kakai ʻoku talanoa mo kakata

Kau Mataotao mo e Ngaahi Kōmiti ʻo e Moʻui Fakafalala Pē Kiate Kitá

ʻOku tokoni ʻa e EnglishConnect ki he fakafoʻituituí ke fakatupulaki ʻa e moʻui fakafalala fakalaumālie mo fakatuʻasino pē kiate kitá ʻo fakafou ʻi hono fakatupulaki ʻa e ngaahi taukei ʻi he lea faka-Pilitāniá ʻi ha ʻātakai ʻo e tuí, fakafeohí, mo e tupulakí. Fakakaukauʻi ʻi he faʻa lotu pe ko hai ʻe ʻaonga ki ai haʻane hoko ko ha mataotao, faiako, pe tokotaha ako.

Te ke lava ʻo liliu ʻa e EnglishConnect ke feau ʻa e ngaahi fiemaʻu ʻa kinautolu kuo uiuiʻi koe ke ke tokoniʻí. Fakakaukauʻi ʻi he faʻa lotu ʻa e ngaahi fiemaʻu ʻa kinautolu ʻokú ke tokoniʻí ʻi hoʻo fakakakato ʻa e ngaahi sitepu ʻi laló.

Ko Hono Fakahoko ʻo e Ngaahi Kulupu EnglishConnect 1 mo e 2

ʻE lava ke fokotuʻutuʻu mo fakahoko ʻa e ngaahi kulupu EnglishConnect ʻo hangē ko e ngaahi kulupu moʻui fakafalala pē kiate kita kehé. ʻOku faʻa ʻuhinga ʻeni ʻoku vahe ʻa hono tokangaʻi ʻo e EnglishConnect 1 mo e 2 ki ha kōmiti moʻui fakafalala pē kiate kita pe ko ha kōmiti kehe kuo vahe ki ai.

Kiʻi Vakai ki ai

ʻOku taʻetotongi ʻa e kau ki he EnglishConnect 1 mo e 2 pea ʻoku kau ki ai ha:

• Kulupu fepōtalanoaʻaki fakauike ʻoku tataki ʻe he kāingalotu fakalotofonuá pe kau faifekaú.

• Lēsoni miniti ʻe 90.

• Lēsoni ʻe 25 kuo fokotuʻutuʻu ki ha ngaahi ʻiuniti.

• Ngaahi tefitoʻi moʻoni ʻo e ʻiló “ʻi he ako pea ʻi he tui foki” (Tokāteline mo e Ngaahi Fuakava 88:118).

• Ngaahi maʻuʻanga tokoni akoako fakaʻaho.

• Lava ʻo maʻu ʻa e ongó mo e liliú ʻi he Gospel Library.

Lava ke liliu ʻa e lōloa mo e vave hono akoʻi ʻo e ngaahi lēsoní ki he ngaahi tūkunga fakalotofonuá (vakai, “Ngaahi Sīpingá”).

Kimuʻa pea Kamata ha Kulupú

• Fealeaʻaki mo e kau taki lakanga fakataulaʻeikí fekauʻaki mo e vīsoné mo e ngaahi taumuʻá (lahi ange).

• Ui mo akoʻi ʻa e kau faiakó (lahi ange).

• ʻOmi ha ngaahi naunau (lahi ange).

• Fili ʻa e feituʻú mo e tuʻo lahí (lahi ange).

• Lesisita ʻa e kulupú ʻi he QuickReg (lahi ange).

• Fakaafeʻi mo talitali lelei ʻa kinautolu ʻoku kau maí (lahi ange).

Lolotonga ha Kulupu

• Tanumaki ha ʻātakai ʻo e tuí, fakafeohí mo e tupulakí (lahi ange).

• Poupouʻi e tupulaki ʻa e faiakó (lahi ange).

• Tokoni ki he kau akó ke nau teuteu ki he tuʻunga hono hoko ʻo e EnglishConnect (lahi ange).

• Fakafeʻiloaki ʻa e ngaahi maʻuʻanga tokoni kehe ʻa e Siasí (lahi ange).

• Tokangaʻi hoʻo kulupú ʻi he QuickReg (lahi ange).

Ko Hono Aofangatuku ha Kulupú

• Paaki mo tufaki ha ngaahi tohi fakamoʻoni ʻi he fakaʻosinga ʻo e kulupú (lahi ange).

• Tokoni ki he kau akó ke nau hiki ki he tuʻunga EnglishConnect hono hokó pe BYU–Pathway Fakaemāmani Lahí (lahi ange).

• Feinga ke ʻiloʻi ʻa e kau ako ʻe lava ke ui ko e kau faiakó (lahi ange).

• Fakaafeʻi ʻa e kau akó ke nau kau ʻi he ngaahi polokalama kehe ʻa e Siasí (lahi ange).

• Fakaʻosi ʻa e kulupú ʻi he QuickReg (lahi ange).

• Lipooti ki he kau taki lakanga fakataulaʻeikí (lahi ange).

Ko Hono Fakafehokotaki ʻo e Kau Akó ki he Ngaahi Kulupu EnglishConnect 3

ʻOku tokoni ʻa e EnglishConnect 3 ki he kau akó ke fakatupulaki ha ngaahi taukei māʻolunga ange ʻi he lea faka-Pilitāniá ki he ngaahi faingamālie fakangāué mo fakaakó fakatouʻosi—tautautefito ki he BYU–Pathway Fakaemāmani Lahí. ʻOku fakafaingofuaʻi ʻe he kau faifekau tokoni ʻa e Siasí ʻa e ngaahi kulupu EnglishConnect 3.

ʻOku ʻi ai ha founga ʻe ua te ke lava ai ʻo tokoni ki he kau akó ke nau hū ki he EnglishConnect 3:

1. Tokoni ki he kau akó ke nau kau ki ha kulupu ʻoku lolotonga lele. ʻOku ʻi he EnglishConnect 3 ha ngaahi kulupu ʻi ha ngaahi feituʻu lahi ʻo e māmaní. Te ke lava ʻo tokoni ki he kau akó ke nau lesisita ʻi ha kulupu EnglishConnect 3 ʻaki hono fakahinohinoʻi kinautolu ʻi he founga ʻo e tohi kolé ʻi he englishconnect.org/join. Fakahinohino ʻa e kau ako ʻoku ʻi ai hanau toe fehuʻi pe ngaahi palopalema fakalesisitá ki he byupathway.org/help/contact-us.

2. Fakahoko ha kulupu EnglishConnect 3. Kapau ʻokú ke fie kamata ha kulupu EnglishConnect 3, ʻīmeili ki he [e-mail]. ʻE fetuʻutaki atu leva ha faifekau tokoni ʻa e Siasí kiate koe.