Doktrina at mga Tipan 111–114

Doktrina at mga Tipan 111–114

Buod

Noong 1836, malaki ang pagkakautang ng Simbahan. Naglakbay si Propetang Joseph Smith at ang iba pang lider ng Simbahan patungo sa Salem, Massachusetts, kung saan nila inaasahang makakuha ng pera para mabayaran ang utang. Habang nasa Salem, natanggap ni Joseph ang paghahayag na nakatala sa Doktrina at mga Tipan 111. Noong 1837, humingi ng patnubay si Thomas B. Marsh, na Pangulo ng Korum ng Labindalawang Apostol, kay Joseph Smith tungkol sa kanyang katungkulan.

Magtuon sa Ama sa Langit at kay Jesucristo: Ang pinakadakilang mga pagpapala na maibibigay ng mga titser sa mga estudyante ay ang tulungan sila na makilala at mahalin ang Ama sa Langit at si Jesucristo. Habang naghahanda at nagtuturo ka ng mga lesson, humingi ng inspirasyon kung paano ito gawin. Para sa karagdagang kaalaman tungkol dito, tingnan ang bahaging “Ituro ang tungkol sa mga Titulo, Tungkuling Ginagampanan, at mga Katangian ni Jesucristo” sa Pagtuturo sa Paraan ng Tagapagligtas. Makakakita ka rin ng halimbawa ng kung paano ito gawin sa lesson ngayong linggo na may pamagat na “Doktrina at mga Tipan 111.”

Maghandang magturo

Ang sumusunod na impormasyon ay nagbibigay sa iyo ng mga ideya sa kung ano ang maaaring kailangan mong ihanda nang maaga para sa bawat lesson.

Doktrina at mga Tipan 111

Layunin ng lesson: Tulungan ang mga estudyante na mas magtiwala sa Ama sa Langit at kay Jesucristo.

Paghahanda ng estudyante: Sabihin sa mga estudyante na isipin ang mga problema o hamon na kinakaharap nila at kung gaano ang pagtitiwala nila na malalampasan nila ang mga ito at magiging maayos ang mga bagay-bagay.

Doktrina at mga Tipan 112

Layunin ng lesson: Tulungan ang mga estudyante na mapagpakumbabang humingi ng gabay mula sa Ama sa Langit.

• Paghahanda ng estudyante: Sa lesson, aanyayahan ang mga estudyante na isipin ang mga tagubilin na kailangan nila mula sa Ama sa Langit. Maaari mong sabihin sa kanila nang maaga na isipin ang kanilang buhay at ang gabay na maaaring kailanganin nila mula sa Kanya.

• Video: “Paano ko Nagagawang Pakinggan Siya: Elder Neil L. Andersen” (2:51)

I-assess ang Iyong Pagkatuto 8

Layunin ng lesson: Tulungan ang mga estudyante na maalala at masuri kung paano nakatulong sa kanila ang kanilang mga karanasan sa pag-aaral ng Doktrina at mga Tipan na espirituwal na umunlad.

• Mga Item: Ilang bato na iba’t iba ang laki na magagamit upang gumawa ng trail marker

• Larawan: Ang kasalukuyang Unang Panguluhan at Korum ng Labindalawang Apostol