Mataupu Faavae ma Feagaiga 137–138

Mataupu Faavae ma Feagaiga 137–138

Vaaiga Aoao

O le fuafuaga o le fiafia a le Tama Faalelagi ua ofoina mai ai le faaolataga i Ana fanau uma. I le 1836, na faaali atu ai e le Alii ia Iosefa Samita se faaaliga vaaia o le malo selesitila. I le 1918, na vaaia ai e Peresitene Iosefa F. Samita se faaaliga vaaia o le galuega a le Faaola i le lalolagi o agaga.

Uunaia tagata aoao e faasoa atu upumoni o latou aoaoina. O le a fesoasoani lenei mea ia i latou e malamalama ai ma faailoa atu upumoni ua aoaoina ai i latou ma fesoasoani ia i latou ia maua le talitonuga i o latou tomai e faasoa atu ai upumoni i isi nofoaga. Mo nisi faamatalaga i le ala na faia ai e le Faaola lenei mea, tagai i le vaega “Na Faamalosi le Faaola i Isi e Faasoa atu Mea Moni o loo latou Aoaoina” i le Aoao atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 138, Vaega 1.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae ma Feagaiga 137

Faamoemoega o le lesona: Ina ia fesoasoani i tagata aoga ia faateleina lo latou talisapaia o le fuafuaga o le faaolataga a le Tama Faalelagi.

• Sauniuniga a le tagata aoga: Valaaulia tagata aoga e mafaufau pe faapefea ona ofoina atu e le fuafuaga o le fiafia le faaolataga i fanau a le Tama Faalelagi, e aofia ai i latou e le mauaina i le olaga nei.

• Vitio: “Iosefa Samita: O Le Perofeta o le Toefuataiga” (1:02:04; matamata mai le faailo taimi 2:05 i le 4:21 po o le 11:57 i le 15:22, po o mea uma e lua); “Ma e Taitaiina i Latou e se Tamaitiiti” (16:55; vaavaai mai le faailo taimi 4:40 i le 6:00)

Mataupu Faavae ma Feagaiga 138, Vaega 1

Faamoemoega o le lesona: Ina ia fesoasoani i tagata aoga ia malamalama i le auala e ofoina atu ai e le Faaola le faaolataga i fanau a le Tama Faalelagi i le lalolagi o agaga.

• Sauniuniga a le tagata aoga: Valaaulia tagata aoga e mafaufau loloto i mea ua latou iloa ma e le iloa i le taimi nei i le mea e tupu i fanau a le Tama Faalelagi pe a latou maliliu.

• Vitio: “O Le Faaaliga o le Togiolaina o Ē ua Maliliu” (15:20; matamata mai le faailo taimi 8:39 i le 10:33)

Mataupu Faavae ma Feagaiga 138, Vaega 2

Faamoemoega o le lesona: Ina ia fesoasoani i tagata aoga ia lagona le naunau e auai i le galuega o le malumalu ma talafaasolopito o aiga.

• Sauniuniga a le tagata aoga: Valaaulia tagata aoga e toe iloilo mea atonu na latou faia talu ai nei e auai ai i galuega o malumalu ma talafaasolopito o aiga ma pe na faapefea ona faamanuiaina ai o latou olaga.

• Anomea: Pepa ma ipu tusitusi e fatu ai se fasi pepa

• Pepa e tufa atu: “Faapolopolo e Fesoasoani e Faapotopoto Isaraelu e ala i le Galuega o le Malumalu ma Talafaasolopito o Aiga”

• Vitio: “Loto ua Fusia Faatasi” (16:12; matamata mai le faailo taimi 10:21 i le 11:30), “O Faamanuiaga Folafolaina o le Galuega o Malumalu ma Talafaasolopito o Aiga” (3:26), “O Faamanuiaga Folafolaina o le Galuega o Malumalu ma Talafaasolopito o Aiga 2” (4:04)