Ամն-Ի Միսսուրի, Իլինոյս Եվ Այովա Տարածքները

Ինդիփենդենս Ճանաչվել է որպես Սիոնի կենտրոնական վայր (տե՛ս ՎևՈՒ 57.3): Տաճարի հողակտորը նվիրագործվեց 1831-ի օգոստոսի 3-ին: 1833-ին Սրբերը տեղահանվեցին այստեղից:

Ֆիշինգ գետ 1834-ին Ջոզեֆ Սմիթը և Սիոնի ճամբարն Օհայոյի Կիրթլենդից ճամփորդեցին դեպի Միսսուրի, որպեսզի Ջեկսոն գավառի Սրբերին վերադարձնեն իրենց հողը: ՎևՈՒ 105-ը հայտնվել է այս գետի ափերին:

Ֆար Վեստ Սա Մորմոնական ամենամեծ բնակավայրն էր Միսսուրիում: Այստեղ մի հողակտոր էր նվիրագործվել տաճարի համար (տե՛ս ՎևՈՒ 115): 1838-ի հուլիսի 8-ին Տասներկու Առաքյալների Քվորումը Տիրոջ կողմից կանչվեց առաքելության գնալու Բրիտանական կղզիներ (տե՛ս ՎևՈՒ 118):

Ադամ-օնդի-Ահման Միսսուրիի վերևում գտնվող այս տեղանքը Տերը ճանաչել է որպես մի վայր, որտեղ տեղի կունենա գալիք մեծ հավաքը, երբ Հիսուս Քրիստոսը կգա հանդիպելու Ադամին և նրա արդար ժառանգներին (տե՛ս ՎևՈՒ 78.15; 107.53–57; 116):

Լիբերթիի բանտը 1838-ի դեկտեմբերից մինչև 1839-ի ապրիլ Ջոզեֆ Սմիթը և ուրիշներ անարդարացի բանտարկված էին այստեղ: Եկեղեցու համար անհանգիստ այս ժամանակ, Ջոզեֆը ղեկավարություն ստանալու համար կանչեց առ Տերը և ստացավ ՎևՈՒ 121–123-ը:

Նավու Գտնվելով Միսսիսիպի գետի վրա՝ այս տեղը Սրբերի համար հավաքման վայր եղավ 1839–1846 թվականներին: Այստեղ տաճար կառուցվեց և սկսվեցին այնպիսի արարողություններ, ինչպիսիք են՝ մահացածների համար մկրտությունը, օժտումը և ընտանիքների կնքումը: 1842-ին այստեղ կազմավորվեց Սփոփող Միությունը: Այստեղ ստացված հայտնություններից են՝ ՎևՈՒ 124–129-ը:

Քարթեջ 1844թ. հունիսի 27-ին այստեղ նահատակվեցին Մարգարե Ջոզեֆ Սմիթը և նրա եղբայր Հայրումը (տե՛ս ՎևՈՒ 135):

Վինթեր Քուորթերս Սրբերի գլխավոր բնակավայրը (1846–1848) դեպի Սոլթ Լեյքի հովիտ գնալիս: Կազմավորվեց Իսրայելի ճամբարը դեպի արևմուտք ճամփորդելու համար (տե՛ս ՎևՈՒ 136):

Քաունսիլ Բլաֆս (Քենեսվիլ) 1847-ի դեկտեմբերի 27-ին այստեղ հաստատվեց Առաջին Նախագահությունը՝ Բրիգամ Յանգը որպես նախագահ: