Mataupu Faavae ma Feagaiga 111–114

Mataupu Faavae ma Feagaiga 111–114

Vaaiga Aoao

I le 1836, sa matuai tele se aitalafu na i ai a le Ekalesia. Na malaga atu le Perofeta o Iosefa Samita ma isi taitai o le Ekalesia i Salema, Masatusa, lea sa latou faamoemoe e maua mai ai se tupe e totogi ai aitalafu. Ao iai i Salema, na maua mai ai e Iosefa le faaaliga ua faamaumauina i le Mataupu Faavae ma Feagaiga 111. I le 1837, na sailia ai e Thomas B. Marsh, le Peresitene o le Korama a Aposetolo e Toasefululua, le taitaiga e uiga i lona valaauga mai ia Iosefa Samita.

Taulai Atu i le Tama Faalelagi ma Iesu Keriso: O faamanuiaga sili e mafai ona tuuina atu e faiaoga i tagata aoga o le fesoasoani lea ia i latou ia iloa ma alolofa i le Tama Faalelagi ma Iesu Keriso. A o e sauni ma aoao atu lesona, ia saili musumusuga i auala e faia ai lenei mea. Ina ia aoao atili e uiga i lenei mea, tagai i le vaega “Aoao atu e uiga i Faalagiga, Matafaioi, ma Uiga o Iesu Keriso” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 111.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae ma Feagaiga 111

Faamoemoega o le lesona: Ina ia fesoasoani i tagata aoga ia lagonaina le talitonuga sili atu i le Tama Faalelagi ma Iesu Keriso.

Sauniuniga a le tagata aoga: Valaaulia tagata aoga e mafaufau e uiga i faafitauli po o luitau latou te feagai ma po o le a lo latou mautinoa e mafai ona latou foiaina ma o le a lelei mea uma.

Mataupu Faavae ma Feagaiga 112

Faamoemoega o le lesona: Ina ia fesoasoani i tagata aoga ia saili ma le lotomaualalo le taitaiga mai le Tama Faalelagi.

• Sauniuniga a le tagata aoga: I le taimi o le lesona, o le a valaaulia tagata aoga e mafaufau e uiga i faatonuga latou te manaomia mai le Tama Faalelagi. E mafai ona e vave valaaulia i latou e mafaufau e uiga i o latou olaga ma le taitaiga latou te ono manaomia mai ia te Ia.

• Vitio: “How I #HearHim: Elder Neil L. Andersen” (2:51)

Iloilo Lou Aoaoina 8

Faamoemoega o le lesona: Ina ia fesoasoani i tagata aoga e manatua ma iloilo pe na faapefea e o latou aafiaga i le suesueina o le Mataupu Faavae ma Feagaiga ona fesoasoani i lo latou tuputupu a’e faaleagaga.

• Aitema: E tele maa o ituaiga eseese e mafai ona faaaoga e fatu ai se faailoga o le alasopo

• Ata: O le Au Peresitene Sili ma le Korama a Aposetolo e Toasefululua o loo iai nei