Doktrina ug mga Pakigsaad 111–114

Doktrina ug mga Pakigsaad 111–114

Kinatibuk-ang Pagpasabot

Niadtong 1836, ang Simbahan dako kaayo og utang. Si Propeta Joseph Smith ug ang ubang mga lider sa Simbahan mibiyahe ngadto sa Salem, Massachusetts, diin naglaom sila nga makakita og kwarta nga ibayad sa utang. Samtang diha sa Salem, nakadawat si Joseph og pagpadayag nga narekord diha sa Doktrina ug mga Pakigsaad 111. Sa 1837, Si Thomas B. Marsh, Presidente sa Korum sa Napulog Duha ka Apostoles, nangayo og direksiyon kang Joseph Smith bahin sa iyang calling.

Pagtutok sa Langitnong Amahan ug kang Jesukristo: Ang kinadak-ang panalangin nga mahatag sa mga magtutudlo sa mga estudyante mao ang pagtabang nila nga mailhan ug higugmaon ang Langitnong Amahan ug si Jesukristo. Samtang mangandam ka sa klase, tinguhaa ang insperasyon kon unsaon kini paghimo. Aron makakat-on pa og dugang bahin niini, tan-awa ang seksiyon nga “Pagtudlo mahitungod sa mga Titulo, mga Tahas, ug mga Hiyas ni Jesukristo” sa Pagtudlo sumala sa Pamaagi sa Manluluwas. Makakita ka usab og usa ka ehemplo kon unsaon sa pagbuhat niini diha sa leksiyon karong semanaha nga nag-ulohan og “Doktrina ug mga Pakigsaad 111.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 111

Katuyoan sa leksiyon: Aron tabangan ang mga estudyante nga mas mosalig sa Langitnong Amahan ug ni Jesukristo.

Pagpangandam sa estudyante: Dapita ang mga estudyante sa paghunahuna bahin sa mga problema o mga hagit nga ilang giatubang ug kon unsa sila ka masaligon nga makaya nila kini ug mahimo rang maayo ang tanan.

Doktrina ug mga Pakigsaad 112

Katuyoan sa leksiyon: Aron matabangan ang mga estudyante nga mapainubsanong magtinguha og giya gikan sa Langitnong Amahan.

• Pagpangandam sa estudyante: Panahon sa leksiyon, dapiton ang mga estudyante sa paghunahuna bahin sa mga direksiyon nga gikinahanglan nila gikan sa Langitnong Amahan. Pwede nimo silang dapiton daan nga maghunahuna mahitungod sa ilang kinabuhi ug ang giya nga ila tingaling gikinahanglan gikan Kaniya.

• Bidyo: “How I #HearHim: Elder Neil L. Andersen” (2:51)

Sukda ang Imong Nakat-onan 8

Tumong sa leksiyon: Aron matabangan ang mga estudyante sa paghinumdom ug sa pagsusi kon sa unsang paagi ang ilang mga kasinatian sa pagtuon sa Doktrina ug mga Pakigsaad nakatabang kanila nga motubo sa espirituhanong paagi.

• Mga aytem: Mga bato nga lainlain og gidak-on nga pwedeng himoong ilhanan sa dalan

• Imahe: Ang kasamtangan nga Unang Kapangulohan ug ang Korum sa Napulog Duha ka Apostoles