante sa pagtambong sa klase nga andam sa pagpakigbahin sa ilang mga panabot ug mga pangutana.

• Imahe nga ipakita: Usa ka litrato sa Manluluwas

• Video: “Jesus Christ Appears in the Ancient Americas” (16:43; time code 11:52 hangtod 14:05)

• Sulod nga ipakita: Drowing sa templo nga naay dalan paingon niini

• Materyal para sa mga estudyante: Mga kopya, o akses sa, mga pangutana sa rekomend sa templo

Doktrina ug mga Pakigsaad 110, Bahin 2

Katuyoan sa leksiyon: Aron makatabang sa mga estudyante nga masabtan kon sa unsang paagi ang pagpahiuli sa mga yawe sa pagkapari ngadto kang Propeta Joseph Smith mopanalangin sa ilang mga kinabuhi.

• Pagpangandam sa estudyante: Dapita ang mga estudyante sa pagpili og usa sa mosunod nga mga hilisgotan ug pagpamalandong kon sa unsang paagi kini nahimong panalangin sa ilang kinabuhi: misyonaryo nga buhat, ang ebanghelyo ni Jesukristo, o templo ug family history.

• Imahe nga ipakita: Ang pagpakita sa Ginoo sa Templo sa Kirtland

• Handout: “Gipahiuli ang mga Yawe sa Pagkapari sa Templo sa Kirtland (Bahin 1 ug Bahin 2)”