Սեմինարիա
Դաս 152․ Վարդապետություն և Ուխտեր 138, Մաս 1. Հոգիների աշխարհ Փրկչի այցի տեսիլքը

«Դաս 152․ Վարդապետություն և Ուխտեր 138, Մաս 1. Հոգիների աշխարհ Փրկչի այցի տեսիլքը», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 138, Մաս 1», Վարդապետություն և Ուխտեր․ Սեմինարիայի ուսուցչի ձեռնարկ

Դաս 152. Վարդապետություն և Ուխտեր 137–138

Վարդապետություն և Ուխտեր 138, Մաս 1

Հոգիների աշխարհ Փրկչի այցի տեսիլքը

Հիսուսը սպասավորում է հոգիների աշխարհում

Սգալով ընտանիքի սիրելի անդամների մահը և վշտանալով Առաջին համաշխարհային պատերազմի և գրիպի համավարակի պատճառած ավերածությունների համար՝ նախագահ Ջոզեֆ Ֆ. Սմիթը մխիթարություն փնտրեց սուրբ գրություններում: Խորհելով Ա Պետրոս 3–4 գլուխների մասին, նա փառահեղ տեսիլք ստացավ հոգիների աշխարհում Փրկչի սպասավորության ջանքերի մասին՝ Նրա մահվան և Հարության միջև ընկած ժամանակահատվածում: Նախագահ Սմիթի տեսիլքն այժմ Վարդապետություն և Ուխտեր 138 բաժինն է։ Այս դասը կօգնի ուսանողներին հասկանալ, թե ինչպես է Փրկիչը փրկություն առաջարկում Երկնային Հոր զավակներին հոգիների աշխարհում:

Հնարավոր ուսումնական վարժություններ

Ո՞ւր ենք մենք գնում, երբ մահանում ենք

Առաջարկեք ուսանողներին խորհել հետևյալ սցենարի շուրջ կամ ստեղծել իրենց կարիքներին համապատասխանող սցենար: Սցենարի նպատակն է օգնել ուսանողներին գնահատել, թե ինչ գիտեն հոգիների աշխարհի մասին: Ուսանողները կարող են կիսվել, թե ըստ իրենց հասկացածի, ինչ է տեղի ունենում նրանց հետ, ովքեր ընդունել են Հիսուս Քրիստոսի ավետարանը, և նրանց հետ, ովքեր չեն ընդունել այն:

Իր տատիկի հուղարկավորությունից հետո Ջուլին ասում է ձեզ, որ իր տատ և պապ Ռոբերտսները մահացել են՝ չմկրտվելով Հիսուս Քրիստոսի Վերջին Օրերի Սրբերի Եկեղեցում: Իր մյուս կողմի տատն ու պապը (Ջոնս ազգանունով) մահացել են՝ ողջ կյանքում լինելով Եկեղեցու հավատարիմ անդամներ: Ջուլին հարցնում է ձեզ. «Ի՞նչ է լինելու իմ չմկրտված տատի ու պապի հետ»:

Մտածեք, թե ինչ գիտեք հոգիների աշխարհի մասին։

  • Որքա՞ն վստահ կզգայիք՝ Ջուլիի հետ հոգիների աշխարհի մասին ճշմարտություններով կիսվելիս:

Հիշեցրեք ուսանողներին, որ Սուրբ Հոգու դերերից մեկը ճշմարտության մասին վկայելն է: Առաջարկեք նրանց ուշադիր լինել Հոգու վկայության նկատմամբ՝ Երկնային Հոր փրկության ծրագրի մասին ճշմարտությունների վերաբերյալ, որոնք իրենք կուսումնասիրեն այս դասում:

Մահացածների փրկագնման տեսիլքը

Վարդապետություն և Ուխտեր 138 բաժնի պատմական ենթատեքստը տրամադրելու համար կիսվեք նախագահ Բալլարդի ստորև բերված խոսքերով կամ ամփոփ ներկայացրեք Saints: The Story of the Church of Jesus Christ in the Latter Days, Vol. 3, Boldly, Nobly and Independent, 1893–1955 [2018], 196–207 բաժինները։

Տասներկու Առաքյալների Քվորումից նախագահ Մ. Ռասսել Բալլարդը՝ նախագահ Ջոզեֆ Ֆ. Սմիթի ծոռը, կիսվել է հետևյալով այն տեսիլքի մասին, որն այժմ Վարդապետություն և Ուխտեր 138 բաժինն է։

2:3

Մահացածների փրկագնման տեսիլքը

Նախագահ Մ․ Ռասսել Բալլարդ

Խոր վիշտ զգալով միլիոնավոր մարդկանց մահվան պատճառով, որոնք մահացել էին պատերազմի ընթացքում և հիվանդություններից, ինչպես նաև իր ընտանիքի անդամների կորստից հետո, 1918 թվականի հոկտեմբերի 3-ին նախագահ Սմիթը երկնային հայտնություն ստացավ, որը հայտնի է որպես «մահացածների փրկագնման տեսիլքը»: …

Հայտնությունը, որը նա ստացել էր հոկտեմբերի 3-ին, հանգստություն բերեց նրա սրտին և տվեց շատ հարցերի պատասխանները: Մենք նույնպես կարող ենք հանգստություն գտնել և ավելի շատ բան սովորել մեր սեփական ապագայի մասին, երբ մենք և մեր սիրելիները մահանան և գնան հոգիների աշխարհ, ուսումնասիրելով այս հայտնությունը և խորհելով դրա նշանակության մասին այնպիսի ձևով, որով մենք ապրում ենք մեր կյանքն ամեն օր: (Մ․ Ռասսել Բալլարդ, «Մահացածների փրկագնման տեսիլքը», Լիահոնա, նոյեմբեր 2018, 72–73)

Կարդացեք Վարդապետություն և Ուխտեր 138.1–4 հատվածները՝ փնտրելով այն ճշմարտությունները, որոնց մասին նախագահ Սմիթը խորհում էր, երբ ստացավ այս տեսիլքը:

  • Ի՞նչն է ձեզ համար առանձնահատուկ այն բանում, թե ինչի շուրջ էր նախագահ Սմիթը խորհում իր ուսումնասիրության ժամանակ:

  • Ի՞նչ գիտեր նախագահ Սմիթը Հիսուս Քրիստոսի և Նրա քավող զոհաբերության մասին:

    Օգնեք ուսանողներին բացահայտել հետևյալ ճշմարտությունը. Հիսուս Քրիստոսի Քավության և Նրա ավետարանի սկզբունքներին հնազանդվելու միջոցով Երկնային Հոր զավակներից յուրաքանչյուրը կարող է փրկվել:

    Կարող եք ամփոփել Վարդապետություն և Ուխտեր 138․5–10 հատվածները՝ կիսվելով այն մասին, որ նախագահ Սմիթը դիմեց Ա Պետրոս 3–4 գլուխներին, երբ խորհում էր Փրկչի քավող զոհաբերությամբ խոստացված մահացածների փրկագնման մասին։ Կարող եք նշել, որ Ա Պետրոս 4․6 հատվածը վարդապետության ​​սերտման հատված է:

  • Ի՞նչ գիտեք այն մասին, թե Հիսուս Քրիստոսն ինչպես է փրկությունը հասանելի դարձնում Երկնային Հոր բոլոր զավակների համար։

Փրկիչը հայտնվում է հոգիների աշխարհում

Երբ ուսանողներն ուսումնասիրեն տեսիլքը, օգտակար կլինի նշել, որ նախագահ Սմիթը տեսել է, որ Փրկիչը այցելում է հոգիների աշխարհ Իր մահվան և Հարության միջև ընկած ժամանակահատվածում:

Հիշեցրեք ուսանողներին, որ հոգիների աշխարհը բաժանված է դրախտի և բանտի: Անհրաժեշտության դեպքում կարող եք բացատրել, որ այս համատեքստում բանտ նշանակում է ժամանակավոր վայր հոգիների աշխարհում՝ նրանց համար, ովքեր մահացել են առանց ճշմարտության իմացության (այլ ոչ թե զնդան կամ բանտախուց): Այս բանտում գտնվում են նաև այն հոգիները, որոնք անհնազանդ են եղել մահկանացու կյանքում (տես Թեմաներ և հարցեր, «Hell», topics.ChurchofJesusChrist.org):

Կարդացեք Առաջին Նախագահությունից նախագահ Դալլին Հ. Օուքսի հետևյալ խոսքերը՝ հոգիների աշխարհում Երկնային Հոր բոլոր զավակների փրկության աշխատանքի մասին:

Նախագահ Դալլին Հ․ Օուքս

Հոգիների աշխարհում փրկության աշխատանքի էությունը հոգիներին ազատելն է մի վիճակից, որը սուրբ գրություններում հաճախ նկարագրվում է որպես «գերություն»։ Հոգիների աշխարհում բոլորը ինչ-որ տեսակի գերության մեջ են։ (Դալլին Հ. Օուքս, «Տիրոջն ապավինիր», Լիահոնա, նոյեմբեր 2019, 26)

Երբ ուսումնասիրեք Վարդապետություն և Ուխտեր 138 բաժնում նկարագրված տեսիլքը, փնտրեք, թե ինչո՞ւ են Երկնային Հոր հոգևոր զավակները գերության մեջ, և ինչպես են նրանք ազատվում Փրկչի և Նրա քավող զոհաբերության շնորհիվ:

Դասը կազմակերպելու եղանակներից մեկը ուսանողներին երեք հոգանոց խմբերի բաժանելն է: Առաջարկեք ուսանողներին ուսումնասիրել հետևյալ երեք բաժիններից մեկը: Տրված հարցերը քննարկելու համար ժամանակ տալուց հետո ուսանողներին առաջարկեք կիսվել իրենց սովորածով իրենց խմբի մյուս անդամների հետ, որոնք ուսումնասիրել են մեկ այլ բաժին:

դասընթացի պատկերակԽրախուսեք ուսանողներին կիսվել իրենց սովորած ճշմարտություններով: Դա անելու վերաբերյալ ուսուցման համար տես «Խրախուսեք սովորողներին կիսվել իրենց սովորած ճշմարտություններով» վերնագրով դասընթացը՝ Teacher Development Skills: Invite Diligent Learning ուսուցողական նյութում։ Կարող եք կիրառել «Առաջարկեք ուսանողներին միմյանց հետ կիսվել իրենց սովորածով» հմտությունը:

  • Ի՞նչ բացահայտեցիք:

  • Ինչպե՞ս էին հոգիները արձագանքում Փրկիչի ավետարանին մահկանացու կյանքում։

  • Ինչո՞ւ էին այդ հոգիները գերության մեջ: Փրկիչն ինչպե՞ս ազատեց նրանց:

  • Ի՞նչ հնարավորություններ է տալիս Փրկիչը հոգիներին դրախտում: Իսկ բանտո՞ւմ։

  • Ի՞նչ կարող ենք մենք անել, որպեսզի օգնենք Փրկչին Իր գործում։

  1. Փրկիչն ազատում է հոգիներին դրախտում:

Կարդացեք Վարդապետություն և Ուխտեր 138.11–19, 23–24, 50–52 հատվածները՝ փնտրելով, թե ինչպես Փրկիչն ազատեց նրանց հոգիների դրախտում:

  1. Փրկիչն ազատում է հոգիներին բանտում:

Կարդացեք Վարդապետություն և Ուխտեր 138․20–22, 29–37, 57–59 հատվածները՝ փնտրելով, թե ինչպես Փրկիչն ազատեց նրանց հոգիների բանտում:

  1. Փրկիչը կազմակերպում է ավետարանի քարոզումը հոգիների աշխարհում։

Կարդացեք Վարդապետություն և Ուխտեր 138․30–37, 57–59 հատվածները՝ փնտրելով, թե Փրկիչն ինչպես կազմակերպեց ավետարանի քարոզումը հոգիների բանտում գտնվողներին:

Ցուցադրել հասկացողություն

Որպեսզի օգնեք ուսանողներին ցույց տալ Վարդապետություն և Ուխտեր 138 բաժնի իրենց հասկացողությունը, կարող եք առաջարկել նրանց դերախաղով ներկայացնել դասի սկզբում տրված սցենարը: Աշակերտները կարող են հերթականությամբ կատարել Ջուլիի դերախաղը և սովորել, թե ինչպես պատասխանել նրա հարցին՝ իր երկու կողմի տատերի և պապերի վերաբերյալ։ Ուսանողներին ժամանակ տալուց հետո առաջարկեք նրանց կիսվել դասարանի հետ իրենց մտքերով և ասելով, թե ինչպես են այդ ուսմունքները առնչվում իրենց:

Կարող եք կիսվել ձեր վկայությամբ Երկնային Հոր, Հիսուս Քրիստոսի և այն փրկության մասին, որը Նրանք առաջարկում են ողջերին և մահացածներին: