Դաս 207. Տաճարային նախապատրաստություն

Ընտանեկան պատմության աշխատանք և տաճարային ծառայություն

Մենք կարող ենք արարողություններ կատարել մեր մահացած նախնիների համար՝ Տիրոջ տանը

Երկնային Հոր ողորմած ծրագրում նրանք, ովքեր մահանում են՝ չստանալով Հիսուս Քրիստոսի ավետարանի փրկող արարողությունները, չեն կորչում հավիտյան: Մենք կարող ենք առաջարկել մեր մահացած նախնիներին անհրաժեշտ օգնությունը՝ կատարելով ընտանեկան պատմության աշխատանքը և տաճարային ծառայությունը: Այս դասը կօգնի ուսանողներին տեղեկություններ գտնել իրենց մահացած նախնիների անունների մասին և նախապատրաստվել՝ նրանց համար կատարելու արարողություններ Տիրոջ տաճարներում:

Հնարավոր ուսումնական վարժություններ

Ընտանեկան պատմության աշխատանքի և տաճարային ծառայության օրհնությունները

Օգնեք ուսանողներին խորհել ընտանեկան պատմության և տաճարային աշխատանքի միջոցով տրվող օրհնությունների մասին: Եթե ​​ուսանողներն անձնական փորձառություններ են ունեցել, կարող եք առաջարկել նրանց կիսվել այն օրհնություններով, որոնց ականատեսն են եղել իրենք:

Անհրաժեշտության դեպքում կարող եք նաև կիսվել «Improve Your Temple Experience; Change Your Life» (3:21) տեսանյութը 1:42-3:21, որը հասանելի է ChurchofJesusChrist.org կայքում։

Improve Your Temple Experience; Change Your Life

Մեկ այլ տարբերակ է՝ կիսվել հետևյալ վկայությամբ։

Ֆրանսիայում բնակվող 17-ամյա Պիեր-Ալբանը կիսվել է տաճար այցելելու իր փորձառության մասին հետևյալ վկայությամբ.

Առաջին անգամ Բեռնի տաճար, Շվեյցարիա, գնացի ընտանիքիս և ընկերներիս հետ: Այդ փորձառությունն ինձ մեծ ուրախություն բերեց։ Մենք բոլորս զգացինք Հոգին: Ես գիտեի, որ այն, ինչ անում եմ, լավ է, և որ Աստված հպարտանում է մեր աշխատանքով: Ես գիտեմ, որ տաճարը մեզ շատ օրհնություններ է բերում: Երբ մենք ժամանակ ենք գտնում՝ տաճարային աշխատանք կատարելու մեր մահացած նախնիների համար, Երկնային Հայրը օրհնում է մեզ: Նա երջանիկ կլինի նրանով, ինչ մենք արել ենք Իր զավակների համար Իր տանը: (Պիեր-Ալբան Կ․, Երիտասարդներին զորացնելու համար, ապրիլ 2022, առջևի շապիկի ներսի կողմը)

• Ի՞նչ օրհնություններ գիտեք, որոնք գալիս են ընտանեկան պատմության աշխատանքի և տաճարային ծառայության միջոցով:

• Ինչպե՞ս կարող եք օգնել այն մարդուն, որը ցանկանում է մասնակցել տաճարային և ընտանեկան պատմության աշխատանքին, սակայն չգիտի, թե ինչպես պետք է սկսի:

Արարողություններ կատարեք մահացած նախնիների համար

Եկեղեցու պատմությունից կարող եք կիսվել այն մարդկանց փորձառություններով, որոնք իմացել են մահացածների մկրտության մասին, երբ այն առաջին անգամ ուսուցանվել է այս տնտեսությունում: Ուսանողներին առաջարկեք կարդալ Սրբեր, հ․ 1, Ճշմարտության դրոշը գրքի հետևյալ հատվածը և քննարկել իրենց սավորածն իրենց զուգընկերոջ հետ:

Սրբերը հավաքվեցին Նավուում 1840 թվականի հոկտեմբերի գերագույն համաժողովին: Ջոզեֆը նրանց ավելի շատ ուսուցանում էր մահացածների մկրտության մասին՝ բացատրելով, որ մահացածների հոգիները սպասում են, որ իրենց ապրող ազգականներն իրենց փոխարեն ստանան փրկող արարողությունը:

Համաժողովի նիստերի միջև ընկած ժամանակահատվածում Սրբերը շտապում էին դեպի Միսիսիպի գետը, որտեղ մի քանի երեց կանգնած էին մինչև գոտկատեղը ջրի մեջ և առաջարկում էին Սրբերին մկրտվել իրենց մահացած տատերի ու պապերի, հայրերի, մայրերի, քույրերի, եղբայրների և երեխաների համար: Կարճ ժամանակ անց Հայրումը մկրտվեց իր եղբոր՝ Էլվինի համար:

Գետում գտնվող երեցներին նայելիս Վայլեթ Քիմբալը ցանկացավ մկրտվել իր մոր համար, որը մահացել էր ավելի քան մեկ տասնամյակ առաջ: Նա ցանկացավ, որ Հեբերը վերադառնար Անգլիայից՝ կատարելու արարողությունը, բայց քանի որ Ջոզեֆը հորդորել էր Սրբերին փրկագնել մահացածներին որքան հնարավոր է շուտ, նա որոշեց անմիջապես մկրտվել իր մոր համար:

Էմմա Սմիթը նույնպես մտածում էր իր ընտանիքի մասին: Նրա հայրը՝ Իսահակ Հեյլին, մահացել էր 1839 թվականի հունվարին: …

… Էմման սիրում էր իր հորը և մկրտվեց գետում նրա համար: Էմմայի հայրը չէր ընդունել վերականգնված ավետարանն այս կյանքում, սակայն Էմման հույս ուներ, որ միշտ այդպես չի լինի: (Սրբեր, 1․423–24)

• Ի՞նչն էր ձեզ համար կարևոր այդ փորձառություններից:

Բացի նշված այլ բաներից, կարող եք նշել, որ այդ մկրտությունները կատարվել են Միսիսիպի գետում, այլ ոչ թե տաճարում: Այդ ժամանակ Նավուում տաճար կամ մկրտության համար ավազան չկար: Ուսանողները կարող են նաև նշել, որ Էմմա Սմիթը մկրտվեց իր հոր համար: Կարող եք բացատրել, որ ավելի ուշ Տերը հայտնեց կանանց կողմից կանանց համար արարողություններ կատարելու օրինակը, իսկ տղամարդկանց կողմից՝ տղամարդկանց համար (տես Սրբեր, 1․578–79)։

Կարդացեք Վարդապետություն և Ուխտեր 124.29–36 հատվածները՝ փնտրելով, թե Տերը ինչ հայտնեց Ջոզեֆ Սմիթին այն մկրտությունների մասին, որոնք կատարում էին Նավուի Սրբերը մահացածների համար:

• Ի՞նչ հայտնեց Տերը Ջոզեֆին։

• Այդ հատվածներն ի՞նչ կարող են ուսուցանել մեզ Նրա մասին:

  Ուսանողները հավանաբար կնշեն Տիրոջ մասին մի քանի ճշմարտություն, որոնք ընդգծում են այն կարևորությունը, որը Նա տալիս է Իր տաճարներին: Ճշմարտություններից մեկն այն է, որ Տերը ընդունում է արարողությունները, որոնք մենք կատարում ենք մեր մահացած նախնիների համար Իր սուրբ տաճարներում։

  Ուսանողները կարող են նաև նշել ճշմարտություններ Տիրոջ բնավորության մասին: Նրանք կարող են նշել, որ Հիսուս Քրիստոսը համբերատար է և արդար, քանի որ Նա խոստացավ Սրբերին «բավարար ժամանակ» տրամադրել (հատվածներ 31, 33)՝ տաճարը կառուցելու համար։ Թեև այս դասի մնացած մասը կենտրոնացած է տաճարներում արարողություններ կատարելու վրա՝ մասնավորապես մեր մահացած նախնիների համար, ուսանողները ցանկության դեպքում կարող են ազատ տրամադրել իրենց ժամանակը՝ քննարկելու Հիսուս Քրիստոսի հատկանիշները:

• Ի՞նչ կարող ենք սովորել Տիրոջ կողմից օգտագործվող «ձեր մահացածների մկրտություններ» բառերից (տես Վարդապետություն և Ուխտեր 124.32–33, 127․5)։

Տասներկու Առաքյալների Քվորումից Երեց Քվենթին Լ Քուքը մեր մահացած նախնիների մասին ասել է հետևյալը.

Տերն իր տված նախնական հայտնության մեջ նշել է «ձեր մահացածների մկրտություն» արտահայտությունը [Վարդապետություն և Ուխտեր 127․5, շեշտադրումն ավելացված է]: Մեր վարդապետական պարտականությունը մեր անձնական մահացած նախնիների հանդեպ է: Պատճառն այն է, որ երկնքի սելեստիալ կազմակերպությունն ընտանիքակենտրոն է: (Քվենթին Լ․ Քուք, «Roots and Branches», Լիահոնա, մայիս 2014, 45)

• Ձեր մահացած նախնիների մասին իմանալն ինչպե՞ս է ազդել ձեզ վրա: Ինչպե՞ս դա կարող է ազդել ձեզ վրա:

• Ըստ ձեզ, ձեր մահացած նախնիների համար տաճարային արարողություններ կատարելն ինչպե՞ս կարող է ազդել Երկնային Հոր հետ ձեր հարաբերությունների վրա:

Դերը, որը դուք կարող եք խաղալ Տիրոջ փրկության աշխատանքում

Ուսանողներին առաջարկեք մտածել ընտանեկան պատմության և տաճարային աշխատանքի հետ կապված իրենց փորձառությունների մասին՝ խորհելով, թե որքանով են իրենց վերաբերում հետևյալ պնդումները:

1-ից 5-ը սանդղակով (1=ճիշտ չէ, 5=շատ ճիշտ է) գնահատեք, թե որքանով են այդ պնդումները բնութագրում ձեզ:

Ես գիտեմ, թե ինչպես գտնել իմ մահացած նախնիների անունները:

Ես գիտեմ, թե ինչպես ներկայացնել իմ մահացած նախնիների անունները տաճարում:

Ես ցանկանում եմ գտնել իմ մահացած նախնիների անունները և նրանց համար արարողություններ կատարել տաճարում:

Ես զգում եմ իմ մահացած հարազատների համար աշխատանք կատարելու կարևորությունը։

Խրախուսեք ուսանողներին կիսվել տաճարային և ընտանեկան պատմության աշխատանքի վերաբերյալ իրենց հասկացողություններով և փորձառություններով: Հարցրեք նրանց, թե ինչ են ցանկանում սովորել և ինչպիսի օգնության կարիք իրենք ունեն: Առաջարկեք նրանց սովորել միմյանցից և Սուրբ Հոգուց՝ քննարկելով այն օրհնությունները, որոնք կարող է բերել տաճարային և ընտանեկան պատմության աշխատանքը:

Անհրաժեշտության դեպքում դիտեք հետևյալ տեսանյութերից մեկը։

«Focus on the Temple» (7:18, դիտել 3:50-ից 4:36-ը)

Կենտրոնացեք տաճարի վրա

«Spiritual Dynamite» (2:40)

Spiritual Dynamite

«Աստծո ընտանիքի հավաքումը» (4:18)

Gathering the Family of God

Քայլեր, որոնք կարող եք կատարել

Ցուցադրեք հետևյալ քայլերը, որոնք կարող են օգնել ուսանողներին ներգրավվել ընտանեկան պատմության և տաճարային աշխատանքի մեջ: Այն ուսանողներին, որոնք նախկինում կատարել են այդ քայլերը, խրախուսեք հնարավորինս օգնել մյուս ուսանողներին:

• Քայլ 1․ Ստեղծեք Եկեղեցու պատմություն

• Քայլ 2․ Ուսումնասիրեք Իմ ընտանիքը. պատմություններ, որոնք մեզ միավորում են գրքույկը, FamilySearch կամ the Family Tree հավելվածներում։

• Քայլ 3․ Օգտագործեք Արարողությունների նախապատրաստում գործառույթը:

• Քայլ 4․ Գրանցվեք հանդիպման համար և այցելեք տաճար:

Ուսանողներից մեկին առաջարկեք ցույց տալ, թե ինչպես պետք է օգտագործել Արարողությունների նախապատրաստում գործառույթը: Խրախուսեք ուսանողներին ներբեռնել և սովորել օգտվել Family Tree հավելվածից: Հավելվածում նրանք կարող են սեղմել տաճարի պատկերակի և Արարողությունների նախապատրաստում գործառույթի վրա՝ գտնելու ընտանիքի անդամների անունները, որոնց համար իրենք կարող են արարողություններ կատարել: Օգնեք ուսանողներին սովորել, թե ինչպես գտնել և տպել անվանական քարտերը՝ տաճար տանելու համար: Երբ ուսանողները գտնեն իրենց մահացած նախնիներից մի քանիսի անունները, խրախուսեք նրանց իմանալ, թե ինչ առընչություն ունեն իրենք այդ նախնիների հետ, ինչպես նաև մահացած նախնիների մասին հասանելի ցանկացած անձնական տեղեկություն: Այն ուսանողներին, որոնք ունեն տաճարային երաշխավորագիր, առաջարկեք գրանցվել՝ տաճար այցելելու համար:

Անհրաժեշտության դեպքում, հետևյալ տեղեկությունները կարող են տրամադրել լրացուցիչ ուղղորդում:

• «How do I create a Church account using ChurchofJesusChrist.org?»

• «How do you want to get started?»

• «How to Start a Family Tree on FamilySearch: Adding the First Four Generations»

• My Family: Stories That Bring Us Together

• «Ordinances Ready»

Երբ ուսանողներն օգնեն միմյանց գտնել այն անունները, որոնք պետք է իրենց հետ տանեն տաճար, կարող եք առաջարկել նրանց կիսվել իրենց մտքերով և սովորածով: Խրախուսեք նրանց մտածել Փրկչի և Նրա ցանկության մասին՝ օգնելու մեր մահացած նախնիներին: Կարող եք հարցնել․

• Ըստ ձեզ, հիմա տաճարային և ընտանեկան պատմության աշխատանքին մասնակցելն ինչպե՞ս կարող է օգնել ձեզ նախապատրաստվել Աստծո հետ Իր տաճարում ուխտեր կապելուն և պահելուն:

• Ընտանեկան պատմության աշխատանքը և տաճարային ծառայությունն ինչպե՞ս կարող են խորացնել ձեր սերը Փրկչի հանդեպ:

Լրացուցիչ նյութեր

Իմ մահացած նախնիներն ինչու՞ ունեն իմ կարիքը:

Տասներկու Առաքյալների Քվորումից երեց Ջերիթ Վ. Գոնգն ուսուցանել է.

Մենք պատվում ենք մեր նախնիներին՝ բացելով երկինքը տաճարային և ընտանեկան պատմության աշխատանքի միջոցով՝ դառնալով կապող օղակ սերունդների շղթայում։ …

… Տաճարային անձնուրաց ծառայությունը մեր հարազատ մարդկանց համար իրական է դարձնում մեր Փրկչի Քավությունը նրանց և մեզ համար։ Սրբագործված՝ մենք կարող ենք վերադառնալ Աստծո ներկայությունը՝ հավերժ միավորված ընտանիքներով: … (Ջերիթ Վ. Գոնգ, «Յուրաքանչյուրս պատմություն ունի», Լիահոնա, մայիս 2022, 44–45)

Ի՞նչ օրհնություններ ենք ստանում տաճարային և ընտանեկան պատմության աշխատանքից:

Տասներկու Առաքյալների Քվորումից երեց Քվենթին Լ Քուքն խոստացել է.

Ես խոստանում եմ, որ մահացած նախնիների համար սիրով արարողություններ կատարելը կզորացնի և կպաշտպանի մեր երիտասարդներին և ընտանիքներին մի աշխարհում, որը գնալով դառնում է ավելի չար: (Քվենթին Լ․ Քուք․ «Great Love for Our Father’s Children», Լիահոնա, մայիս 2019, 79)

Տասներկու Առաքյալների Քվորումից երեց Դեյլ Գ. Ռենլանդն ուսուցանել է.

Ուղղակի ապշեցուցիչ է, որ ընտանեկան պատմության և տաճարային աշխատանքի միջոցով մենք կարող ենք օգնել փրկագնել մահացածներին:

Բայց, երբ մասնակացում ենք ընտանեկան պատմության և տաճարային աշխատանքին այսօր, մենք նաև հայց ենք ներկայացնում «բժշկության» օրհնություններին, որոնք խոստացվել են մարգարեներին և առաքյալներին: Այս երկար ցանկն ընդգրկում է հետևյալ օրհնությունները.

• Փրկիչի և Նրա քավիչ զոհաբերության վերաբերյալ մեծացող ըմբռնում,

• Սուրբ Հոգու ազդեցության մեծացում, որ զորություն և ուղղություն կտա մեր անձնական կյանքին,

• Հավատքի մեծացում, որպեսզի դարձը դեպի Փրկիչը դառնա խորն ու մնայուն,

• Սովորելու և ապաշխարելու մեծացող ունակություն և մոտիվացիա այն հասկացողության շնորհիվ, թե ով ենք մենք, որտեղից ենք գալիս և ավելի հստակ հեռանկար, թե ուր ենք գնում,

• Մեր սրտերում մաքրագործման, սրբագործման և ազդեցությունների չափավորման մեծացում,

• Տիրոջ սերը զգալու ունակության մեծացում՝ մեծացող ուրախության միջոցով,

• Մեծացող ընտանեկան օրհնություններ, անկախ մեր ներկա, անցյալ կամ ապագա ընտանեկան իրավիճակից կամ անկախ նրանից, թե որքան մեր տոհմածառը կարող է անկատար լինել,

• Մեծացող սեր և գնահատանք մահացած նախնիների և ապրող ազգականների հանդեպ, այսպիսով՝ մենք այլևս մեզ մենակ չենք զգում,

• Մեծացող զորություն զանազանելու այն, ինչը կարիք ունի բժշկության, և այդպիսով՝ Տիրոջ օգնությամբ ծառայել ուրիշներին,

• Մեծացող պաշտպանություն գայթակղություններից և հակառակորդի ուժգնացող ազդեցությունից, և

• Մեծացող օգնություն նորոգել վշտացած, կոտրված կամ մտահոգ սրտերը և առողջացնել վիրավորվածներին:

Եթե դուք աղոթել եք այս օրհնություններից որևէ մեկի համար, մասնակցեք ընտանեկան պատմության և տաճարային աշխատանքին: Երբ դա անեք, ձեր աղոթքները պատասխան կստանան: (Դեյլ Գ. Ռենլանդ, «Ընտանեկան պատմություն և տաճարային աշխատանք. Կնքում և բժշկում», Լիահոնա, մայիս 2018, 47)

Ի՞նչ կարող եմ անել, եթե ապրում եմ տաճարից հեռու:

Տասներկու Առաքյալների Քվորումից երեց Գարի Ի. Սթիվենսոնն ասել է.

Տաճարներն ավելի ու ավելի են մոտենում ձեզ։ Սակայն, բոլոր նրանք, ովքեր հեռավորության և հանգամանքների բերումով հաճախակի չեն հաճախում տաճար, մշտապես պետք է արժանի պահեն իրենց՝ այնտեղ հաճախելու համար։ Տաճարներից դուրս դուք կարող եք կարևոր աշխատանք կատարել՝ փնտրելով և ներկայացնելով ձեր ընտանիքի անդամների անունները։ (Գարի Ի. Սթիվենսոն, «Որտե՞ղ են քահանայության բանալիները և իշխանությունը», Լիահոնա, մայիս 2016, 31)

Ի՞նչ անել, եթե ես չգիտեմ, թե ինչպես գտնել իմ մահացած նախնիներին:

Յոթանասունից երեց Բենջամին Դե Հոյոսն ասել է․

Այն մարդկանց, որոնք համարում են, որ իրենք ունակ չեն այդ գործն անելու, ցանկանում եմ ասել, որ դուք միայնակ չեք: Մենք բոլորս կարող ենք օգտվել Եկեղեցու տրամադրած գործիքներից, որոնք գտնվում են FamilySearch կենտրոններում: Նախկինում դրանք կոչվում էին ընտանեկան պատմության կենտրոններ: FamilySearch-ի այս կենտրոնները նախագծվել են այնպես, որ գրեթե յուրաքանչյուր մարդ, փոքր իսկ օգնության դեպքում, կարողանա գտնել տեղեկություններ իր մահացած նախնիների մասին և ճիշտ կազմակերպել դրանք՝ Տիրոջ տուն տանելու համար: Խնդրում ենք կապվել ձեր ծխի կամ ճյուղի ընտանեկան պատմության խորհրդատուների հետ, որոնք կառաջնորդեն ձեզ այդ ճանապարհի ամեն քայլափոխին: (Բենջամին դե Հոյոս, «Տաճարային և ընտանեկան պատմության աշխատանքը. նույն աշխատանքի երկու կողմերը», Լիահոնա, մայիս 2023, 53–54)

Օժանդակ ուսումնական վարժություններ

Կապ հաստատենք մեր մահացած նախնիների հետ

Մի քանի ուսանողի առաջարկեք կիսվել, թե ինչ գիտեն իրենց մահացած նախնիների մասին: Խրախուսեք ուսանողներին կիսվել մանրամասներով, որոնք օգնում են իրենց կապ հաստատել ընտանիքի այդ անդամների հետ: Կարող եք ցուցադրել արարողությունների քարտը և խնդրել ուսանողներին կիսվել, թե ինչպես են այդ քարտերն օգնում մեզ տաճարներում կատարել արարողություններ մեր մահացած նախնիների համար: Անհրաժեշտության դեպքում բացատրեք, որ տաճարային արարողությունների քարտերն օգնում են հետևել տաճարային աշխատանքին, երբ արարողությունները կատարվում են մեր մահացած նախնիների համար:

«Preparing Your Child for Temple Baptisms and Confirmations» հոդվածը կարող է օգնել ձեր ուսանողներին նախապատրաստվել տաճարին՝ գտնելով իրենց մահացած նախնիների անունները:

«Glad Tidings: The History of Baptisms for the Dead»

Ուսանողների համար օգտակար կլինի իմանալ այս տնտեսությունում մահացածների մկրտությունների պատմության մասին: Կարող եք օգտագործել հետևյալ տեսանյութը՝ դադար տալով տարբեր պահերի, որպեսզի հնարավորություն տաք ուսանողներին հարցեր տալ կամ կիսվել մտքերով:

«Glad Tidings: The History of Baptisms for the Dead» (6:55)

Glad Tidings: The History of Baptisms for the Dead

Խոստացված օրհնություններ՝ մեր ընտանիքները հավաքելու համար

Եթե ​​ուսանողները ցանկանան կենտրոնանալ մահացած նախնիների համար տաճարում արարողություններ կատարելու օրհնությունների վրա, կարող եք ցուցադրել հետևյալ տեսանյութերից մեկը: Խրախուսեք ուսանողներին գրել այն օրհնությունները, որոնք Տերը խոստացել է, կամ ընտրել մեկը կամ երկուսը, որոնց իրենք կարող են ձգտել:

• «Աստծո ընտանիքի հավաքումը» (2:10)

  Gathering the Family of God

• «The Promised Blessings of Temple and Family History Work» (3:26)

  Տաճարային և ընտանեկան պատմության աշխատանքի խոստացված օրհնությունները

• «The Promised Blessings of Temple and Family History Work 2» (4:04)

  The Promised Blessings of Temple and Family History Work 2

Մահացածներից շատերը ցանկանում են կնքվել իրենց ընտանիքների հետ

Օգնեք ուսանողներին հասկանալ, որ իրենց մահացած նախնիներից շատերը ցանկանում են, որ իրենց համար կատարվեն տաճարային արարողություններ: Կարող եք կիսվել պատմություններով, որոնք Եկեղեցու ղեկավարները պատմել են գերագույն համաժողովում:

Նախագահ Ռասսել Մ. Նելսոնը 2016 թվականի ապրիլին կիսվել է հետևյալով․

Վերջին գերագույն համաժողովի իմ ելույթի ժամանակ ես պատմեցի տարիներ առաջ իմ ունեցած տխուր փորձառության մասին, երբ ես՝ որպես սրտի վիրաբույժ, չկարողացա փրկել երկու փոքրիկ քույրերի կյանքը։ …

Ռութ և Ջիմի Հեթֆիլդների երեք երեխաները ծնվեցին սրտի բնածին արատով։ Նրանց առաջին որդին՝ Ջիմի Կրտսերը, մահացավ առանց վերջնական ախտորոշման։ Ես տեղեկացա նրանց իրավիճակի մասին, երբ ծնողներն օգնություն էին փնտրում իրենց երկու աղջիկների՝ Լաուրել Անի և նրա կրտսեր քրոջ՝ Գայ Լինի համար։ Ես մեծապես տխրեցի, երբ վիրահատությունից հետո այդ երկու աղջիկներն էլ մահացան։ Հասկանալի պատճառներով Ռութը և Ջիմին հոգեպես ընկճվել էին։ …

Ապա, անցյալ տարվա մայիսին, մի գիշեր ինձ արթնացրին վարագույրի մյուս կողմում գտնվող այդ երկու փոքրիկ աղջիկները։ Չնայած նրան, որ ֆիզիկապես չէի տեսնում կամ լսում նրանց, ես զգում էի նրանց ներկայությունը։ Հոգևոր ականջներով ես լսեցի նրանց աղաչանքները։ Նրանց ուղերձը կարճ էր ու պարզ. «Եղբայր Նելսոն, մենք ոչ մեկի հետ կնքված չենք։ Կարո՞ղ եք օգնել մեզ»։ …

Հունիսին ես բառացիորեն ծնկի իջա Ջիմի առջև, ով այժմ 88 տարեկան է, և մտերմիկ զրույց ունեցա նրա հետ։ Ես պատմեցի նրա աղջիկների աղերսանքների մասին և ասացի, որ պատիվ կհամարեմ կատարելու կնքման արարողությունները նրա ընտանիքի համար։ …

… Ապա, վերջերս Պեյսոնի (Յուտա) տաճարում ես մեծ արտոնություն ունեցա կնքելու Ռութին, Ջիմիին և նրանց չորս երեխաներին իրար հետ։ Վենդին և ես արտասվեցինք, երբ մասնակցեցինք նրանց այդ նվիրական փորձառությանը։ Այդ օրը շատերի սրտերը բուժվեցին։ (Ռասսել Մ․ Նելսոն, «Քահանայության զորություն ունենալու գինը», Լիահոնա, մայիս 2016, 66–67)։

Երեց Գարի Ի. Սթիվենսոնը կիսվել է այս փորձառությամբ 2016 թվականի ապրիլին.

Որտե՞ղ են քահանայության բանալիները և իշխանությունը։

Վերջերս ես իմացա մի կնոջ մասին, որը հաճախակի ուղեկցում էր իր երեխաներին տաճար, որպեսզի նրանք կատարեն փոխարինող մկրտություններ։ Մի օր, երբ այդ ընտանիքն ավարտել էր իր մկրտությունները և պատրաստվում էր հեռանալ տաճարից, մի մարդ ներս մտավ մկրտարան՝ իր հետ ունենալով իր ընտանիքի անդամների մի մեծ ցուցակ։ Հասկանալով, որ մկրտարանում ոչ մեկը չէր մնացել այդ անունները մկրտելու համար, տաճարի աշխատակիցը կանգնեցրեց հեռացող ընտանիքին և հարցրեց, թե արդյոք նրանք հետ չէին վերադառնա, փոխեին հագուստները և օգնեին այդ մկրտությունների հարցում։ Նրանք պատրաստակամորեն համաձայնեցին ու վերադարձան։ Երբ երեխաները մկրտվում էին, նրանց մայրը լսելով այդ անունները, սկսեց ճանաչել դրանք և ի զարմանս բոլորի, հասկացավ, որ այդ մարդու անունների ցուցակը նաև իր ընտանիքի մահացած նախնիների ցուցակն էր։ Նրանց համար դա մի հաճելի և ողորմած օրհնություն էր Տիրոջ կողմից։ (Գարի Ի. Սթիվենսոն, «Որտե՞ղ են քահանայության բանալիները և իշխանությունը», Լիահոնա մայիս 2016, 31)