Mataupu Faavae ma Feagaiga 129–132

Mataupu Faavae ma Feagaiga 129–132

Vaaiga Aoao

A o i ai le Au Paia i Ilinoi, sa faasoa mai e le Perofeta o Iosefa Samita ni aoaoga taua e uiga i autu eseese, e aofia ai le taua o le mauaina o le malamalama ma le atamai, o faamanuiaga tatou te maua e ala i le usiusitai i poloaiga a le Atua, ma le natura o le Atua. Sa ia folasia mai le aoaoga faavae o le faaipoipoga e faavavau ma aoao mai e tatau ona tatou ulu atu i le feagaiga fou e faavavau o le faaipoipoga ina ia maua ai faamanuiaga o le faaeaga. Sa tusifaamaumauina foi e le Perofeta se faaaliga e faatatau i le faiga o faaipoipoga autaunonofo, o se faaaliga na talosagaina e le Alii nisi o uluai tagata o le Ekalesia e ola ai.

Faailoa atu i tagata aoao e faatauaina lo latou sao: I le gasologa o le lesona, mafaufau i ni auala e fesoasoani ai i tagata aoga ia lagona e faatauaina ma taua lo latou sao. Mo se faataitaiga, pe a sii o latou lima e fai se faamatalaga, e mafai ona e valaau i latou i o latou igoa ma faailoa atu lou manao e fia faalogo i mea latou te fai mai ai. Mo nisi faamatalaga i le ala na fesoasoani ai le Faaola ia lagona e Ana tagata aoao le faatauaina, tagai i le vaega o le “Sa Faamautinoa e le Faaola Sa Lagona e Tagata Uma le Faaaloalogia ma le Faatauaina” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina “Mataupu Faavae ma Feagaiga 130.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae ma Feagaiga 130

Faamoemoega o le lesona: Ina ia fesoasoani i tagata aoga e faataitai le aoao atu o elemene o le aoaoga faavae a Iesu Keriso.

• Sauniuniga a le tagata aoga: Valaaulia tagata aoga e mafaufau i soo se avanoa faafaiaoga talu ai nei na latou maua i le fale po o le lotu. Mafaufau e valaaulia i latou e o mai saunia e talanoaina o latou manuia ma luitau i le aoaoina atu o le talalelei a le Faaola.

• Pepa e tufa atu: “Aoao atu o Upumoni mai le Mataupu Faavae ma Feagaiga 130 (Vaega 1 ma le Vaega 2)”

Mataupu Faavae ma Feagaiga 131

Faamoemoega o le lesona: Ina ia fesoasoani i tagata aoga ia malamalama i le taua o le faaipoipoga e faavavau i le fuafuaga a le Tama Faalelagi.

• Sauniuniga a le tagata aoga: Valaaulia tagata aoga e fai atu i se tasi e pele po o se taitai o le Ekalesia e faasoa mai nisi o faamanuiaga ua latou maua e ala i a latou faaipoipoga i le malumalu. E mafai ona valaaulia tagata aoga e faasoa mai mea na latou aoaoina i le vasega.

• Vitio: “Faaipoipoga e Faavavau, o se Vaaiga Faa-aposetolo” (5:26)

• Anotusi e faaali atu: Faatonuga mo le gaoioiga suesue i lalo o le ulutala “O Le Taua o le Faaipoipoga i le Fuafuaga a le Atua”

Mataupu Faavae ma Feagaiga 132:1-2, 34-66

Faamoemoega o le lesona: Ina ia fesoasoani i tagata aoga ia malamalama atili e uiga i le poloaiga a le Alii mo nisi o le Au Paia e faia faaipoipoga autaunonofo i aso popofou o le Ekalesia.

• Sauniuniga a le tagata aoga: Valaaulia tagata aoga e o mai saunia e faasoa mai se faataitaiga o se tasi i tusitusiga paia o le sa usitai i se poloaiga faigata mai le Atua.

• Ata: Aperaamo, Maria, Iesu Keriso.

• Vitio: “Pe Faigata ea ona Avea ma Perofeta?” (1:54); “O Le Faatuatua E Le Tupu Faafuasei, ae e ala i Filifiliga” (15:01; matamata mai le faailo taimi 6:25 i le 8:27)

• Pepa e tufa atu: “Fuaitau mai le ‘Faaipoipoga Autaunonofo i Katelani ma Navu’”

Faataitaiga o le Atamai i Aoaoga Faavae 9

Faamoemoega o lesona: Ina ia tuu atu i tagata aoga ni avanoa e faataitai ai le taulotoina o mau faasino o fuaitau o le atamai i aoaoga faavae ma a latou fasifuaitau autu o mau. O le a fesoasoani foi le lesona ia i latou e aoao ma faaaoga mataupu faavae paia mo le mauaina o le malamalama faaleagaga.

• Sauniuniga a le tagata aoga: Valaaulia tagata aoga e faataitai le taulotoina o le mau faasino ma fasifuaitau autu o mau mo ni nai fuaitau o le atamai i aoaoga faavae sa latou suesueina i le tausaga.

• Aitema e aumai: Sioki vai ma ni ipu