1828–1829

Ua Auina Atu Oliva Kaotuie le Alii

Aoaoina o le auala e fetalai mai ai le Atua ia i tatou

Sa faaliliuina pea e Iosefa ma Ema le Tusi a Mamona. Sa faigata le galuega, ma sa tatau foi ona la galulue i le la faatoaga. Sa tatalo Iosefa ina ia auina mai e le Tama Faalelagi se tasi e fesoasoani ia te ia e faaliliu le Tusi a Mamona.

Au Paia, 1:56, 58

I se nofoaga mamao ese i Niu Ioka, sa nofo ai Oliva Kaotui, o se faiaoga talavou, ma matua o Iosefa Samita. Sa faiaoga e Oliva i uso ma tuafafine laiti o Iosefa.

Au Paia, 1:58–59

Sa faalogo Oliva e uiga ia Iosefa ma papatusi auro. Sa ia fia iloa lava. Sa talanoa o ia i matua o Iosefa. Sa laua ta’u atu ia Oliva o loo faia e Iosefa le galuega a le Atua.

Au Paia, 1:59

O lea la ua atili ona fia iloa e Oliva. Sa ta’u atu e matua o Iosefa ia Oliva e tatau ona ia tatalo ma saili mo ia lava pe o se galuega a le Atua. O lea, i se tasi po, sa tatalo ai Oliva ma lona loto atoa. Na tuuina atu e le Atua le filemu i lona mafaufau. Sa iloa e Oliva o Iosefa Samita o le auauna a le Atua. Sa ia lagonaina e tatau ona ia fesoasoani ia Iosefa.

Au Paia, 1:60

Ina ua uma le tausaga aoga, sa alu atu Oliva e feiloai ia Iosefa ma Ema. Sa umi ona feala Iosefa ma Oliva ma talanoa e uiga i papatusi auro ma le galuega a le Atua.

Au Paia, 1:60

Na fai mai Oliva o le a ia tusitusi a o faaliliuina e Iosefa. Sa fiafia o ia i mea sa ia aoaoina e uiga ia Iesu. Sa i ai foi ni ana fesili ma sa manao i se faatuatua malosi atu.

Au Paia, 1:61

E ala mai i le Perofeta o Iosefa, na tuuina atu ai e le Alii ia Oliva se savali. Sa ia fai atu ia Oliva e manatua le po na ia tatalo ai. Na tuuina atu e le Atua ia te ia le filemu. E na o le Atua lava na silafia lenei tatalo. Na faasolo ina malosi le faatuatua o Oliva. Sa ia fesoasoani pea ia Iosefa, ma sa aoaoina o ia e le Alii i le tele o mea e uiga i le auala e fetalai mai ai le Atua ia i tatou.

Mataupu Faavae ma Feagaiga 6:14–24; 8:1–3; 9:7–9; Au Paia, 1:62–64