Seminelí
Ngaahi Akonaki ʻa e Kau Taki ʻo e Siasí: Vakai Fakalūkufuá

“Ngaahi Akonaki ʻa e Kau Taki ʻo e Siasí: Vakai Fakalūkufuá,” Tokāteline mo e Ngaahi Fuakava – Tohi Lēsoni ʻa e Faiako Seminelí (2025)

“Ngaahi Akonaki ʻa e Kau Taki ʻo e Siasí,” Tokāteline mo e Ngaahi Fuakava – Tohi Lēsoni ʻa e Faiako Seminelí

Ngaahi Akonaki ʻa e Kau Taki ʻo e Siasí

Ngaahi Akonaki ʻa e Kau Taki ʻo e Siasí

Vakai Fakalūkufuá

ʻOku faʻa folofola mai ʻa e ʻEikí kiate kitautolu ʻo fakafou ʻi Heʻene kau tamaioʻeikí (vakai, Tokāteline mo e Ngaahi Fuakava 1:38). ʻI heʻetau fakafanongo mo ako ʻa e ngaahi pōpoaki mei he kau taki ʻo e Siasí, te tau lava ʻo ako ʻa e meʻa ʻoku finangalo ʻa e Fakamoʻuí ke tau ʻiló. ʻE lava ke tokoni ʻa e ngaahi lēsoni ko ʻení ki he kau akó ke nau ako ʻa e ngaahi pōpoaki ʻa e ʻEikí ʻoku fakafou mai ʻi Heʻene kau tamaioʻeikí.

Teuteu ke akoʻí

ʻOku ʻoatu ʻe he fakamatala ko ʻení ha ngaahi fakakaukau ki he meʻa ʻe ala fiemaʻu ke teuteuʻi kimuʻa ‘i he lēsoni takitaha.

Ko e Teuteu ki he Konifelenisi Lahí

Fokotuʻu ki he vave hono akoʻí: ʻE lava ke akoʻi ʻa e lēsoni ko ʻení kimuʻa siʻi pē ʻi he konifelenisi lahi ʻo ʻEpeleli pe ʻOkatopá.

Taumuʻa ʻo e lēsoní: Ke tokoni ki he kau akó ke teuteu ke fanongo ki he ngaahi pōpoaki fakataautaha mei he Fakamoʻuí ʻi he konifelenisi lahí.

  • Teuteu ʻa e tokotaha akó: Te ke lava ʻo fakaafeʻi ʻa e kau akó ke nau talanoa mo honau ngaahi fāmilí fekauʻaki mo e meʻa te nau lava ʻo fai ke teuteu ai mo kau ʻi he konifelenisi lahí.

  • ʻĪmisí: Laʻitā ʻo ha fāmili ʻoku nau mamata ʻi he Konifelenisi Lahí

  • Meʻa ke fakaʻaliʻalí: Ko e ngaahi fehuʻi vakaiʻi fakaekita ʻi he fakaʻosinga ʻo e lēsoní.

  • Laʻipepa tufá: “Ko e Teuteu ki he Konifelenisi Lahí”

Ko Hono Ako ʻa e Ngaahi Pōpoaki ʻa e Kau Tamaioʻeiki ʻa e ʻEikí

Fokotuʻu ki he vave hono akoʻí: Fakakaukau ke akoʻi ʻa e lēsoni ko ʻení kimuʻa ʻi he ngaahi lēsoni ko ʻeni ʻi he kulupu ko ʻení. Te ke lava ʻo akoʻi ia ʻi he ofi ki he kamataʻanga ʻo e taʻu fakaakó ke fakafeʻiloaki ʻa e kau akó ki hono ako ʻo e ngaahi pōpoaki ʻa e kau taki ʻo e Siasí.

Taumuʻa ʻo e lēsoní: Ke tokoni ke ongoʻi ʻe he kau akó ʻa e mahuʻinga ʻo hono ako mo fakaʻaongaʻi ʻo e ngaahi pōpoaki ʻa e ʻEikí ne fakafou mai ʻi Heʻene kau tamaioʻeikí.

  • Teuteu ʻa e tokotaha akó: Fakaafeʻi e kau akó ke omi mateuteu ke vahevahe ha fakamatala mei ha taki ʻo e Siasí ʻoku ʻuhingamālie kiate kinautolu pea fakamatalaʻi hono ʻuhingá. ʻE lava ke maʻu ʻa e lea ko ʻení mei ha lea ʻi he konifelenisi lahí, pōpoaki naʻe fakamafola, ko ha fakamatala ʻi he mītia fakasōsialé, pe ha meʻa tatau mo ia.

  • Ngaahi naunau maʻá e kau akó: Ko ha pōpoaki fakakonga pe kakato mei he konifelenisi lahí mei he makasini Liahoná pe Ki Hono Fakamālohia ʻo e Toʻu Tupú, pe mei ha fakataha lotu pe fakamafola ʻa e Siasí

  • ʻĪmisi ke fakaʻaliʻalí: Ko ha ʻīmisi lolotonga ʻo e Kau Palesitenisī ʻUluakí pea mo e Kōlomu ʻo e Kau ʻAposetolo ʻe Toko Hongofulu Mā Uá

  • Vitiō: “Tuku ke Tau Vilitaki Atu” (6:01; mamata mei he taimi 1:17 ki he 1:58)

Sīpingá: Ngaahi Akonaki ʻa e Kau Taki ʻo e Siasí

Fokotuʻu ki he vave hono akoʻí: ʻE lava ke akoʻi ʻa e ngaahi lēsoni kotoa pē ʻokú ne fakaʻaongaʻi ʻa e sīpinga ko ʻení ʻi ha faʻahinga taimi pē ʻi he taʻu fakaakó pe lolotonga ha faʻahinga uike pē ʻi he vave hono akoʻi ʻo e Haʻu, ʻo Muimui ʻIate Aú. Ka neongo ia, kapau kuo teʻeki ke ke fakaʻaongaʻi ʻa e sīpinga ko ʻení kimuʻa, ʻe ala tokoni ke akoʻi ʻa e lēsoni “Fili ki he Taʻengatá” ʻi laló kimuʻa pea teuteu ha lēsoni foʻou ʻi ha pōpoaki mei ha taki ʻo e Siasí. ʻOku ʻomi ʻe he lēsoní ha sīpinga ki hono akoʻi ʻo ha pōpoaki mei ha taki ʻo e Siasí.

Taumuʻa ʻo e lēsoní: ʻOku ʻoatu ʻe he sīpinga ko ʻení ha ngaahi fakakaukau ke tokoniʻi ʻa e kau akó ke ako ʻa e ngaahi pōpoaki mei he kau taki ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.

  • Teuteu ʻa e tokotaha akó: Vahevahe mo e kau akó ʻa e hingoa ʻo e pōpoaki te nau ako ʻi he kalasí. Poupouʻi kinautolu ke nau lau, mamataʻi, pe fanongo ki he pōpoakí kimuʻa pea fai ʻa e kalasí. Fakaafeʻi kinautolu ke teuteu ʻi he faʻa lotu ke akoʻi kinautolu ʻe he Laumālie Māʻoniʻoní ʻi heʻenau ako ʻa e ngaahi pōpoaki ʻa e kau tamaioʻeiki ʻa Sīsū Kalaisí.

“Ngaahi Fili ki he Taʻengatá”

Taumuʻa ʻo e lēsoní: Ke ʻoange ha sīpinga ʻo e founga ʻe lava ke fakaʻaongaʻi ai ʻe he kau faiakó ʻa e “Sīpingá: Ngaahi Akonaki ʻa e Kau Taki ʻo e Siasí” ke tataki ʻa e kalasí ʻi heʻenau ako ʻa e ngaahi pōpoaki ko ʻení, pea ke fakaloloto ʻa e mahino ʻa e kau akó ki he ngaahi tefitoʻi moʻoní ke tokoniʻi kinautolu ke nau teuteu ki he moʻui taʻengatá.