Seminary
Mga Pagtulun-an sa mga Lider sa Simbahan: Kinatibuk-ang Pagpasabot

“Mga Pagtulun-an sa mga Lider sa Simbahan: Kinatibuk-ang Pagpasabot,” Manwal sa Magtutudlo sa Seminary sa Doktrina ug mga Pakigsaad (2025)

“Mga Pagtulun-an sa mga Lider sa Simbahan,” Manwal sa Magtutudlo sa Seminary sa Doktrina ug mga Pakigsaad

Mga Pagtulun-an sa mga Lider sa Simbahan

Mga Pagtulun-an sa mga Lider sa Simbahan

Kinatibuk-ang Pagpasabot

Sagad makig-istorya nato ang Ginoo pinaagi sa Iyang mga sulugoon (tan-awa sa Doktrina ug mga Pakigsaad 1:38). Samtang atong paminawon ug tun-an ang mga mensahe sa mga lider sa Simbahan, atong makat-onan kon unsay gusto sa Manluluwas nga atong mahibaloan. Kini nga leksiyon makatabang sa mga estudyante nga tun-an ang mga mensahe sa mga Ginoo nga gihatag pinaagi sa Iyang mga sulugoon.

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Pagpangandam alang sa Kinatibuk-ang Komperensiya

Sugyot sa gipaspason: Kini nga leksiyon pwedeng itudlo sa dili pa ang Abril o Oktubre nga kinatibuk-ang komperensiya.

Katuyoan sa leksiyon: Aron tabangan ang mga estudyante nga maandam sa pagpaminaw og personal nga mga mensahe gikan sa Manluluwas sa kinatibuk-ang komperensiya.

  • Pagpangandam sa estudyante: Pwede nimong dapiton ang mga estudyante nga istoryahon ang ilang mga pamilya bahin sa ilang mahimo sa pagpangandam ug sa pag-apil sa kinatibuk-ang komperensiya.

  • Imahe: Litrato sa pamilya nga nanan-aw og Kinatibuk-ang Komperensiya

  • Sulod nga ipakita: Mga pangutana sa pagsukod sa kaugalingon nga anaa sa sinugdanan sa leksiyon.

  • Handout: “Pagpangandam alang sa Kinatibuk-ang Komperensiya”

Pagtuon sa mga Mensahe sa mga Sulugoon sa Ginoo

Sugyot sa gipaspason: Ikonsiderar ang pagtudlo niini nga leksiyon sa dili pa ang mosunod nga mga leksiyon niini nga grupo. Pwede nimo kining itudlo duol pagsugod sa tuig sa pag-eskwela aron ipaila sa mga estudyante ang pagtuon sa mga mensahe sa mga lider sa Simbahan.

Katuyoan sa leksiyon: Aron tabangan ang mga estudyante nga mabati ang kaimportante sa pagtuon ug paggamit sa mga mensahe sa Ginoo nga gihatag sa Iyang mga sulugoon.

  • Pagpangandam sa estudyante: Dapita ang mga estudyante sa pagtambong nga andam nga mopakigbahin og usa ka pamahayag gikan sa usa ka lider sa Simbahan nga makahuloganon para nila ug ipasabot kon ngano. Kini nga pamahayag pwedeng gikan sa usa ka pakigpulong sa kinatibuk-ang komperensiya, mensahe sa sibya, post sa social media, o sama niini.

  • Mga materyal alang sa mga estudyante: Usa ka tipik nga bahin o kompletong mensahe gikan sa kinatibuk-ang komperensiya, gikan sa Liahona o Alang sa Kalig-on sa mga Kabatan-onan nga magasin, o gikan sa debosyonal o mga sibya sa Simbahan

  • Imahe nga ipakita: Usa ka imahe sa kasamtangang Unang Kapangulohan ug Korum sa Napulog Duha ka Apostoles

  • Bidyo: “Magpadayon Tang Tanan” (6:01; tan-awa gikan sa time code nga 1:17 hangtod 1:58)

Template: Mga Pagtulun-an sa mga Lider sa Simbahan

Sugyot sa gipaspason: Ang tanang leksiyon nga naggamit niini nga template pwedeng itudlo sa bisan unsang yugto sa tuig sa pag-eskwela o atol sa bisan unsang semana sa Dali, Sunod Nako nga gipaspason. Apan, kon wala pa ka makagamit niini nga template sukad, makatabang tingali ang pagtudlo sa “Mga Pagpili alang sa Kahangtoran” nga leksiyon sa ubos sa dili pa andamon ang usa ka bag-ong leksiyon sa mensahe gikan sa lider sa Simbahan. Kini nga leksiyon mohatag og sumbanan sa pagtudlo bahin sa mensahe gikan sa lider sa Simbahan.

Katuyoan sa leksiyon: Kini nga template mohatag nimo og mga ideya aron tabangan ang mga estudyante nga tun-an ang mga mensahe sa mga lider sa Ang Simbahan ni Jesukristo sa mga Santos sa Ulahing mga Adlaw.

  • Pagpangandam sa estudyante: Ipakigbahin sa mga estudyante ang ulohan sa mensahe dihang magtuon sila diha sa klase. Awhaga sila nga basahon, tan-awon, o paminawon ang mensahe sa dili pa magklase. Dapita sila nga mainampoong mangandam alang sa itudlo kanila sa Espiritu Santo samtang ilang tun-an ang mga mensahe sa mga sulugoon ni Jesukristo.

“Mga Pagpili alang sa Kahangtoran”

Katuyoan sa leksiyon: Aron maghatag og pananglitan kon unsaon paggamit sa mga magtutudlo ang “Template: Mga Pagtulun-an sa mga Lider sa Simbahan” aron giyahan ang klase samtang ilang tun-an kini nga mga mensahe, ug sa pagpalawom sa pagsabot sa mga estudyante sa mga baroganan nga makatabang nila sa pagpangandam para sa kinabuhing dayon.