ໂຈເຊັບ ແລະ ເອມມາ

ເຮັດວຽກນຳກັນເພື່ອນຳເອົາພຣະຄຳພີມໍມອນມາສູ່ໂລກນີ້.

ເອມມາ ເຮວ ກຳລັງນັ່ງຢູ່ຄີມນ້ຳໃກ້ບ້ານຂອງເພິ່ນ.

ເອມມາ ເຮວ ເຕີບໃຫຍ່ຂຶ້ນໃນຄອບຄົວທີ່ໃຫຍ່ ໃນລັດເພັນໂຊເວເນຍ, ບໍ່ໄກຈາກລັດນິວຢອກ, ບ່ອນທີ່ໂຈເຊັບ ສະມິດ ໄດ້ອາໃສຢູ່. ເອມມາ ແລະ ຄອບຄົວຂອງເພິ່ນເຊື່ອໃນພຣະເຈົ້າ. ເອມມາມັກອ່ານໜັງສື, ຮ້ອງເພງ, ຂີ່ມ້າ, ແລະ ພາຍເຮືອໄປຕາມແມ່ນ້ຳໃກ້ບ້ານຂອງເພິ່ນ.

Saints, 1:31–32

ໂຈເຊັບ ສະມິດ ແລະ ພໍ່ຂອງເພິ່ນກຳລັງຍ່າງໄປໃກ້ບ້ານຂອງເອມມາ. ເອມມາກຳລັງຫລຽວອອກໄປນອກປ່ອງຢ້ຽມ ແລະ ສັງເກດເຫັນໂຈເຊັບ.

ຕອນທີ່ເອມມາອາຍຸ 21 ປີ, ໂຈເຊັບ ສະມິດ ແລະ ພໍ່ຂອງເພິ່ນໄດ້ມາເຮັດວຽກໃຫ້ກັບເພື່ອນບ້ານຄົນໜຶ່ງຂອງເອມມາ. ພໍ່ຂອງເອມມາໄດ້ເຊື້ອເຊີນໃຫ້ພວກເພິ່ນມາພັກຢູ່ທີ່ບ້ານຂອງເພິ່ນ.

ໂຈເຊັບ ສະມິດ—ປະຫວັດ 1:56–57; Saints, 1:31–32

ໂຈເຊັບ ສະມິດ ແລະ ເອມມາກຳລັງລົມກັນຢູ່ນອກບ້ານຂອງເອມມາ. ພໍ່ແມ່ຂອງເອມມາຢູ່ທີ່ປະຕູ.

ໂຈເຊັບ ແລະ ເອມມາໄດ້ຮູ້ຈັກກັນ. ພວກເພິ່ນມັກທີ່ຈະຢູ່ດ້ວຍກັນ. ແຕ່ພໍ່ແມ່ຂອງເອມມາບໍ່ມັກໂຈເຊັບ. ເຂົາເຈົ້າບໍ່ເຊື່ອວ່າເພິ່ນໄດ້ເຫັນທູດສະຫວັນ.

Saints, 1:32–33

ເອມມາ ແລະ ໂຈເຊັບ ສະມິດ ກຳລັງຂີ່ລົດເລື່ອນທີ່ລາກດ້ວຍມ້ານຳກັນ.

ປະມານໜຶ່ງປີຕໍ່ມາ, ໂຈເຊັບໄດ້ຂໍເອມມາແຕ່ງງານ. ເອມມາ ແລະ ໂຈເຊັບຮັກກັນ. ພວກເພິ່ນໄດ້ແຕ່ງງານກັນ ແລະ ໄດ້ໄປຢູ່ກັບພໍ່ແມ່ຂອງໂຈເຊັບ ໃນລັດນິວຢອກ.

ໂຈເຊັບ ສະມິດ—ປະຫວັດ 1:57–58; Saints, 1:34–35

ເອມມາ ແລະ ໂຈເຊັບ ສະມິດ ກຳລັງຂີ່ລົດມ້າເຂົ້າໄປໃນປ່າ.

ສີ່ປີຜ່ານໄປນັບຕັ້ງແຕ່ໂມໂຣໄນໄດ້ບອກໂຈເຊັບກ່ຽວກັບແຜ່ນຈາລຶກຄຳ. ເມື່ອເຖິງເວລາ, ເອມມາ ແລະ ໂຈເຊັບໄດ້ໄປຫາເນີນພູບ່ອນທີ່ແຜ່ນຈາລຶກໄດ້ຖືກເຊື່ອງໄວ້.

ໂຈເຊັບ ສະມິດ—ປະຫວັດ 1:59; Saints, 1:36–37

ທູດໂມໂຣໄນໄດ້ພົບກັບໂຈເຊັບຢູ່ທີ່ເນີນພູ ແລະ ມອບແຜ່ນຈາລຶກໃຫ້ເພິ່ນ. ເພິ່ນໄດ້ບອກໂຈເຊັບວ່າ ຖ້າວ່າໂຈເຊັບຮັກສາແຜ່ນຈາລຶກນັ້ນໄວ້ໃຫ້ດີທີ່ສຸດ, ພວກມັນກໍຈະປອດໄພ.

ໂຈເຊັບ ສະມິດ—ປະຫວັດ 1:59; Saints, 1:37–38

ໂຈເຊັບ ສະມິດ ກຳລັງຫອບແຜ່ນຈາລຶກຄຳ. ຊາຍຄົນໜຶ່ງກຳລັງໄລ່ຕາມ ແລະ ພະຍາຍາມເອົາແຜ່ນຈາລຶກນັ້ນໄປ.

ຜູ້ຄົນໄດ້ຍິນຂ່າວວ່າໂຈເຊັບມີແຜ່ນຈາລຶກຄຳ, ແລະ ບາງຄົນກໍໄດ້ພະຍາຍາມລັກເອົາແຜ່ນຈາລຶກນັ້ນໄປຈາກເພິ່ນ. ໂຈເຊັບຈຳຕ້ອງຊອກຫາບ່ອນເຊື່ອງແຜ່ນຈາລຶກນັ້ນໄວ້. ໃນຂະນະທີ່ໂຈເຊັບກຳລັງນຳເອົາແຜ່ນຈາລຶກອອກໄປຈາກບ່ອນທີ່ເຊື່ອງໄວ້ຢູ່ໃນປ່ານັ້ນ, ມີຜູ້ຊາຍຈຳນວນໜຶ່ງໄດ້ໂຈມຕີເພິ່ນ. ເພິ່ນໄດ້ຊຸກພວກເຂົາລົ້ມລົງ ແລະ ແລ່ນໄປຫາບ້ານຂອງພໍ່ແມ່ຂອງເພິ່ນ.

ໂຈເຊັບ ສະມິດ—ປະຫວັດ 1:60; Saints, 1:38, 40–41

ໂຈເຊັບ ສະມິດ ໄດ້ນຳເອົາແຜ່ນຈາລຶກຄຳກັບມາບ້ານ ແລະ ໃຫ້ຄອບຄົວຂອງເພິ່ນໄດ້ສຳຜັດແຜ່ນຈາລຶກ.

ຕອນທີ່ໂຈເຊັບນຳເອົາແຜ່ນຈາລຶກກັບມາບ້ານ, ເອື້ອຍຂອງເພິ່ນໄດ້ຊ່ວຍເພິ່ນວາງມັນໄວ້ເທິງໂຕະ. ໂມໂຣໄນໄດ້ບອກໂຈເຊັບວ່າຢ່າໃຫ້ໃຜເຫັນແຜ່ນຈາລຶກນີ້ເດັດຂາດ, ແຕ່ຄອບຄົວຂອງເພິ່ນໄດ້ສຳຜັດແຜ່ນຈາລຶກທີ່ຖືກຫໍ່ໄວ້ໃນຜ້າ.

Saints, 1:41

ພຣະເຈົ້າຕ້ອງການໃຫ້ໂຈເຊັບແປແຜ່ນຈາລຶກຄຳເພື່ອຜູ້ຄົນຈະສາມາດອ່ານ. ແຕ່ຜູ້ຄົນຢູ່ລັດນິວຢອກໄດ້ພະຍາຍາມລັກເອົາແຜ່ນຈາລຶກນັ້ນໄປ. ໂຈເຊັບຈຳຕ້ອງຊອກຫາບ່ອນເຊື່ອງແຜ່ນຈາລຶກນັ້ນໄວ້ໃຫ້ປອດໄພ. ສະນັ້ນໂຈເຊັບ ແລະ ເອມມາຈຶ່ງຍ້າຍໄປຢູ່ໃກ້ກັບພໍ່ແມ່ຂອງເອມມາ. ພວກເພິ່ນຫວັງວ່າຈະສາມາດແປແຜ່ນຈາລຶກນີ້ໃນຄວາມສະຫງົບ.

ໂຈເຊັບ ສະມິດ—ປະຫວັດ 1:61–62; Saints, 1:43, 45–46

ໂຈເຊັບ ສະມິດ ກຳລັງຈູບໜ້າຜາກເອມມາ. ນາງກຳລັງຊ່ວຍເພິ່ນໃນການແປແຜ່ນຈາລຶກຄຳ.

ໂຈເຊັບເລີ່ມແປແຜ່ນຈາລຶກ. ເພິ່ນໄດ້ໃຊ້ເຄື່ອງມືພິເສດທີ່ພຣະເຈົ້າໄດ້ກຽມໄວ້ເພື່ອຊ່ວຍເພິ່ນ. ຂະນະທີ່ໂຈເຊັບແປ, ເອມມາໄດ້ຂຽນສິ່ງທີ່ເພິ່ນເວົ້າ. ຫລາຍຕໍ່ຫລາຍຊົ່ວໂມງທີ່ພວກເພິ່ນໄດ້ເຮັດວຽກນຳກັນ. ເອມມາປະຫລາດໃຈຫລາຍ. ນາງໄດ້ຮູ້ວ່າສາມີຂອງນາງກຳລັງແປໂດຍອຳນາດຂອງພຣະເຈົ້າ.

ໂຈເຊັບ ສະມິດ—ປະຫວັດ 1:35; Saints, 1:49