Mataupu Faavae ma Feagaiga 115–120

Mataupu Faavae ma Feagaiga 115–120

Vaaiga Aoao

Ia Ianuari 1838, sa toe siitia atu ai le Perofeta o Iosefa Samita ma lona aiga mai Katelani, Ohaio, i Far West, Misuri, ina ua mavae le faateleina o sauaga mai fili o le Ekalesia. I masina na sosoo ai, sa maua ai e le Perofeta ia faaaliga lea na folafola mai ai e le Alii upumoni taua, e aofia ai le igoa o Lana Ekalesia ma le tulafono o le sefuluai. Mulimuli ane i lena tausaga, sa feagai le Au Paia i Misuri ma sauaga matautia, e aofia ai se poloaiga mai le kovana o Misuri e tutuliese le Au Paia mai le setete.

Fai fesili e valaaulia ai le mauaina: O le faia o fesili talafeagai ma le faaiuga e mafai ona maua ai avanoa anoa ma mamana mo tagata aoga e iloa ai ma faasoa mai aoaoga faavae ma mataupu faavae. Mo nisi faamatalaga i le ala na faia ai e le Faaola lenei mea, tagai i le vaega lea “Na Saunia e le Faaola Avanoa mo Tagata ina ia Aoaoina e le Agaga Paia” i le Aoao Atu i Ala o le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 115.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae ma Feagaiga 115

Faamoemoega o le lesona: Ina ia fesoasoani i tagata aoga ia lagonaina le taua o le faaaogaina o le igoa sao o le Ekalesia a le Faaola.

• Sauniuniga a le tagata aoga: Valaaulia tagata aoga e faaalu se taimi e mafaufau ai e uiga i le igoa o le Ekalesia a le Faaola: O Le Ekalesia a Iesu Keriso o le Au Paia o Aso e Gata Ai. Fai atu ia i latou e mafaufau loloto po o le a se mea e ono fesoasoani ai lenei igoa i tagata ia malamalama e uiga i le Ekalesia.

• Anomea mo tagata aoga: Kopi o le lauga “O Le Igoa Sa’o o le Ekalesia” (Liahona, Nov. 2018, 87-90) mo tagata aoga o e e le o maua ni masini faatekinolosi.

• Vitio: “O le Igoa o le Ekalesia e le Fetuunaia” (13:36; matamata mai le faailo taimi 10:45 i le 12:10)

Mataupu Faavae ma Feagaiga 119-120

Faamoemoega o le lesona: Ina ia fesoasoani i tagata aoga ia lagonaina se naunau faateleina e ola ai i le tulafono a le Faaola o le sefuluai.

• Sauniuniga a le tagata aoga: Valaaulia tagata aoga o e na totogi sefuluai e manatunatu i le aafiaga ma mafaufau pe o a ni o latou lagona e uiga i le ola ai i lenei tulafono. Valaaulia i latou e lei mauaina lava ni tupe maua e talosagaina ai se matua po o se tagata matua faatuatuaina e faasoa mai faamanuiaga na latou vaaia mai le totogiina o le sefuluai.

• Pepa e tufa atu: “Aoaoga e uiga i le Tulafono a le Faaola o le Sefuluai”

• Vitio: “Sefuluai: O Le a Ou Faia se Oso o le Faatuatua” (4:47); “O Le Gagana o le Talalelei“ (12:27; matamata mai le faailo taimi 5:27 i le 7:40)

Tutulieseina mai Misuri

Faamoemoega o le lesona: Ina ia fesoasoani i tagata aoga ia lagonaina se naunau sili atu e tumau faamaoni i le Atua pe a feagai ma tulaga faigata.

• Sauniuniga a le tagata aoga: Valaaulia tagata aoga e fai atu i se tasi e pele e faasoa mai ni mea na tutupu ia latou po o isi na liliu atu pe faalagolago i le Atua pe a feagai ma tulaga faigata.

• Anotusi e faaali atu: Aotelega o tulaga na oo atu ai i le tutulieseina o le Au Paia mai Misuri

• Vitio: “1838: The Year the Saints Were Driven Out of Missouri” (5:15)

• Pepa e tufa atu: “O Le Tala ia Amanda Samita i le Fale Laupapa a Hawn”