Mataupu Faavae ma Feagaiga 121–123

Mataupu Faavae ma Feagaiga 121–123

Vaaiga Aoao

Ina ua uma ona faalataina ma puefaapagotaina i moliaga sese, sa faafalepuipuiina le Perofeta ia Iosefa Samita ma isi taitai o le Ekalesia i Liperate, Misuri. I le taimi o le taumalulu o le 1838–1839, sa matua mafatia ai le Au Paia i Misuri. I le lotolotoi o lenei mafatiaga, sa faamafanafanaina i latou e le Alii i fautuaga agaalofa ma aoao i latou ia maua mana o le lagi e ala i mataupu faavae o le amiotonu.

Fesoasoani i tagata aoao e faafesootai tusitusiga paia i o latou olaga: A faafesootai e tagata aoga mea o loo latou suesueina i tusitusiga paia ma o latou lava tulaga, e mafai ona sili atu ona latou iloa pe faapefea ona saunia e tusitusiga paia ia tali ma le taitaiga e taitai ai i latou i tulaga moni o le olaga. E mafai ona atili faaosofia ai latou e aoao ma faaaoga aoaoga o le talalelei. Mo nisi faamatalaga i le ala na faia ai e le Faaola lenei mea, tagai i le vaega “Na Fesoasoani le Faaola i Tagata ina ia Saili, le Faatatauga Faaletagata i Ana Aoaoga Faavae” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 121–123.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae ma Feagaiga 121–123

Faamoemoega o le lesona: Ina ia fesoasoani i tagata aoga ia malamalama i le ala e mafai ai e le Atua ona fesoasoani ia i tatou i o tatou tofotofoga.

• Sauniuniga a le tagata aoga: Valaaulia tagata aoga e fesili atu i se e pele na onosaia ma le faamaoni se tofotofoga faigata, mea sa latou aoaoina e uiga i le Tama Faalelagi ma Iesu Keriso e ala i o latou aafiaga.

• Ata e faaali atu: Ata o le Falepuipui i Liperate

• Vitio: “Aoaoga mai le Falepuipui i Liperate,” (44:25; matamata mai le faailo taimi 3:00 i le 8:49 ma mai le faailo taimi 14:30 i le 15:22)

• Anomea: Kopi o aotelega o talafaasolopito ma se fasi pepa avanoa mo tagata aoga taitasi

Mataupu Faavae ma Feagaiga 121:34–46

Faamoemoega o le lesona: Ina ia fesoasoani i tagata aoga ia maua atoatoa mana o le lagi i o latou olaga e ala i le avea atili e faapei o Keriso.

• Sauniuniga a le tagata aoga: Valaaulia tagata aoga e mafaufau e uiga i masini latou te faaaogaina e manaomia ai le eletise po o le paoa. Uunaia i latou e filifili se masini, mafaufau loloto pe faapefea ona faalagolago lona mataalia i le mana, ma faasoa atu i se tasi se lesona o le talalelei latou te aoaoina e uiga i le mana.

• Ata e faaali mai: Ata o Iesu Keriso ma le Falepuipui o Liperate

• Vitio: “Mauaina o le Mana o Iesu Keriso i o Tatou Olaga,” (14:50; matamata mai le taimi 12:25 i le 13:55) “Alu ma Aua Le Toe Agasala” (3:18)

Mataupu Faavae ma Feagaiga 122

Faamoemoega o le lesona: Ina ia fesoasoani i tagata aoga ia malamalama ona o Iesu Keriso, e oo lava i aafiaga faigata e mafai ona fesoasoani ia i tatou e alualu ai i luma ma avea atili e faapei o Ia.

• Sauniuniga a le tagata aoga: Valaaulia tagata aoga e mafaufau i se faataitaiga e mafai ona latou faasoa atu i le vasega le faaliliuina e le Atua o se tofotofoga na puapuagatia ai i latou po o se tasi e pele ia i latou i se faamanuiaga.

• Anomea: Maa talatala ma polesi (po o ata pe afai e le maua ni maa)

• Vitio: “Faith Murray’s Story: Overcoming Adversity through Service” (4:52)

• Pepa e tufa atu: “Manatuaina o Iesu Keriso i o tatou Puapuaga”