« គោលលទ្ធិ និងសេចក្ដីសញ្ញា ១៣៣–១៣៤ ៖ ទិដ្ឋភាពទូទៅ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ១៣៣–១៣៤ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ១៣៣–១៣៤
គោលលទ្ធិ និងសេចក្តីសញ្ញា ១៣៣–១៣៤
ទិដ្ឋភាពទូទៅ
នៅក្នុង គោលលទ្ធិ និងសេចក្ដីសញ្ញា ១៣៣ ព្រះអម្ចាស់បានបើកសម្តែងនូវព្រឹត្តិការណ៍នានាដែលនឹងកើតឡើងមុនការយាងជាមកលើកទីពីររបស់ទ្រង់ និងរបៀបដែលពួកបរិសុទ្ធរបស់ទ្រង់អាចរៀបចំខ្លួនសម្រាប់ព្រឹត្តិការណ៍ទាំងនោះ ទ្រង់ក៏បានបង្ហាញបន្ថែមទៀតអំពីចរិកលក្ខណៈ និងគុណលក្ខណៈទាំងឡាយរបស់ទ្រង់ផងដែរ ។ នៅក្នុង គោលលទ្ធិ និងសេចក្ដីសញ្ញា ១៣៤ ថ្នាក់ដឹកនាំសាសនាចក្របានបង្ហាញពីជំនឿរបស់សាសនាចក្រទៅលើរដ្ឋាភិបាល និងសាសនា ។
ផ្ដោតលើព្រះយេស៊ូវគ្រីស្ទនៅពេលអ្នកបង្រៀនបទគម្ពីរទាំងឡាយ ៖ សូមចំណាយពេលដើម្បីជួយសិស្សឲ្យស្គាល់សេចក្ដីពិតនេះអំពីព្រះអង្គសង្រ្គោះ និងព្រះចេស្តាប្រោសលោះរបស់ទ្រង់ ។ សូមចង្អុលបង្ហាញវគ្គបទគម្ពីរដែលអាចបង្កើនសេចក្ដីជំនឿរបស់ពួកគេលើទ្រង់ ។ សូមពិចារណាសួរសំណួរដែលនឹងអញ្ជើញសិស្សឲ្យជញ្ជឹងគិតអំពីរបៀបដែលព្រះយេស៊ូវគ្រីស្ទអាចប្រទានពរ ពង្រឹង និងដឹកនាំពួកគេ ។ សម្រាប់ព័ត៌មានបន្ថែមទៀតអំពីរបៀបធ្វើការណ៍នេះ សូមមើលផ្នែក « បង្រៀនអំពីព្រះបរមងារ តួនាទី និងគុណលក្ខណៈរបស់ព្រះយេស៊ូវគ្រីស្ទ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកអាចក៏មើលឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្ដាហ៍នេះដែលមានចំណងជើងថា « គោលលទ្ធិ និងសេចក្តីសញ្ញា ១៣៣:៤១–៥៦ » ផងដែរ ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ១៣៣:១–៤០
គោលបំណងមេរៀន ៖ ដើម្បីជួយសិស្សឲ្យរៀបចំខ្លួនសម្រាប់ការយាងមកជាលើកទីពីររបស់ព្រះយេស៊ូវគ្រីស្ទ ។
-
ការរៀបចំរបស់សិស្ស ៖ សូមអញ្ជើញសិស្សឲ្យអាន និងពិចារណា គោលលទ្ធិ និងសេចក្ដីសញ្ញា ២៩:១០–១១ ហើយដើម្បីគិតពិចារណា ថាតើពួកគេត្រៀមចិត្តរួចរាល់ដើម្បីជួបព្រះអង្គសង្រ្គោះ នៅពេលទ្រង់យាងមកម្តងទៀតនៅលើផែនដីនេះដោយរបៀបណា ។
-
សម្ភារ ៖ ក្ដារប្រកាសព័ត៌មាន ឬក្រដាសផ្សេងៗទៀតសម្រាប់សិស្សម្នាក់ៗ ហ្វឺតពណ៌ ឬខ្មៅដៃពណ៌
-
សំណៅចែក ៖ « ព្រះយេស៊ូវគ្រីស្ទអញ្ជើញយើងឲ្យរៀបចំខ្លួនសម្រាប់ការយាងមកលើកទីពីររបស់ទ្រង់ដោយ … »
គោលលទ្ធិ និងសេចក្ដីសញ្ញា ១៣៣:៤១–៥៦
គោលបំណងមេរៀន ៖ ដើម្បីជួយសិស្សឲ្យរៀបចំខ្លួនសម្រាប់ការយាងមកជាលើកទីពីររបស់ព្រះយេស៊ូវគ្រីស្ទ ។
-
ការរៀបចំរបស់សិស្ស ៖ សូមអញ្ជើញសិស្សឲ្យស្វែងរករូបភាពដែលបង្ហាញអំពីការយាងមកជាលើកទីពីររបស់ព្រះអង្គសង្គ្រោះ ។ សូមលើកទឹកចិត្តពួកគេឲ្យពិភាក្សាជាមួយគ្រួសារ ឬមិត្តភក្តិរបស់ពួកគេអំពីគុណលក្ខណៈរបស់ព្រះអង្គសង្គ្រោះដែលបានពិពណ៌នានៅក្នុងគំនូរនេះ ។
-
រូបភាពដែលត្រូវបង្ហាញ ៖ ការយាងមកជាលើកទីពីររបស់ព្រះយេស៊ូវគ្រីស្ទ
-
សម្ភារ ៖ ចម្រៀកក្រដាសសម្រាប់ក្រុមសិស្សតូចៗដើម្បីចែកចាយ
គោលលទ្ធិ និងសេចក្តីសញ្ញា ១៣៤
គោលបំណងមេរៀន ៖ ដើម្បីជួយសិស្សឲ្យយល់អំពីសារៈសំខាន់នៃសេរីភាពខាងសាសនា និងការគោរពតាមច្បាប់របស់រដ្ឋាភិបាលដែលពួកគេរស់នៅ ។
-
ការរៀបចំរបស់សិស្ស ៖ សូមអញ្ជើញសិស្សឲ្យព្យាយាមរៀនអំពីគោលនយោបាយរបស់រដ្ឋាភិបាលរបស់ពួកគេអំពីការអនុវត្តសាសនា ។ សិស្សអាចសូមឪពុក ឬម្ដាយ ឬមជ្ឈិមវ័យដែលទុកចិត្តបាន ឲ្យជួយក្នុងការរៀនសូត្រអំពីរឿងនេះ ។
-
វីដេអូ ៖ « ព្រះគម្ពីរមរមន ៖ តើជីវិតរបស់អ្នកទៅជាយ៉ាងណា បើគ្មានគម្ពីរនេះ ? » ( ១៥:០១; សូមមើលចាប់ពីនាទីទី ០:០០ ដល់នាទីទី ៣:១៦ )
-
សំណៅចែក ៖ « យើងជឿលើការគោរពតាមច្បាប់របស់រដ្ឋាភិបាលដែលយើងរស់នៅ », « យើងជឿលើសេរីភាពខាងសាសនា និងមនសិការ »
វាយតម្លៃការរៀនសូត្ររបស់អ្នកទី ៩
គោលបំណងមេរៀន ៖ ដើម្បីជួយសិស្សឲ្យវាយតម្លៃនូវរបៀបដែលការសិក្សាព្រះគម្ពីរគោលលទ្ធិ និងសេចក្តីសញ្ញាបានជួយពួកគេឲ្យរីកចម្រើនខាងវិញ្ញាណ ។
-
ការរៀបចំរបស់សិស្ស ៖ សូមអញ្ជើញសិស្សឲ្យជញ្ជឹងគិតអំពីរបៀបដែលចំណេះដឹង និងទីបន្ទាល់ដំណឹងល្អរបស់ពួកគេបានរីកចម្រើន និងកាន់តែស៊ីជម្រៅក្នុងឆ្នាំមុន ឬពីរឆ្នាំកន្លងទៅនេះ ។ ពួកគេក៏អាចគិតពិចារណាអំពីអ្វីដែលពួកគេទទួលអារម្មណ៍ថាបានធ្វើឲ្យមានភាពខុសគ្នាធំបំផុតនៅក្នុងការរីកចម្រើនខាងវិញ្ញាណរបស់ពួកគេផងដែរ ។
-
រូបភាពដើម្បីបង្ហាញ ៖ ដំណាក់កាលផ្សេងគ្នានៃការសាងសង់ព្រះវិហារបរិសុទ្ធ សលត៍ លេក អាងជ្រមុជទឹកនៅព្រះវិហារបរិសុទ្ធ
-
មាតិកាដើម្បីបង្ហាញ ៖ ដុំថ្មគ្រើម និងរលោង ឬរូបភាពនៃដុំថ្មគ្រើម និងរលោង