«Դաս 128․ Վարդապետություն և Ուխտեր 115․ «Քանզի այսպես պիտի կոչվի իմ եկեղեցին», Վարդապետություն և Ուխտեր․ Սեմինարիայի ուսուցչի ձեռնարկ (2025)
«Վարդապետություն և Ուխտեր 115», Վարդապետություն և Ուխտեր․ Սեմինարիայի ուսուցչի ձեռնարկ
Դաս 128. Վարդապետություն և Ուխտեր 115–120
Վարդապետություն և Ուխտեր 115
«Քանզի այսպես պիտի կոչվի իմ եկեղեցին»
Հալածանքից խուսափելու համար Միսսուրի նահանգի Ջեկսոն գավառի հազարավոր Սրբեր հավաքվեցին և ստեղծեցին նոր բնակավայր, որը գտնվում էր մոտ 50 մղոն (80 կմ) դեպի հյուսիս և կոչվում էր Ֆար Վեստ: Ֆար Վեստում Մարգարե Ջոզեֆ Սմիթին տրված հայտնության մեջ Տերը հայտնեց, որ Իր Եկեղեցին պետք է կոչվի Հիսուս Քրիստոսի Վերջին Օրերի Սրբերի Եկեղեցի: Այս դասը կօգնի ուսանողներին զգալ Փրկչի Եկեղեցու ճիշտ անունն օգտագործելու կարևորությունը:
Հնարավոր ուսումնական վարժություններ
Կոչվել է սխալ անունով
Դասը սկսվելուց առաջ կարող եք խոսել մի քանի ուսանողի հետ: Խնդրեք նրանց դասի ուսուցումը սկսելուց առաջ դասարանի մյուս անդամների ներկայությամբ ձեզ սխալ անունով կոչել: Դա հետաքրքիր եղանակ է՝ օգնելու ուսանողներին մտածել ճիշտ անուններ օգտագործելու կարևորության մասին:
-
Ի՞նչ փորձառություններ եք ունեցել, երբ ձեզ սխալ անունով են կոչել: Ինչպիսի՞ զգացումներ են ձեզ մոտ առաջացնում նման փորձառությունները:
-
Ի՞նչ սխալ անուններ են մարդիկ երբեմն օգտագործում Եկեղեցու մասին խոսելիս:
Ուսանողներին առաջարկեք մտածել պատճառների մասին, թե ինչու է կարևոր օգտագործել Եկեղեցու ճիշտ անվանումը: Կարող եք առաջարկել մի քանի ուսանողի կիսվել իրենց մտքերով: Այնուհետև խրախուսեք նրանց ուսումնասիրելիս փնտրել ճշմարտություններ, որոնք կօգնեն իրենց ավելի լավ հասկանալ Փրկչի Եկեղեցու ճիշտ անունն օգտագործելու կարևորությունը:
Հիսուս Քրիստոսը հայտարարում է Իր Եկեղեցու անունը
Բացատրեք, որ Եկեղեցու թշնամիների կողմից ուժգնացող հալածանքներից հետո 1838 թվականի հունվարին Մարգարե Ջոզեֆ Սմիթը հեռացավ Կիրթլենդից (Օհայո)։ Նա և իր ընտանիքը տեղափոխվեցին Միսսուրի, որտեղ Սրբերը հիմնել էին նոր բնակավայր, որը կոչվում էր Ֆար Վեստ: Տեղափոխվելուց կարճ ժամանակ անց Մարգարեն հայտնություն ստացավ, որում Տերն ուղղորդում տվեց՝ Ֆար Վեստում Եկեղեցի կառուցելու վերաբերյալ:
Կարդացեք Վարդապետություն և Ուխտեր 115․1–4 հատվածները, փնտրելով, թե Փրկիչն ինչ է ուսուցանել Ֆար Վեստի Եկեղեցու ղեկավարներին:
-
Ի՞նչ է ուսուցանել Հիսուս Քրիստոսն Իր Եկեղեցու անվան մասին:
Անհրաժեշտության դեպքում օգնեք ուսանողներին բացահայտել, որ Հիսուս Քրիստոսը հայտարարել է, որ Իր Եկեղեցու անունն է՝ Հիսուս Քրիստոսի Վերջին Օրերի Սրբերի Եկեղեցի։ Ուսանողներին առաջարկեք նշել Քրիստոսի Եկեղեցու անունը Վարդապետություն և Ուխտեր 115․4 հատվածում:
-
Այդ անունն ի՞նչ է ուսուցանում ձեզ Եկեղեցու մասին:
-
Ըստ ձեզ, ինչո՞ւ է Հիսուս Քրիստոսը ցանկանում, որ մենք Իր Եկեղեցին անվանենք ճիշտ անունով:
Նախորդ հարցերի քննարկման ընթացքում օգտակար կլինի առաջարկել ուսանողներին կարդալ 3 Նեփի 27.7–8 հատվածները։ Կարող եք առաջարկել ուսանողներին խաչաձև հղում կատարել կամ կապել այս հատվածները Վարդապետություն և Ուխտեր 115․4 հատվածի հետ։
Եկեղեցու ճիշտ անունն օգտագործելու կարևորությունը
Հնարավորության դեպքում ուսանողներին ժամանակ տրամադրեք ուսումնասիրել Նախագահ Ռասսել Մ. Նելսոնի «Եկեղեցու ճիշտ անունը» ելույթը (Լիահոնա, նոյ. 2018, 87–90): Տպեք ելույթի օրինակներն այն ուսանողների համար, որոնք թվային սարքերի հասանելիություն չունեն:
Երբ ուսանողներն ուսումնասիրեն, առաջարկեք նրանց փնտրել ուսմունքներ, որոնք կօգնեն նրանց հասկանալ Փրկչի Եկեղեցու ճիշտ անունն օգտագործելու կարևորությունը: Ուսանողները կարող են անհատապես ուսումնասիրել ամբողջ ելույթը, կամ դուք կարող եք փոքր խմբերին հանձնարարել ուսումնասիրել դրա հատվածները, այնուհետև կիսվել դասարանի մնացած անդամների հետ իրենց սովորածով:
Որպեսզի օգնեք ուսանողներին քննարկել իրենց գտածը, կարող եք հարցեր տալ, օրինակ՝ «Ի՞նչ սովորեցիք այն մասին, թե ինչու է Եկեղեցու ճիշտ անվան օգտագոծումը կարևոր Երկնային Հոր և Հիսուս Քրիստոսի համար»։ Կամ «Ի՞նչն է ձեզ հատկապես տպավորել Նախագահ Նելսոնի ուղերձից: Ինչո՞ւ»:
Եթե ուսանողների համար հնարավոր չէ ուղղակիորեն ուսումնասիրել ելույթը, կարող եք օգտագործել հետևյալ խոսքերը։
Նախագահ Ռասել Մ. Նելսոնը քննարկել է Տիրոջ Եկեղեցու ճիշտ անունն օգտագործելու կարևորությունը.
Եկեղեցու անունը սակարկելի չէ։ Երբ Փրկիչը հստակ ասում է, թե ինչ պետք է լինի Իր Եկեղեցու անունը և նույնիսկ նախորդում է Իր «Քանզի այսպես պիտի կոչվի իմ եկեղեցին» հայտարարությանը, ապա Նա լուրջ է խոսում։ …
Իմ սիրելի եղբայրներ ու քույրեր, ես խոստանում եմ ձեզ, որ եթե մենք անենք հնարավոր ամեն բան Տիրոջ Եկեղեցու ճիշտ անունը վերականգնելու համար, Նա, ում պատկանում է այս Եկեղեցին, Իր զորությունն ու բազմաթիվ օրհնությունները կհեղի Վերջին Օրերի Սրբերի գլխին, որպիսիք երբևէ չենք տեսել նախկինում։ Մենք կունենանք Աստծո գիտելիքն ու զորությունը, որոնք կօգնեն մեզ տանել Հիսուս Քրիստոսի ավետարանի օրհնությունները բոլոր ազգերին, ցեղերին, լեզուներին ու մարդկանց և պատրաստել աշխարհը Տիրոջ Երկրորդ Գալուստին։ (Ռասսել Մ. Նելսոն, «Եկեղեցու ճիշտ անունը», Լիահոնա, նոյեմբեր 2018, 87, 89)
-
Ի՞նչ օրհնություններ է խոստացել մեզ Նախագահ Նելսոնը, երբ մենք օգտագործենք Հիսուս Քրիստոսի Եկեղեցու ճիշտ անունը:
«Վեր կացեք և շողացեք»
Կարդացեք Վարդապետություն և Ուխտեր 115.5–6 հատվածները՝ փնտրելով, թե ինչպես է Տերը ցանկանում օրհնել մարդկանց ողջ աշխարհում Իր Եկեղեցու միջոցով:
Որպեսզի օգնեք ուսանողներին հասկանալ Տիրոջ հրավերները, կարող եք ժամանակ հատկացնել՝ կարևոր բառերը կամ արտահայտությունները վերլուծելու համար: Օրինակ՝ կարող եք խնդրել ուսանողներին նկարել կամ ներկայացնել «վեր կացեք և շողացեք» արտահայտությունը (հատված 5): Ուսանողների համար օգտակար կլինի հասկանալ, որ չափանիշ բառը, որն օգտագործվում է հատված 5-ում վերաբերում է դրոշին, որը «դրոշ է… որի շուրջը հավաքվում են մարդիկ՝ նպատակի կամ ինքնության միասնությամբ» (Սուրբ գրքերի ուղեցույց, «Ensign», scriptures.ChurchofJesusChrist.org):
-
Ինչպե՞ս կարող է Տիրոջ Եկեղեցու ճիշտ անվան օգտագործումն օգնել մեզ հարգել հատվածներ 5–6-ում տրված Տիրոջ հրավերները:
-
Դուք կամ ձեր ընտանիքի անդամն ինպե՞ս եք կարողացել լույս լինել ուրիշների համար՝ օգտագործելով Փրկչի Եկեղեցու ճիշտ անունը:
Նախորդ հարցի քննարկման ընթացքում կարող եք կիսվել հետևյալ փորձառությամբ՝ ամփոփված երեց Նիլ Լ. Անդերսենի կողմից:
Տասներկու Առաքյալների Քվորումից երեց Նիլ Լ. Անդերսենը կիսվեել է փորձառություններից մեկով, որը մարդիկ ունենում են ամբողջ աշխարհում.
Եկեղեցու անունը սակարկելի չէ
Կան հազարավոր Վերջին Օրերի Սրբեր, որոնք համարձակորեն հռչակել են Եկեղեցու անունը: Եթե մենք կատարենք մեր բաժինը, մյուսները կհետևեն: Ինձ դուր է գալիս այս պատմությունը Թաիթիից:
Տասը տարեկան Իրիուրա Ջինը որոշեց հետևել նախագահ Նելսոնի խորհրդին:
«Դպրոցի իր դասարանում նրանք քննարկում էին իրենց հանգստյան օրերը … իսկ Իրիուրան խոսում էր … եկեղեցու մասին:
«Նրա ուսուցչուհին՝ Վայտե Պիֆաոն, ասաց. «Օ, ուրեմն դու մորմո՞ն ես»:
Իրիուրան համարձակ ասաց. «Ոչ … ես Հիսուս Քրիստոսի Վերջին Օրերի Սրբերի Եկեղեցու անդամ եմ»:
Նրա ուսուցչուհին պատասխանեց. «Այո, … դու մորմոն ես»:
«Իրիուրան պնդեց. «Ոչ ուսուցիչ, ես Հիսուս Քրիստոսի Վերջին Օրերի Սրբերի Եկեղեցու անդամ եմ»:
«Տիկին Պիֆաոն ապշել էր Իրիուրայի համոզմունքից և զարմանում էր, թե ինչու է նա այդքան համառորեն օգտագործում իր եկեղեցու [երկար] անունը: [Ուսուցչուհին որոշեց ավելին իմանալ Եկեղեցու մասին]:
«[Ավելի ուշ, քույր] Վայտե Պիֆաոն մկրտվեց [նա երախտագիտություն հայտնեց], որ Իրիուրան հետևեց նախագահ Նելսոնի խորհրդին»: (Նիլ Լ. Անդերսեն «Եկեղեցու անունը սակարկելի չէ», Լիահոնա, նոյեմբեր 2021, 118–19)
Հարցեր տվեք, որոնք հանգեցնում են բացահայտման․ սովորելու համար հարցեր տալ, որոնք կօգնեն ուսանողներին բացահայտել ճշմարտությունները, տես «Կազմեք բաց, ուսումնասիրության մղող հարցեր, որոնք կօգնեն սովորողներին ինքնուրույն բացահայտել ավետարանի վարդապետության սկզբունքները և չեն պահանջի ուսանողներից հատուկ պատասխան» վերնագրով դասընթացը Ուսուցչի կատարելագործման հմտություններ․ Ուսուցանեք վարդապետությունը ուսուցողական նյութում։
-
Այդ փորձառությունից ի՞նչն է առավել տպավորիչ ձեզ համար։
-
Ի՞նչ սովորեցիք կամ զգացիք այսօր, որը կօգնի ձեզ ավելի լավ հասկանալ Երկնային Հորը և Հիսուս Քրիստոսին:
Վկայեք ձեր քննարկած ճշմարտությունների մասին: Խրախուսեք ուսանողներին հետևել Տիրոջ պատվիրանին՝ օգտագործել Եկեղեցու ճիշտ անունը՝ ուրիշների հետ իրենց շփումներում: