Сургаал ба Гэрээ 121–123

Сургаал ба Гэрээ 121–123

Тойм

Хууртагдаж, хилс хэргээр баривчлагдсаныхаа дараа бошиглогч Иосеф Смит болон Сүмийн бусад удирдагч Миссури мужийн Либертид шоронд хоригдож байлаа. 1838–1839 оны өвөл Миссури дахь гэгээнтнүүд асар их зовлон зүдгүүр амсжээ. Энэ зовлон зүдгүүрийн дунд Их Эзэн тэднийг нигүүлсэнгүй зөвлөгөөгөөр тайвшруулж, зөвт байдлын зарчмаар дамжуулан тэнгэрийн хүчнүүдийг хэрхэн хүртэхийг заасан.

Судруудыг амьдралтайгаа холбоход нь суралцагчдад тусал. Суралцагчид судруудаас судалж байгаа зүйлээ өөрсдийн нөхцөл байдалтай уялдуулснаар судрууд бодит амьдралын нөхцөлд тэднийг хэрхэн удирдан чиглүүлэх хариулт, зааварчилгаа өгч байгааг илүү сайн олж харна. Энэ нь тэдний сайн мэдээний сургаалаас суралцах, хэрэгжүүлэх сэдлийг нэмэгдүүлнэ. Аврагчийн хэрхэн ийн үйлдсэн талаар мэдэхийг хүсвэл Аврагчийн арга барилаар заах нь гарын авлагын “Аврагч Өөрийнх нь сургаалаас хүмүүсийг өөрсдөдөө хамааралтай хэсгийг олж авахад тусалсан” гэсэн хэсгийг үзнэ үү. Та энэ долоо хоногийн “Сургаал ба Гэрээ 121–123” гэсэн гарчигтай хичээлээс хэрхэн үүнийг хэрэгжүүлж болох талаарх жишээг мөн харж болно.

Заахад бэлтгэ

Дараах мэдээлэл хичээл бүрд урьдчилан бэлтгэх шаардлагатай зүйлсийн талаарх санаануудыг багшид өгнө.

Сургаал ба Гэрээ 121–123

Хичээлийн зорилго: Бурхан бидэнд сорилт бэрхшээлийг даван туулахад хэрхэн тусалж болохыг ойлгоход суралцагчдад туслах.

• Суралцагчдын бэлтгэл: Хүнд хэцүү сорилтыг итгэлтэйгээр даван туулсан хайртай хүнээсээ уг туршлагаараа дамжуулан Тэнгэрлэг Эцэг, Есүс Христ хоёрын талаар юу олж мэдсэнийг нь асуухад суралцагчдыг урь.

• Харуулах зураг: Либерти шоронгийн зургууд

• Материал: Түүхийн хураангуйн хуулбар, суралцагч бүрд зориулсан хоосон цаас

Сургаал ба Гэрээ 121:34–46

Хичээлийн зорилго: Христтэй илүү адил болж, амьдралдаа тэнгэрийн хүчнүүдийг бүрэн дүүрэн олж авахад нь суралцагчдад туслах.

• Суралцагчийн бэлтгэл: Цахилгаан эсвэл эрчим хүч шаарддаг төхөөрөмжүүдийнхээ талаар бодоход суралцагчдыг урь. Тэднийг төхөөрөмж сонгож, үүний үр нөлөө хүчин чадлаас нь хэрхэн хамаардаг талаар тунгаан бодож, эрчим хүчний талаар сурсан сайн мэдээний хичээлийг хэн нэгэнтэй хуваалцахад урамшуулан дэмж.

• Харуулах зураг: Есүс Христийн болон Либерти шоронгийн зураг

• Видео: “Есүс Христийн хүчийг амьдралдаа татан авах нь,” (14:50; цагийн код 12:25-аас 13:55 хүртэл үзнэ үү)

Сургаал ба Гэрээ 122

Хичээлийн зорилго: Есүс Христийн ачаар хүнд хэцүү туршлага хүртэл биднийг ахиж дэвшин Түүнтэй илүү адил болоход тусалдаг гэдгийг ойлгоход суралцагчдад туслах.

• Суралцагчийн бэлтгэл: Бурхан тэдний эсвэл хайртай хүнийх нь амссан сорилтыг адислал болгон хувиргасан жишээг хуваалцах талаар бодоход суралцагчдыг урь.

• Материал: Барзгар болон өнгөлсөн чулуунууд (эсвэл чулуу байхгүй бол зураг)

• Тараах материал: “Зовж шаналахдаа Есүс Христийг дурсан санах”