“195-р хичээл—Их Эзэнийг суралцахуйдаа оролцуулах: ‘Бибээр чамтай хамт байна,’” Сургаал ба Гэрээнүүдийн семинарын багшийн гарын авлага (2025)
“Их Эзэнийг суралцахуйдаа оролцуулах,” Сургаал ба Гэрээнүүдийн семинарын багшийн гарын авлага
195-р хичээл: Сургуульд амжилттай сурах
Их Эзэнийг суралцахуйдаа оролцуулах
“Бибээр чамтай хамт байна”
Тэнгэрлэг Эцэг, Есүс Христ хоёр бидний амьдралын бүхий л талбарт, тэр дундаа сурч боловсрох, албан ёсны боловсрол эзэмшихийн төлөө хичээж зүтгэхэд маань туслахыг хүсдэг. Энэ хичээл нь судлахаар мөн итгэлээр суралцахыг эрэлхийлэхдээ Их Эзэнийг сурч боловсрох бүх үйл явцад оролцуулахад нь суралцагчдад тусалж чадна.
Боломжит суралцах үйл ажиллагаа
Хүнд хэцүү нөхцөл байдал
Та дараах нөхцөл байдлуудыг хуваалцан ангиараа ярилцсанаар хичээлийг эхлүүлж болно. Шаардлагатай тохиолдолд суралцагчдынхаа хэрэгцээнд тохируулан нөхцөл байдлыг өөрчил.
Дараах нөхцөл байдлуудын нэг юм уу хэд хэд дээр нь өөрийгөө тавьж төсөөл.
-
Та хичээлдээ шантарч, бууж өгөхийг хүсэв.
-
Залуу насандаа боловсролоо дээшлүүлэх эсэх талаар та эргэлзэж байгаа. Та хаана үргэлжлүүлж сурахаа эсвэл бүр сурах ёстой эсэхээ мэдэхгүй байна.
-
Ажилд орсон эхний долоо хоногт танд ажил, үүрэгтээ өөрийгөө хангалтгүй байна гэсэн мэдрэмж төрж байгаа.
Хэрэв та эдгээр нөхцөл байдлын аль нэгд орсон байсан бол юу хийх байсан бэ? Та хэнээс тусламж хүсэх байсан бэ?
Суралцагчдаас өөрсдөө эсвэл таньдаг хүмүүс нь эдгээртэй төстэй нөхцөл байдалтай тулгарч байсан эсэхийг асуу. Өөрсдөө болон бусад хүн тусламж хүлээн авахын тулд юу хийснийг хуваалцахад тэднийг урь.
Энэ хичээл дээр суралцагчид өөрсдийн боловсролыг оруулаад амьдралынхаа бүхий л талбарт Их Эзэнийг оролцуулахын ач холбогдлын талаар сурч мэдэх болно гэдгийг тайлбарла. Тэдэнд энэ сэдвийг судлахад бэлтгэхэд нь туслахын тулд дараах асуултуудыг харуулаад, судлах тэмдэглэлдээ хариулахад суралцагчдыг урь.
Дараах мэдэгдлүүдийг 1-ээс (хэзээ ч үгүй) 5 (ихэнхдээ) хүртэлх оноог ашиглан эргэцүүлэн бодох цаг гарга.
-
Би судлах юм уу ангийн төслийн ажлыг хийж эхлэхээсээ өмнө Тэнгэрлэг Эцэгээс тусламж хүсэн залбирдаг.
-
Би хувийн залбирлаараа Тэнгэрлэг Эцэгтээ хандан, суралцах явцад минь Сүнсийг надтай хамт байлгаасай гэж хүсэж байгаагаа илэрхийлдэг.
-
Би Есүс Христийн тусламжийг хүлээн авч суралцахын тулд байнга илүү их хичээл зүтгэл гаргахыг хичээдэг.
-
Би суралцаж, боловсрол эзэмшихэд минь тусалдаг Сүнсний тусламжид найдаж, үүнийг таньж мэддэг.
Тэдний суралцахуйд болон боловсролд Их Эзэнийг илүү бүрэн дүүрэн оролцуулахад туслах сургаалуудыг олж мэдэхэд суралцагчдыг урь.
Судар дээрх суралцагчдаас суралцах
Ойлгож мэдэх, сорилт бэрхшээлээ даван туулахад Их Эзэнийг оролцуулдаг хүмүүсийн олон жишээ судрууд дээр байдгийг тайлбарла. Дараах үйл ажиллагааг гүйцэтгэхийн тулд суралцагчдыг бүлгүүдэд хуваарил. Бүлэг бүрд дараах жишээнээс нэгийг судлуулахаар оноож өгөөд, дараа нь авч үзэх хоёр асуултын дагуу ярилц.
Хүнд хэцүү, тодорхой бус нөхцөл байдалтай тулгарсан хүмүүсийн талаарх дараах судруудыг судал. Энэ хүмүүс ойлгохыг эрэлхийлэхдээ Их Эзэнийг хэрхэн оролцуулсан талаарх жишээг олж мэд.
-
Иосеф Смит (Иосеф Смит —Түүх 1:10–18)
-
Нифай (1 Нифай 11:1–9)
-
Жаредын ах (Ифер 1:38–42; 2:22–25; 3:1–6)
-
Энэ хүмүүс суралцахуйдаа Их Эзэнийг хэрхэн оролцуулсан бэ?
-
Ямар арга замаар Их Эзэн тэдэнд тусалсан бэ?
Суралцагчдад судлах, ярилцах хангалттай цаг гаргаж өгсний дараа бүлэг бүрийн гишүүдийг өмнөх асуултад юу гэж хариулснаа хуваалцаж, ярилцсан зүйлээ тайлагнахад урь.
-
Та нар сурсан зүйл дээрээ үндэслэн дараах мэдэгдлийг хэрхэн гүйцээж бичих вэ? Биднийг суралцахуйдаа Их Эзэнийг оролцуулахад Тэрээр бидэнд … чадна
Суралцагчид энэ мэдэгдлийг дараахтай адилаар гүйцээж болно. Биднийг суралцахуйдаа Их Эзэнийг оролцуулахад Тэрээр бидэнд өөрсдөө бие даан олж авч чадахгүй байх байсан ойлголтыг өгч чадна.
-
Их Эзэн боловсролд тань тусална гэсэн итгэлийг төрүүлэх, Их Эзэний тухай юуг та мэдэх вэ?
Их Эзэнийг суралцахуйдаа оролцуулах арга зам
-
Хичээл сурлагадаа Их Эзэнийг хэзээ оролцуулах нь тустай байх болно гэж та бодож байна вэ?
Хэрэв шаардлагатай гэж үзвэл, суралцагчдад өмнөх асуултын хариултыг бодоход тусал. Жишээ нь: Гэрийн даалгавар хийх, шалгалт өгөх, ангид суралцах, ангийн даалгавар эсвэл төслийн ажил дээр ажиллах зэрэг байж болно. Суралцагчдын санааг самбарт жагсаан бич.
Дараа нь суралцагчдын тодорхойлсон жишээнүүд дээр Их Эзэнийг оролцуулж болох арга замуудын талаар бодоход туслах зааврыг тэдэнд өг. Суралцагчид үүнийг ганцаараа, хоёр хоёроороо эсвэл жижиг бүлгээр гүйцэтгэж болно.
Би … хийснээр суралцахуйдаа Их Эзэнийг оролцуулж чадна гэсэн өгүүлбэрийг судлах тэмдэглэл дээрээ бич. Таны тодорхойлсон хичээл сургуультай холбоотой үйл ажиллагаанд Их Эзэнийг оролцуулж болох аль болох олон санааг жагсаан бич.
Жагсаалтаа гаргасных нь дараа ангийнхантайгаа санаагаа хуваалцахад тэднийг урь. Та жагсаалтыг самбар дээр гаргаж болох ба суралцагчдын санааг нэмж бичиж болно.
Шаардлагатай бол та дараах санаануудыг санал болгож болно. Үүнд: Шалгалт, ангийн төслийн ажил, даалгавраа хийхээс өмнө сурч байсан зүйлээ санахад туслахыг гуйн залбирах; танд суралцах боломж олгож, тусалсанд талархаж байгаагаа Бурханд илэрхийлэх; Их Эзэнийг суралцахуйдаа оролцуулах үед тохиолдсон туршлагаа бичиж тэмдэглэх; мацаг барьж, суралцах илүү их хүсэлтэй байхын төлөө залбирах; өдөр тутмын залбирал, судар судлахуйд цаг гаргаснаар Бурханыг нэн тэргүүнд тавих.
-
Их Эзэнийг боловсролдоо оролцуулахдаа та ямар туршлага хуримтлуулсан бэ?
Ярилцлагын нэг хэсэг болгож, “Христ дотор нэг болох нь: Налуу шугамын сургаалт зүйрлэл” видеог цагийн код 0:00-ээс 1:05 хүртэл үзүүлэхийг бод. Энэ видеог ChurchofJesusChrist.org-оос үзэх боломжтой. Энэ видеон дээр Далын ахлагч Кларк Г.Гилбэрт Их Эзэнийг суралцахуйдаа оролцуулсан туршлагаа өгүүлсэн.
Үнэнийг эргэцүүлэн бодож, үүний дагуу үйлдэх
Их Эзэнийг суралцахуйдаа оролцуулах тухайд сурсан зүйлээ хэрэгжүүлэх арга замуудыг эргэцүүлэн бодоход суралцагчдыг урь. Тэд судлах тэмдэглэл дээрээ дараах асуултуудад хариулж болно.
-
Өөрийг тань Их Эзэнийг суралцахуйдаа оролцуулах хүсэлтэй болгодог Түүний талаар та юу сурч, мэдэрсэн бэ?
-
Их Эзэнийг суралцахуйдаа оролцуулахын тулд та нэг юм уу хоёр ямар үйлдлийг хийж болох вэ?
Сурч, мэдэрсэн зүйлээ хуваалцахад суралцагчдыг урь. Ярилцсан үнэнүүдийнхээ талаар гэрчил мөн төлөвлөгөөн дээрээ ажиллаж Сүнснээс хүлээн авсан сэтгэгдлийнхээ дагуу үйлдэхэд суралцагчдыг урамшуул.