Doktrina ug mga Pakigsaad 121–123

Doktrina ug mga Pakigsaad 121–123

Kinatibuk-ang Pagpasabot

Human gitraydor ug giaresto tungod sa sayop nga mga pasangil, nabilango si Propeta Joseph Smith ug uban pang mga lider sa Simbahan sa Liberty, Missouri. Panahon sa tingtugnaw sa 1838-1839, nag-antos pag-ayo ang mga Santos sa Missouri. Panahon sa ilang pag-antos, gihupay sila sa Ginoo pinaagi sa mabinationg tambag ug gitudloan sila sa paggamit sa mga gahom sa langit pinaagi sa mga baroganan sa pagkamatarong.

Tabangi ang mga estudyante nga ikonektar ang mga kasulatan ngadto sa ilang mga kinabuhi: Kon ang mga estudyante mokonektar kon unsa ang ilang natun-an sa mga kasulatan sa ilang kaugalingong mga kahimtang, ilang mas makita kon sa unsang paagi ang mga kasulatan makahatag og mga tubag ug direksyon nga makagiya kanila sa mga sitwasyon sa tinuod nga kinabuhi. Kini makapalambo sa ilang kadasig sa pagkat-on ug sa paggamit sa mga pagtulun-an sa ebanghelyo. Aron makakat-on kon giunsa ni paghimo sa Manluluwas, tan-awa ang seksiyon nga“Gitabangan sa Manluluwas ang mga Tawo sa Pagpangita og Personal nga Kalabotan diha sa Iyang Doktrina” sa Pagtudlo Sumala sa Pamaagi sa Manluluwas. Makakita ka usab og usa ka ehemplo kon unsaon sa pagbuhat niini diha sa leksiyon karong semanaha nga nag-ulohan og “Doktrina ug mga Pakigsaad 121–123.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 121–123

Katuyoan sa leksiyon: Aron makatabang sa mga estudyante nga masabtan kon unsaon pagtabang sa Dios kanato latas sa atong mga pagsulay.

• Pagpangandam sa estudyante: Dapita ang mga estudyante sa pagpangutana sa usa ka minahal kinsa matinud-anon nga nakalahutay sa lisod nga pagsulay kon unsay ilang nakat-onan bahin sa Langitnong Amahan ug ni Jesukristo pinaagi sa ilang kasinatian.

• Mga imahe nga ipakita: Mga litrato sa Bilangoan sa Liberty

• Bidyo: “Lessons from Liberty Jail,” (44:25; tan-awa gikan sa time code 3:00 hangtod 8:49 ug gikan sa time code 14:30 hangtod 15:22)

• Mga Materyal: Mga kopya sa summary sa kasaysayan ug usa ka blangko nga papel para sa matag estudyante

Doktrina ug mga Pakigsaad 121:34–46

Katuyoan sa leksiyon: Aron matabangan ang mga estudyante nga hingpit nga makagamit sa mga gahom sa langit diha sa ilang kinabuhi pinaagi sa pagkahimong mas nahisama kang Kristo.

• Pagpangandam sa estudyante: Dapita ang mga estudyante sa paghunahuna bahin sa mga device nga gigamit nga nagkinahanglan og kuryente. Dapita silang mopili og usa ka device, pamalandongi kon sa unsang paagi nga ang kaepektibo niini nagdepende sa kuryente, ug ipakigbahin sa usa ka tawo ang usa ka leksiyon sa ebanghelyo nga ilang nakat-onan bahin sa gahom.

• Mga imahe nga ipakita: Mga imahe ni Jesukristo ug sa Bilangoan sa Liberty

• Mga Bidyo: “Drawing the Power of Jesus Christ into Our Lives,” (14:50; tan-awa gikan time code 12:25 hangtod 13:55) “Go and Sin No More” (3:18)

Doktrina ug mga Pakigsaad 122

Katuyoan sa leksiyon: Aron matabangan ang mga estudyante nga masabtan nga tungod kang Jesukristo, bisan ang lisod nga mga kasinatian makatabang natong mouswag ug mas mahisama Kaniya.

• Pagpangandam sa estudyante: Dapita ang mga estudyante nga maghunahuna og usa ka ehemplo nga pwede nilang ipakigbhain sa klase nga ang Dios mihimo sa pagsulay nga giantos nila o sa ilang minahal ngadto sa panalangin.

• Mga Materyal: Hait ug hamis nga mga bato (o mga imahe niini kon walay magamit nga bato)

• Bidyo: “IFaith Murray’s Story: Overcoming Adversity Through Service” (4:52)

• Handout: “Remembering Jesus Christ in our Afflictions”