Դաս 204. Տաճարային նախապատրաստություն

Հիսուս Քրիստոսը ողջ տաճարային երկրպագության կենտրոնում է

«Հիսուս Քրիստոսն է պատճառը, որ մենք տաճարներ ենք կառուցում»

Ժամանակի ընթացքում Տերը միշտ պատվիրել է Իր ժողովրդին տաճարներ կառուցել: Մեր օրերում մենք տաճարների կառուցման մեծ աճ ենք տեսնում: Հիսուս Քրիստոսն այն ամենի կենտրոնում է, ինչ մենք անում ենք տաճարում: Այս դասը կօգնի ուսանողներին ավելի մեծ ցանկություն զգալ՝ երկրպագելու Հիսուս Քրիստոսին՝ Իր տանը:

Հնարավոր ուսումնական վարժություններ

Փրկիչը մեր երկրպագության կենտրոնում

Ցուցադրեք հաղորդություն ընդունող մարդկանց, եկեղեցի հաճախող երիտասարդների և որպես լիաժամկետ միսիոներներ ծառայող երիտասարդների նկարները:

• Ըստ ձեզ, ինչպե՞ս է Հիսուս Քրիստոսը գտնվում հաղորդություն ընդունելու, Եկեղեցի հաճախելու կամ լիաժամկետ միսիայում ծառայելու կենտրոնում:

• Դրանք ինչպե՞ս կազդեին որևէ մեկի փորձառության վրա, եթե նա չկենտրոնանար Փրկչի վրա՝ այս միջոցառումներին մասնակցելիս:

Ուսանողներին ցուցադրեք ձեզ մոտիկ գտնվող տաճարի նկարը Փրկչի նկարի հետ միասին: Ուսանողներին առաջարկեք խորհել հետևյալ հարցերի շուրջ։ Նրանց համար օգտակար կլինի հարցերի իրենց պատասխանները գրել իրենց օրագրերում:

Խորհեք տաճարում ձեր անձնական փորձառությունների կամ տաճարին նախապատրաստվելու շուրջ:

• Որքանո՞վ է Փրկիչը գտնվում տաճարում միջոցառումներին մասնակցելու ձեր նախապատրաստության կենտրոնում և այն փորձառությունների կենտրոնում, որոնք ունենում եք՝ գտնվելով տաճարում:

• Փրկչի վրա ավելի շատ կենտրոնանալն ինչպե՞ս կարող է ազդել ձեր տաճարային փորձառության վրա:

Խրախուսեք ուսանողներին հրավիրել Հոգուն՝ առաջնորդելու իրենց, երբ ձգտում են ավելին իմանալ այն մասին, թե ինչպես է Փրկիչը գտնվում տաճարային երկրպագության կենտրոնում:

Տերը պատվիրում է Իր ժողովրդին տաճարներ կառուցել

Հետևյալ նկարներում պատկերված է մի քանի սուրբ վայր և տաճար, որոնք Տերը պատվիրել էր Իր ժողովրդին կառուցել հին ժամանակներում: Կարող եք նկարները ցուցադրել ուսանողներին և հարցնել նրանց, թե արդյոք իրենք կարող են ճանաչել նկարներում պատկերված շինությունները (Մովսեսի կառուցած աղոթատեղին անապատում [տես Ելք 25․8], Սողոմոնի տաճարը Երուսաղեմում [տես Գ Թագավորների 6.12–13], նեփիացիների տաճարը Լիառատ երկրում [տես 3 Նեփի 11.1])։

Վարդապետություն և Ուխտերում Տերը պատվիրել է Սրբերին կառուցել տաճարներ (տես Վարդապետություն և Ուխտեր 57.3, 109․2, 115․7–8, 124․26–27)։ Այդ պատվիրանը հետևում է այն օրինաչափությանը, որը Տերը հաստատել է հին ժամանակներում:

Առաջին Նախագահությունը հայտարարել է.

Ամեն անգամ, երբ Տերը երկրի վրա ունեցել է մի ժողովուրդ, որը հնազանդվել է Իր խոսքին, նրանց տաճարներ կառուցելու պատվիրան է տվել: («First Presidency Releases Statement on Temples», հունվարի 2, 2019, ChurchofJesusChrist.org)

Կարդացեք Վարդապետություն և Ուխտեր 109․2, 5, 12–13 հատվածները և փնտրեք, թե ինչ է Տերը ուսուցանում տաճարի մասին:

• Ի՞նչ բացահայտեցիք:

• Ինչպե՞ս կնկարագրեք հատված 13-ը ձեր բառերով։

  Ճշմարտություններից մեկը, որն ուսանողները կարող են նշել, այն է, որ տաճարը Տիրոջ տունն է, Նրա սրբավայրը։

• Ի՞նչ օրհնություններ կարող ենք ստանալ, երբ ինքներս գիտակցենք այդ ճշմարտությունը:

Անհրաժեշտության դեպքում խրախուսեք ուսանողներին կիսվել իրենց ունեցած փորձառություններով, երբ տաճարում մոտ են եղել Տիրոջը կամ զգացել են, որ տաճարը սրբավայր է: Կիսվելով ձեր անձնական փորձառությամբ, կարող եք օգնել ուսանողներին կիսվել նաև իրենց փորձառությամբ:

Փրկիչը տաճարի կենտրոնում է

Հետևյալ արտահայտությունները կարող են օգնել ուսանողներին հասկանալ, թե ինչպես է Փրկիչը գտնվում տաճարի կենտրոնում: Երբ ուսանողները կարդան հետևյալ խոսքերը, առաջարկեք նրանց փնտրել տաճարի հիմնական նպատակը:

Նախագահ Ռասսել Մ. Նելսոնն ուսուցանել է․

Տաճարը և ձեր հոգևոր հիմքը

Տաճարը գտնվում է մեր հավատքի և հոգևոր կայունության ամրացման կենտրոնում, քանի որ Փրկիչը և Նրա վարդապետությունը տաճարի հենց սիրտն են: Այն ամենը, ինչ ուսուցանվում է տաճարում՝ ուսուցման և Հոգու միջոցով, մեծացնում է մեր հասկացողությունը Հիսուս Քրիստոսի մասին: Նրա կարևոր արարողությունները մեզ կապում են Իր հետ՝ քահանայության սուրբ ուխտերի միջոցով։ (Ռասսել Մ․ Նելսոն, «Տաճարը և ձեր հոգևոր հիմքը», Լիահոնա, նոյեմբեր 2021, 93–94)

Տասներկու Առաքյալների Քվորումից երեց Դեյվիդ Ա. Բեդնարը վկայել է․

Այն ամենը, ինչ ուսուցանվում և արվում է տաճարում, շեշտում է Հիսուս Քրիստոսի և Երկնային Հոր երջանկության մեծ ծրագրում Նրա դերը։ (Դեյվիդ Ա. Բեդնար, «Թող այդ տունը կառուցվի իմ անվան համար», Լիահոնա, մայիս 2020, 86)

• Ըստ ձեզ, ի՞նչն է կարևոր այդ խոսքերում։

• Ըստ ձեզ, ինչո՞ւ է կարևոր իմանալ, որ տաճարն օգնում է մեզ ավելի լավ հասկանալ և ճանաչել Հիսուս Քրիստոսին:

Հնարավորության դեպքում ուսանողներին առաջարկեք փնտրել temple photos բաժինը temples.ChurchofJesusChrist.org կայքում և բացատրել, թե ինչու են որոշ նկարներ հիշեցնում իրենց Հիսուս Քրիստոսին: Կարող եք նաև քննարկել «Սրբություն Տիրոջը» և «Տիրոջ տունը» արտահայտությունների կարևորությունը, որոնք հանդիպում են յուրաքանչյուր տաճարում:

Հետևյալ անավարտ հուշումները նախատեսված են օգնելու ուսանողներին քննարկել, թե իրենք ինչպես կարող են տեսնել Փրկչին իրենց տաճարային փորձառության կենտրոնում: Ուսանողներին առաջարկեք միասին լրացնել այդ հուշումները փոքր խմբերով: Յուրաքանչյուր խումբ կարող է միասին լրացնել այդ հուշումները մեկ թղթի վրա:

Լրացնելով հետևյալ հուշումները, մտածեք, թե ինչով է տաճարը հիշեցնում ձեզ Հիսուս Քրիստոսի մասին:

1. Սպիտակ հագուստը, որը մենք կրում ենք տաճարում, հիշեցնում է մեզ Հիսուս Քրիստոսի մասին, քանի որ …

2. Այն, ինչ մենք տեսնում ենք տաճարում, հիշեցնում է մեզ Հիսուս Քրիստոսի մասին, քանի որ …

3. Այն, ինչ մենք անում ենք տաճարում, հիշեցնում է մեզ Հիսուս Քրիստոսի մասին, քանի որ …

4. Այն, թե ինչպես եմ պատրաստվում գնալ տաճար, հիշեցնում է ինձ Հիսուս Քրիստոսի մասին, քանի որ …

Երբ խմբերն ավարտվեն, առաջարկեք նրանց կիսվել իրենց գրածով դասարանի մեկ այլ խմբի հետ: Կիսվելով իրենց սովորածով, նրանք կարող են խորացնել իրենց հասկացողությունը և ամրացնել Փրկչի մասին իրենց վկայությունները:

Հիսուս Քրիստոսի հետ տաճարում լինելու ցանկությունը

Առաջարկեք ուսանողներին իրենց օրագրերում պատասխանել հետևյալ հարցերին: Հնարավորության դեպքում միացրեք մեղմ երաժշտություն, որը կարող է օգնել ուսանողներին մտածել տաճարի մասին: Երաժշտությունը կարող է օգնել հրավիրել Հոգուն՝ ավետարանն ուսումնասիրելիս: Կարող եք երաժշտություն միացնել տաճարի մասին օրհներգից: Կամ կարող եք ցուցադրել երիտասարդ կանանց երգչախմբի կատարմամբ «In That Holy Place» օրհներգի տեսագրությունը, որը հասանելի է ChurchofJesusChrist.org կայքում։

In That Holy Place

• Ի՞նչ բացահայտեցիք կամ զգացիք այսօր Փրկչի մասին՝ որպես մեր տաճարային երկրպագության կենտրոն:

• Ինչպե՞ս կարող է ձեր սովորածը կամ զգացածն ազդել այն բանի վրա, թե ինչպես եք դուք նախապատրաստվում և երկրպագում Տիրոջը Իր տանը:

Համոզվեք, որ ուսանողները բավարար ժամանակ են ունեցել պատասխանելու համար, նախքան պատրաստակամ ուսանողներին կառաջարկեք կիսվել իրենց մտքերով: Կարող եք նաև կիսվել, թե ինչպես եք Փրկիչին դարձնում ձեր տաճարային փորձառության կենտրոնը:

Լրացուցիչ նյութեր

Ինչո՞ւ է Տերը պատվիրել Իր Սրբերին տաճարներ կառուցել։

Մարգարե Ջոզեֆ Սմիթն (1805–44) ուսուցանել է.

Տերը պատվիրեց մեզ Կիրթլենդում կառուցել Աստծո տունը, … սա Տիրոջ խոսքն է մեզ, և մենք Տիրոջ օգնությամբ պետք է հնազանդվենք, քանի որ հնազանդության պայմանով Նա մեծ բաներ է խոստացել մեզ, այո, նույնիսկ այցելություն երկնքից՝ պատվելու մեզ Իր ներկայությամբ։ Մենք մեծ վախ ունենք Տիրոջ առաջ, որ չկորցնենք այդ մեծ պատիվը, որը մեր Տերը ցանկանում է շնորհել մեզ, մենք խոնարհություն և մեծ հավատք ենք փնտրում, որպեսզի չամաչենք Նրա ներկայությունից: (Եկեղեցու Նախագահների Ուսմունքները. Ջոզեֆ Սմիթ [2007], 415)

Նախագահ Ռասսել Մ. Նելսոնը բացատրել է․

Պատասխանն է՝ Հիսուս Քրիստոս

Հիսուս Քրիստոսն է պատճառը, որ մենք տաճարներ ենք կառուցում։ Յուրաքանչյուր տաճար Նրա սուրբ տունն է։ Ուխտեր կապելը և տաճարում հիմնական արարողությունները ստանալը, ինչպես նաև այնտեղ Նրան ավելի մոտենալու ձգտումը կօրհնի ձեր կյանքն այնպես, ինչպես չի կարող դա անել ոչ մի այլ տեսակի երկրպագություն։ Այդ իսկ պատճառով մեր ուժերի սահմաններում մենք անում ենք ամեն ինչ, որպեսզի տաճարի օրհնություններն ավելի հասանելի դարձնենք մեր անդամներին ամբողջ աշխարհում։ (Ռասսել Մ. Նելսոն, «Պատասխանն է՝ Հիսուս Քրիստոս», Լիահոնա, մայիս 2023, 127–28)

Ինչպե՞ս կարող է տաճարն օգնել մեզ գալ Հիսուս Քրիստոսի մոտ:

Յոթանասունի նախագահությունից երեց Դեյվիդ Ի․ Սորենսենը (1933–2014) բացատրել է.

Տաճարները մեզ համար մեծ արժեք ունեն, քանի որ դրանք օգնում են մեզ արտահայտել մեր հիմնական աստվածաբանությունը՝ Քրիստոսի մոտ գալը:

Տաճարները դա անում են առնվազն երկու եղանակով։ Առաջինը՝ նրանք խորհրդանշական և բառացիորեն հիշեցնում և ուսուցանում են մեզ Քրիստոսի և Նրա Հոր մասին: … Այսօրվա մեր տաճարային երկրպագությունը ներառում է բազմաթիվ խորհրդանշական հիշեցումներ Քրիստոսի մասին՝ սկսած դրսում տեղադրված սրաձողերից, որոնք ուղղում են մեր միտքը դեպի երկինք, մինչև այն սպիտակ հագուստը, որը մենք կրում ենք տաճարի ներսում: …

Բացի իրենց ֆիզիկական ներկայությունից և արտաքին խորհրդանշականությունից՝ տաճարները կարող են ոգեշնչել մեզ գալ Քրիստոսի մոտ երկրորդ եղանակով՝ այն արարողությունների միջոցով, որոնք մենք կատարում ենք տաճարներում: Բոլոր տաճարային արարողությունները կենտրոնացած են Հիսուս Քրիստոսի և Նրա աստվածային առաքելության շուրջը, և դրանք կատարվում են Մելքիսեդեկյան քահանայության իշխանության կողմից: (Դեյվիդ Ի. Սորենսեն, «Small Temples—Large Blessings», Լիահոնա, նոյ. 1998, 64–65)

Ինչպե՞ս կարող եմ կենտրոնանալ Փրկչի վրա տաճար հաճախելիս:

Տասներկու Առաքյալների Քվորումից երեց Ռիչարդ Գ. Սքոթը (1928–2015) կիսվել է.

Մասնակցելով տաճարային արարողություններին, մտածեք Հիսուս Քրիստոսի հետ ձեր հարաբերությունների մասին և մեր Երկնային Հոր հետ Նրա հարաբերությունների մասին։ Այդ հասարակ գործողությունն ավելի մեծ հասկացողություն կպարգևի տաճարային արարողությունների գերագույն էության մասին։ (Ռիչարդ Գ. Սքոթ, «Temple Worship: The Source of Strength and Power in Times of Need», Լիահոնա, մայիս 2009, 43)

Օժանդակ ուսումնական վարժություններ

Փրկիչը կարող է հայտնվել մեզ տաճարի օրհնությունների միջոցով

Վարդապետություն և Ուխտեր 109.5 հատվածում Փրկիչն ուսուցանել է, որ Նա կարող է հայտնվել տաճարում գտնվող Իր ժողովրդին: Որպեսզի օգնեք ուսանողներին տեսնել, թե տաճարային օրհնություններն ինչպես կարող են վկայել Փրկչի՝ իրենց հայտնվելու մասին, կարող եք կատարել հետևյալ վարժությունը.

Ուսանողներին առաջարկեք կազմել օրհնությունների ցանկ, որոնք կարող են ստանալ տաճար հաճախելիս: Դա անելու համար ուսանողները կարող են իրենց ցանկը կազմելիս դիտել «The Promised Blessings of Temple and Family History Work 2» (4:04) տեսանյութը։

The Promised Blessings of Temple and Family History Work 2

Իրենց գրած որոշ օրհնություններից մի քանիսի կողքին ուսանողները կարող են գրել, թե այդ օրհնությունն ինչո՞ւ կարող է համարվել վկայություն առ այն, որ Փրկիչը հայտնվել է իրենց:

Փրկչի խաղաղությունը տաճարում

Եղանակներից մեկը, որով Փրկիչը կարող է հայտնվել մեզ տաճարում, խաղաղությունն է, որը Նա տալիս է մեզ: Որպեսզի օգնեք ուսանողներին տեսնել, թե երիտասարդ տղամարդն ինչպես է օրհնվել Փրկչի խաղաղությամբ, կարդացեք հետևյալ խոսքերը, ապա դիտեք «Տաճարային օրհնություններ» տեսանյութը 4:14-9:02։

Տաճար այցելելով մենք հայտնվում ենք հոգևոր մթնոլորտում, զգում ենք խաղաղություն, որը վեր է բոլոր այլ զգացողություններից, որ կարող է զգալ մարդկային սիրտը: Մենք պետք է գիտակցենք Փրկչի խոսքերի իրական իմաստը, երբ Նա ասաց. «Խաղաղություն եմ թողնում ձեզ, իմ խաղաղությունն եմ տալիս ձեզ. … Ձեր սիրտը թող չխռովվի ու չվախենա» [Հովհաննես 14.27]։ (Թոմաս Ս. Մոնսոն, «Տաճարային օրհնությունները», Լիահոնա, մայիս 2015, 91–92)

Տաճարի օրհնությունները

Ավելի մոտեցեք Քրիստոսին

Որպեսզի օգնեք ուսանողներին տեսնել, թե տաճարն ինչպես կարող է օգնել իրենց մոտենալ Հիսուս Քրիստոսին, առաջարկեք նրանց այցելել «Draw Nearer to Christ» էջը temples.ChurchofJesusChrist.org կայքում։ Ուսանողները կարող են կարդալ հատվածներ հոդվածից՝ փնտրելով, թե տաճարն ինչպես է կենտրոնացած Փրկչի վրա: Խրախուսեք ուսանողներին կարդալ «Միջնորդ Աստծո և մարդկանց միջև» բաժնի վերջին պարբերությունը՝ իմանալու համար, թե ինչպես է Երկնային Հայրը կենտրոնացնում մեր ուշադրությունը տաճարում գտնվող Փրկչի վրա:

Տեսանյութերի տարբերակներ

Որպեսզի օգնեք ուսանողներին Հիսուս Քրիստոսին տաճարում երկրպագելու ավելի մեծ ցանկություն զգալ, ցուցադրեք հետևյալ տեսանյութերից մեկը.

Տեսանյութում մարդիկ կիսվում են, թե հին և ժամանակակից տաճարներն ինչպես են օգնում մեզ կապ հաստատել երկնքի հետ:

Temples Through Time

Երեց Գերիթ Վ. Գոնգն առաջարկում է չափահաս երիտասարդներին կիսվել, թե տաճարում ծառայելն ինչպես է օգնել իրենց ավելի մոտենալ Փրկչին: Օգնեք ուսանողներին իմանալ, որ իրենք կունենան դրա հնարավորությունն օժտումները ստանալուց հետո:

Working in the Temple Brings Me Closer to the Savior

Վաշինգտոնի տաճարի վերանվիրագործման ժամանակ նախագահ Ռասսել Մ. Նելսոնը բացատրել է, թե ինչու է տաճարը հանդիսանում Հիսուս Քրիստոսի խորհրդանիշ:

«A Symbol of Jesus Christ»