Apendiks

Mga Leksiyon sa Pagsukod sa Imong Nakat-onan alang sa Makeup nga Buluhaton

Aron makadawat sa kredito sa kurso, ang mga estudyante kinahanglang moapil gayod sa labing menos usa ka leksiyon sa Pagsukod sa Imong Nakat-onan sa kada tunga sa kurso. Kon wala mahimo sa mga estudyante ang tanang leksiyon sa Pagsukod sa Imong Nakat-onan sa katunga sa kurso, makadawat gihapon sila og kredito sa kurso pinaagi sa pagkompleto sa mosunod nga mga handout sa Pagsukod sa Imong Nakat-onan. (Kompletohon tingali nila ang duha kon gikinahanglan.) Ang mga estudyante nga miapil sa labing menos usa ka leksiyon sa Pagsukod sa Imong Nakat-onan sa kada katunga sa kurso wala magkinahanglan nga kini kompletohon.

Kon kinahanglan kompletohon sa mga estudyante ang usa ka pagsukod para sa unang katunga sa kurso, hatagi sila sa handout nga giulohan og “Pagsukod sa Imong Nakat-onan, Bahin 1.” Kon kinahanglan kompletohon sa mga estudyante ang usa ka pagsukod para sa ikaduhang katunga sa kurso, hatagi sila sa handout nga giulohan og “Pagsukod sa Imong Nakat-onan, Bahin 2.” Dasiga ang mga estudyante nga kompletohon ang gikinahanglang pagbasa sa dili pa kompletohon ang pagsukod. Kinahanglan silang moreport og balik nimo kon makompleto na nila kini nga pagsukod. Dihang moreport na sila, hangyoa sila sa pagpakigbahin sa ilang nakat-onan.