“124-р хичээл—Сургаал ба Гэрээ 110, 2-р хэсэг: Санваарын түлхүүрүүдийн сэргээлт,” Сургаал ба Гэрээний семинарын багшийн гарын авлага (2025)
“Сургаал ба Гэрээ 110, 2-р хэсэг,” Сургаал ба Гэрээний семинарын багшийн гарын авлага
124-р хичээл: Сургаал ба Гэрээ 109–110
Сургаал ба Гэрээ 110, 2-р хэсэг
Санваарын түлхүүрүүдийн сэргээлт
1836 оны 4-р сарын 3-нд Көртландын ариун сүмд Есүс Христийг үзэгдсэний дараа Иосеф Смит, Оливер Каудери хоёрт “тэнгэр дахин нээгдэв” (Сургаал ба Гэрээ 110:11). Эртний гурван бошиглогч ирж, шаардлагатай санваарын түлхүүрүүдийг тэдэнд даатгажээ. Энэ хичээл бошиглогч Иосеф Смитэд сэргээгдсэн санваарын түлхүүрүүд амьдралыг нь хэрхэн адисалж болохыг ойлгоход суралцагчдад тусална.
Боломжит суралцах үйл ажиллагаа
Амьдрал хэр өөр байх байсан бэ?
Хичээлийг эхлүүлэхийн тулд дараах дутуу өгүүлбэрийг самбар дээр бичих талаар бодож үзээрэй.
Хэрэв байхгүй бол таны амьдрал ямар байх байсан бол?
Суралцагчдыг судлах тэмдэглэлдээ уг асуултыг үүнгүйгээр амьдрахад хэцүү гэж бодож байгаа зүйлээр гүйцээж бичихэд урь. Цөөн суралцагчийг асуултаа хэрхэн гүйцээж бичсэнээ хуваалцахад болон үүнгүйгээр тэдний амьдрал яагаад хэцүү байх байсныг товч тайлбарлахад урь.
Суралцагчдыг хуваалцсаны дараа самбар дээрх асуултыг “номлогчийн ажил,” “сайн мэдээний бүрэн байдал,” “ариун сүм, гэр бүлийн түүхийн ажил,” “гэр бүлтэйгээ лацдан холбогдох боломж” гэх мэт үг хэллэгээр гүйцээж бич. Ангийн гишүүдийг Тэнгэрлэг Эцэгээс ирсэн эдгээр адислалгүйгээр амьдрал хэрхэн өөр байх байсныг дотроо тунгаан бодож, өөрт төрж болох аливаа мэдрэмжээ бичихэд урь. Суралцагчдыг эдгээр адислалыг боломжтой болгоход тусалсан ариун нандин үйл явдлуудын талаар олж мэдэх үедээ өөрсдийн амьдралд эдгээр адислалын ач холбогдлыг үргэлжлүүлэн тунгаан бодоход урамшуул.
Санваарын түлхүүрүүдийг сэргээв
Та 1836 оны 4-р сарын 3-нд Көртландын ариун сүмд Аврагч ирсэн дүр зургийг харуулахыг хүсэж болно (Сургаал ба Гэрээ 110:1–10-ыг үзнэ үү). Хэрэв суралцагчид “Сургаал ба Гэрээ 110, 1-р хэсэг” хичээлийг судалсан бол та тэдэнд дараах асуултыг тавьж болно.
-
Та энэ ариун үзэгдлийн талаар юу санаж байна вэ?
Дараах тодоор бичсэн үнэнийг самбар дээр бичихийг бод. Их Эзэн санваарын түлхүүрүүдийг сэргээхээр бошиглогч Иосеф Смитэд тэнгэр элч нарыг илгээсэн. Энэ үнэний ач холбогдлыг илүү сайн ойлгоход нь суралцагчдад туслахын тулд дараах хүснэгтийг самбарт хуулж бичээд, судлах тэмдэглэлдээ бас зурахад урь. (Энэ хичээлийн сүүл хэсэгт буй хүснэгтийн багана бүрийн доод талд нэмэлт асуулт оруулах хангалттай зай үлдээх шаардлагатай гэдгийг суралцагчдад тайлбарла.) Судраа ашиглан хүснэгтийг бөглөхөд суралцагчдыг урь.
Көртландын ариун сүм—1836 оны 4-р сарын 3
|
Хэн үзэгдсэн бэ? Тэр юуг сэргээсэн бэ? |
Хэн үзэгдсэн бэ? Тэр юуг сэргээсэн бэ? |
Хэн үзэгдсэн бэ? Тэр юуг сэргээсэн бэ? |
Судлах хангалттай хугацааг суралцагчдад гаргаж өгсний дараа, судалсан зүйлээ самбар дээрх багана тус бүрд сайн дураараа бичих суралцагчдыг урь. Шаардлагатай бол тэдэнд дараахыг сануул. Үүнд:
“Санваарын түлхүүр бол Бурханы хүүхдүүдийн төлөө санваарыг хэрхэн ашиглахыг удирдан чиглүүлэх эрх мэдэл юм. Сүмийн бүх санваарын эрх мэдлийг хэрхэн ашиглахыг санваарын түлхүүрүүдийг атгадаг хүмүүс удирдан чиглүүлнэ” гэснийг сана (Ерөнхий гарын авлага: Есүс Христийн Хожмын Үеийн Гэгээнтнүүдийн Сүмд үйлчлэх нь, 3.4.1-ийг ChurchofJesusChrist.org-оос үз мөн Сургаал ба Гэрээ 65:2-ыг үзнэ үү).
Сэргээгдсэн түлхүүрүүдийг илүү сайн ойлгоход нь суралцагчдад туслахын тулд судрын бусад хэсэг, Ерөнхий чуулганы үгс, бусад тэнгэрлэг эх сурвалжийг ашиглан түлхүүрүүдийг судлахад урь. Тэд зүүлт тайлбар, “санваарын түлхүүрүүд,” мэдэхгүй үгс, аль нэг тэнгэрлэг гийчдийн нэрийг Guide to the Scriptures, Bible Dictionary-ээс эсвэл Topical Guide-аас хайж судалж болно. Тэд Gospel Library аппликэйшн дээрээс “Көртландын ариун сүмд сэргээгдсэн түлхүүрүүд” гэж хайж болно.
Эсвэл суралцагчдыг жижиг бүлгүүдэд хуваарилж, бүлэг бүрд “Көртландын ариун сүмд сэргээгдсэн санваарын түлхүүрүүд” гарчигтай тараах материалын судлах үйл ажиллагаанаас аль нэгийг нь өг. Бүлэг бүрийг тараах материалыг хамтдаа ярилцаж, хүснэгтэд санаа нэмэхэд урь.
Көртландын сүмд сэргээгдсэн санваарын түлхүүрүүд
Судлах үйл ажиллагаа А
Мосе “Израилыг цуглуулах” (Сургаал ба Гэрээ 110:11) түлхүүрүүдийг сэргээв. Цуглуулах түлхүүрүүд нь Есүс Христийн сэргээгдсэн сайн мэдээг дэлхийн үндэстнүүдэд тунхаглах эрх мэдэл бүхий үйлчлэгчдэд эрх мэдэл өгдөг.
Ерөнхийлөгч Рассэлл М.Нэлсон ийн тунхаглажээ.
Бид хөшигний хоёр талд Израилыг цуглуулах ажлын талаар ярихдаа мэдээж номлол, ариун сүм, гэр бүлийн түүхийн ажлын тухай ярьдаг. Бид мөн хамт амьдардаг, ажилладаг, үйлчилдэг хүмүүсийнхээ зүрх сэтгэлд итгэл, гэрчлэлийг нь бататгах тухай ярьдаг. (Рассэлл М.Нэлсон, “Бурхан ялах болтугай,” 2020 оны 10-р сарын Ерөнхий чуулган, 102)
-
Та өдөр бүр харилцдаг хүмүүсийнхээ зүрх сэтгэлд итгэл, гэрчлэлтэй болоход нь хэрхэн тусалж чадах вэ?
-
Их Эзэн номлолын ажлаар дамжуулан бидэнд хандсан нь таны амьдралд эсвэл таны таньдаг хэн нэгний амьдралд хэрхэн нөлөөлсөн бэ?
Судлах үйл ажиллагаа Б
Елиас Абрахамын сайн мэдээний эрин үеийг даатгав (Сургаал ба Гэрээ 110:12). Үүнд Абрахамын гэрээний сэргээлт багтана.
Ерөнхийлөгч Рассэлл М.Нэлсон ийн тайлбарласан.
Бурханы Абрахамтай эхэлж хийсэн гэрээ … үүнд хэд хэдэн амлалтууд орсон … бүх үндэстнүүд түүний үр удмаар адислагдах болно. …
… Бид эрт үеийн хүмүүстэй адил ариун санваар болон мөнхийн сургаалыг хүлээн авсан. Бид сургаалын бүрэн байдлыг хүлээн авч, санваарын адислалуудыг хүртэж, Бурханы хамгийн агуу том бэлэг болох мөнхийн амьдралыг авах эрхтэй болсон. (Рассэлл M.Нэлсон, “Гэрээнүүд,” 2011 оны 10-р сарын Ерөнхий чуулган, 103)
-
Их Эзэн сайн мэдээ, санваараараа дамжуулан үндэстэн, гэр бүлүүд, хувь хүмүүсийг ямар арга замаар адисалдаг вэ?
-
Та Их Эзэний сайн мэдээгээр болон санваараар дамжуулан Түүнээс ямар адислал хүлээн авч байна вэ?
Судлах үйл ажиллагаа В
Елиа гэр бүлүүдийг ариун сүмд лацдан холбох эрх бүхий лацдан холболтын түлхүүрүүдийг сэргээв.
Арван хоёр төлөөлөгчийн чуулгын ахлагч Гари Э.Стивэнсон ийн заасан.
Ариун сүмд гүйцэтгэх ёслолыг боломжтой болгох түлхүүрийг Хуучин Гэрээний бошиглогч Елиас сэргээсэн. Ариун сүмд гүйцэтгэдэг ёслолууд нь хувь хүнд болон гэр бүлүүдэд Тэнгэрлэг Эцэг эхийн оршихуйд эргэн очих боломжийг олгодог. (Гари Э.Стивэнсон, “Санваарын түлхүүр ба эрх мэдэл хаана байна вэ?,” 2016 оны 4-р сарын Ерөнхий чуулган, 14)
-
Их Эзэн ариун сүмийн ажил, лацдан холболтоор дамжуулан биднийг ямар арга замаар адисалдаг вэ?
-
Их Эзэн таныг болон танай гэр бүлийг ариун сүмийн ёслолуудаар дамжуулан хэрхэн адисалсан эсвэл хэрхэн адисалж чадах вэ?
Хичээлийн эхэнд юуны талаар эргэцүүлэн бодож байсныг нь суралцагчдад сануулахыг бод. Судлах тэмдэглэлдээ “Эдгээр түлхүүр яагаад надад чухал вэ?” гэж бичихэд тэднийг урь. Судалсныхаа үндсэн дээр эсвэл үйл ажиллагаанаас сурсан зүйл дээрээ үндэслэн энэ асуултыг тунгаан бодож, хариулах цагийг тэдэнд гаргаж өг.
“Их Эзэний агуу хийгээд аймшигт өдөр ирэхийн өмнө”
Есүс Христийн Хоёр дахь ирэлттэй холбоотой үг, хэллэгийг олж мэдэх зорилгоор Сургаал ба Гэрээ 110:14–16-г нягталж үзээрэй.
-
Та юу олж мэдсэн бэ?
Олж мэдсэн чухал үг, хэллэгээ судар дээрээ тэмдэглэхэд суралцагчдыг урамшуул.
-
Мосе, Елиас, Елиа нарын сэргээсэн санваарын түлхүүрүүдээр дамжуулан Аврагч биднийг Хоёр дахь ирэлтдээ хэрхэн бэлтгэж байна вэ?
-
Эдгээр санваарын түлхүүрийг сэргээхгүйгээр, Их Эзэнийг ирэх үед дэлхий яагаад “зүхлээр арчигдах” болно (Сургаал ба Гэрээ 110:15) гэж та бодож байна вэ?
Хичээлийг өндөрлөхийн тулд суралцагчдыг судлах тэмдэглэлдээ дараахыг хийж гүйцэтгэхэд урь. Та мөн цөөн суралцагчаас бичсэн зүйлсээ хуваалцахыг хүсэж болно.
Нэг найз тань Көртландын ариун сүмд сэргээгдсэн санваарын түлхүүрүүдийн талаар олж мэдсэн гэдгээ танд хэлсэн гэж төсөөлөөд үз. Найз тань “энэ надад ямар хамаатайг би сайн мэдэхгүй байна” гэв. Өнөөдөр сурсан зүйлээ ашиглан, ямар түлхүүр сэргээгдсэнийг, тэдгээр нь найзыг тань хэрхэн адисалсан хийгээд адисалж болохыг тайлбарла.