Սեմինարիա
Դաս 143․ Վարդապետություն և Ուխտեր 133․1–40. Նախապատրաստվել հանդիպելու Փրկչին

«Դաս 143․ Վարդապետություն և Ուխտեր 133․1–40. Նախապատրաստվել հանդիպելու Փրկչին», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 133․1–40», Վարդապետություն և Ուխտեր․ Սեմինարիայի ուսուցչի ձեռնարկ

Դաս 143. Վարդապետություն և Ուխտեր 133–134

Վարդապետություն և Ուխտեր 133․1–40

Նախապատրաստվել հանդիպելու Փրկչին

1831 թվականի նոյեմբերին Եկեղեցու ղեկավարները ցանկացան ավելին իմանալ ավետարանի քարոզման և Իսրայելի հավաքման մասին: Վարդապետություն և Ուխտեր 133 բաժնի հայտնությունը նկարագրում է իրադարձություններ, որոնք կնախորդեն Փրկչի Երկրորդ Գալուստին, նաև, թե Նրա Սրբերը ինչպես կարող են նախապատրաստվել այդ իրադարձություններին: Այս դասը կօգնի ուսանողներին նախապատրաստվել Հիսուս Քրիստոսի Երկրորդ Գալուստին:

Տեր Հիսուս Քրիստոսի Երկրորդ Գալուստը

ԱԲ կողմից ստեղծված պատկեր

Հնարավոր ուսումնական վարժություններ

Ժամանակ՝ նախապատրաստվելու համար

Խնդրեք ուսանողներին Վարդապետություն և Ուխտեր 29.10–11 հատվածներից հիշողությամբ ասել վարդապետության սերտման հատվածի հիմնական արտահայտությունը (առանց իրենց սուրբ գրություններն օգտագործելու կամ նախապատրաստվելու համար ժամանակ ունենալու): Վարժությունը կարող եք անվանել անակնկալ ստուգարք: Ապա ուսանողներին տվեք հետևյալ հարցը:

  • Որքանո՞վ կտարբերվեին արդյունքները, եթե դուք այս ստուգարքի մասին իմանայիք օրեր կամ նույնիսկ շաբաթներ առաջ:

Կարող եք ուսանողներին տրամադրել 2-3 րոպե՝ ստուգարքը կրկին հանձնելու համար: Այնուհետև տեսեք, թե ինչպես է բարելավվում արտահայտությունն ասելու նրանց կարողությունը:

Ուսանողներին առաջարկեք համեմատել այս վարժությունն այն բանի հետ, թե ինչպես կփոխվի մեր փորձառությունը, եթե ձգտենք նախապատրաստվել Փրկչի Երկրորդ Գալուստին: Ուսանողներին առաջարկեք խորհել կամ գրել իրենց պատասխանները հետևյալ հարցերի վերաբերյալ:

  • Ինչպիսի՞ զգացողություններ ունեք Փրկչին հանդիպելու վերաբերյալ՝ Իր Երկրորդ Գալուստի ժամանակ:

  • Որքանո՞վ եք պատրաստ Նրա վերադարձին: (Ի՞նչն է ձեզ ամենից շատ հուզում: Ի՞նչն է ձեզ մտահոգում այդ օրվա հետ կապված։)

Այսօրվա ուսումնասիրության ժամանակ խրախուսեք ուսանողներին փնտրել հոգևոր հուշումներ, թե ինչպես նախապատրաստվել Փրկչի վերադարձին:

Հետևյալը կարող է օգնել ուսանողներին ավելի լավ հասկանալ Վարդապետություն և Ուխտերի 133 բաժնի համատեքստը։ Դուք կամ կամավոր ուսանողներից որևէ մեկը կարող է կարդալ կամ ամփոփել պարբերությունը:

1831 թվականի նոյեմբերին Եկեղեցու ղեկավարները ցանկացան ավելին իմանալ ավետարանի քարոզման և Իսրայելի հավաքման մասին: Հիսուս Քրիստոսը տվեց այս հայտնությունը՝ ի պատասխան այդ անկեղծ ցանկությունների: Այժմ այն Վարդապետություն և Ուխտեր 133 բաժինն է, որն ի սկզբանե հրապարակվել է որպես Պատվիրանների գրքի հավելված: Այն ստացվել է բաժին 1-ից երկու օր անց, որն ի սկզբանե հայտնի էր որպես «Տիրոջ նախաբան»։

Կարդացեք Վարդապետություն և Ուխտեր 133․1–4, 10–11 հատվածները՝ փնտրելով, թե Փրկիչն ինչ է հայտնել երկիր Իր վերադարձի մասին։

  • Ի՞նչ բացահայտեցիք:

  • Ի՞նչ սովորեցիք հատված 4-ից՝ մեր նկատմամբ Փրկչի ցանկությունների վերաբերյալ:

    Երբ ուսանողները կիսվեն իրենց սովորածով, կարող եք գրատախտակին գրել հետևյալ ճշմարտությունը. Հիսուս Քրիստոսը հրավիրում է մեզ նախապատրաստվել Իր Երկրորդ Գալուստին:

  • Ըստ ձեզ, որո՞նք են Փրկչի Երկրորդ Գալուստին նախապատրաստվելու ամենակարևոր եղանակները:

Նախապատրաստություն Երկրորդ Գալուստին

Որպեսզի օգնեք ուսանողներին բացահայտել եղանակները, որոնցով իրենք կարող են նախապատրաստվել Երկրորդ Գալուստին, գրատախտակին գրված թավագիր ճշմարտության վերջում ավելացրեք «հետևյալ կերպ՝ …» բառերը: Ուսանողներին առաջարկեք ավելի փոքր խմբերով ուսումնասիրել հետևյալ հատվածները: Ապա խնդրեք նրանց գրատախտակին գրել, թե Փրկիչն ինչպես է հրավիրում մեզ նախապատրաստվել Իր Երկրորդ Գալուստին:

Կարդացեք Վարդապետություն և Ուխտեր 133.5–16, 36–40, 62 հատվածները՝ փնտրելով բառեր և արտահայտություններ, որոնք կօգնեն մեզ նախապատրաստվել Փրկչի վերադարձին։

Հետևյալ վարժությունը կօգնի ուսանողներին կիսվել գաղափարներով, թե մենք ինչպես կարող ենք նախապատրաստվել Փրկչի Երկրորդ Գալուստին: Խմբերին առաջարկեք ընտրել գրատախտակին գրված նախապատրաստվելու գաղափարներից մեկը կամ յուրաքանչյուր խմբին հանձնարարեք որևէ թեմա: Ուսանողները կարող են նախապատրաստել ցուցադրություն, որպեսզի ուսուցանեն ուրիշներին, թե ինչպես պատրաստ լինել Երկրորդ Գալուստին: Կարող եք տրամադրել պաստառ կամ մի քանի հատ թուղթ և գունավոր մարկերներ, որոնք կօգնեն ուսանողներին ստեղծել իրենց ցուցադրությունը: Խրախուսեք նրանց օգտագործել Gospel Library հավելվածը, Սուրբ գրքերի ուղեցույցը և այլ աղբյուրներ, որոնք կօգնեն իրենց նախապատրաստվել: Յուրաքանչյուր ցուցադրություն կարող է ներառել հետևյալ տարրերը.

  • Ճշմարտություն, որն ընտրել է խումբը կամ հանձնարարված է խմբին

  • Հատուկ գաղափարներ այն մասին, թե դեռահասներն ինչպես կարող են կիրառել իրենց սովորածը, որպեսզի ավելի լավ նախապատրաստվեն հանդիպելու Փրկչին

  • Թեմային առնչվող սուրբ գրություններ, Եկեղեցու ղեկավարի ելույթ կամ հատված Երիտասարդներին զորացնելու համար. ընտրություն կատարելու ուղեցույց բաժնից

  • Գծանկար, պաստառ, մեմ կամ այլ տեսողական ներկայացում, որը կարող է օգնել մարդուն հասկանալ, թե ինչպես պատրաստվել Երկրորդ Գալուստին

աշխատաթերթի պատկերակԵթե ուսանողները լրացուցիչ ուղղորդման կարիք ունենան, խմբերին տրամադրեք հետևյալ աշխատաթերթի այն հատվածը, որը համապատասխանում է իրենց թեմային:

Հիսուս Քրիստոսը հրավիրում է մեզ նախապատրաստվել Իր Երկրորդ Գալուստին հետևյալ կերպ՝ …

… թողնելով Բաբելոնը (ամբարշտությունը) (տես Վարդապետություն և Ուխտեր 133.4–5, 7, 12–14):

Նախկինում Առաջին Նախագահությունից նախագահ Դիտեր Ֆ․ Ուխդորֆն ուսուցանել է.

Նախագահ Դիտեր Ֆ. Ուխդորֆ

Հնագույն քաղաք Բաբելոնն ավերակների է վերածվել: Նրա շքեղությունը վաղուց է վերացել: Բայց Բաբելոնի աշխարհիկ ու երկրային հաճույքներն ու արատները դեռևս գոյատևում են: Այժմ մենք պետք է ապրենք որպես հավատացյալ մի աշխարհում, որը լի է անհավատ մարդկանցով: … Մենք պետք է հանգիստ վերաբերվենք ճնշումներին, չշեղվենք կեղծ մարգարեների տարածված միտումներով, արհամարհենք անաստվածների ծաղրը, դիմադրենք չարի գայթակղություններին և հաղթահարենք մեր ծուլությունը: (Դիտեր Ֆ. Ուխդորֆ, «Մի վախեցիր, միայն հավատա», Լիահոնա, նոյեմբեր 2015, 77–78)

… հավաքել Իսրայելը (տես Վարդապետություն և Ուխտեր 133.4, 7–9, 37–38)։

Նախագահ Ռասսել Մ. Նելսոնը հիշեցրել է մեզ.

Նախագահ Ռասսել Մ․ Նելսոն

Ամեն անգամ, երբ որևէ բան եք անում՝ վարագույրի այս կամ այն կողմում գտնվող որևէ մեկին օգնելու համար, որպեսզի նա մեկ քայլ առաջ գնա՝ Աստծո հետ ուխտեր կապելու և իր մկրտության ու տաճարային կարևոր արարողությունները ստանալու ուղղությամբ, դուք օգնում եք հավաքել Իսրայելը։ Դա այնքան պարզ է: (Ռասսել Մ․ Նելսոն, «Իսրայելի հույսը» [երիտասարդների համաշխարհային հոգևոր հավաք, հունիսի 3, 2018], broadcasts.ChurchofJesusChrist.org)

… ապաշխարել և սրբագործվել Հիսուս Քրիստոսի միջոցով (տես Վարդապետություն և Ուխտեր 133.5, 16, 34–35, 62):

Երիտասարդ կանանց գերագույն նախագահության նախկին առաջին խորհրդական քույր Քերոլ Ֆ. Մակքոնկին բացատրել է․

Քույր Քերոլ Ֆ. Մակքոնկի

Հիսուս Քրիստոսի և Նրա Քավություն հանդեպ ունեցած հավատով մենք դառնում ենք մաքուր, անբիծ, երբ մերժում ենք անաստվածությունը և անկեղծորեն ապաշխարում։ Մենք մկրտվում ենք ջրով՝ մեղքերի թողության համար։ Մեր հոգիները սրբագործվում են, երբ ընդունում ենք Սուրբ Հոգուն բաց սրտերով։ Ամեն շաբաթ մենք մասնակցում ենք հաղորդության արարողությանը։ Ապաշխարող հոգով անկեղծորեն արդարություն փափագելով՝ մենք ուխտ ենք կապում, որ պատրաստ ենք մեզ վրա վերցնել Քրիստոսի անունը, հիշել Նրան և պահել Նրա պատվիրանները, որպեսզի կարողանանք Նրա Հոգին միշտ մեզ հետ ունենալ։ (Քերոլ Ֆ. Մակքոնկի, «Սուրբ զարդարանք», Լիահոնա, մայիս 2017, 10)

Յուրաքանչյուր խմբին առաջարկեք կիսվել իրենց մտքերով մյուս խմբի հետ: Համոզվեք, որ իրենց ցուցադրություններում ուսանողները կիսում են իրենց գաղափարներն այն մասին, թե դեռահասներն ինչպես կարող են կիրառել իրենց սովորածը:

Կիրառեք ձեր սովորածը

Առաջին Նախագահության նախագահ Դալլին Հ. Օուքսն առաջարկել է մտածել, թե ինչ կանեինք այսօր, եթե իմանայինք Երկրորդ Գալուստի ճշգրիտ ժամանակը:

Նախագահ Դալլին Հ․ Օուքս

Ի՞նչ կլիներ, եթե Նրա գալու օրը վաղը լիներ: Եթե իմանայինք, որ վաղը հանդիպելու ենք Տիրոջը՝ մեր վաղաժամ մահվան կամ Նրա անսպասելի գալուստի արդյունքում, ի՞նչ կանեինք այսօր: Ինչպիսի՞ խոստովանություններ կանեինք: Ի՞նչ սովորություններ կթողնեինք: Ի՞նչ անհամաձայնություններ կլուծեինք: Ինչպիսի՞ ներում կպարգևեինք: Ի՞նչ վկայություններ կտայինք:

Եթե այդ դեպքում այդ բաները կանեինք, ինչո՞ւ դրանք չանենք հիմա: Ինչո՞ւ խաղաղություն չգտնենք, քանի դեռ դա հնարավոր է: (Դալլին Հ. Օուքս, «Preparation for the Second Coming,» Լիահոնա, մայիս 2004, 9)

Ելնելով նախագահ Օուքսի առաջարկից և այն ամենից, ինչ դուք այսօր ուսումնասիրեցիք, ձեր ուսումնասիրության օրագրում գրեք, թե ինչ եք ոգեշնչված անել, որպեսզի ավելի լավ նախապատրաստվեք՝ Փրկչին հանդիպելու համար: Ապա պատասխանեք հետևյալ հարցերին.

  • Ի՞նչ խոչընդոտներ կարող են առաջանալ, երբ անում եք այն, ինչ Հոգին է հուշել ձեզ անել:

  • Ո՞ր գործողությունները կօգնեն ձեզ հաղթահարել խոչընդոտները, որոնց բախվում եք: Ինչպե՞ս կարող եք ապավինել Փրկչին:

  • Ի՞նչ իմացաք այսօրվա դասի ընթացքում՝ Փրկչի Երկրորդ Գալուստին այժմ նախապատրաստվելու օգուտների մասին:

Անհրաժեշտության դեպքում ուսանողները կարող են կիսվել, թե Հոգին ինչ հուշեց իրենց անել՝ Փրկչի վերադարձին նախապատրաստվելու համար: Կարող եք ավարտել դասը՝ հիշեցնելով ուսանողներին, որ Երկնային Հայրը և Հիսուս Քրիստոսը ցանկանում են, որ մենք պատրաստ լինենք Երկրորդ Գալուստին և ընկալենք այն որպես ուրախ օր: