7.

Na Matabisopi

7.1

O Bisopi kei Rau na Nona Daunivakasala

Na bisopi e taura tu na idola ni matabete me liutaka na cakacaka ni Lotu ena loma ni tabanalevu (raica na 3.4.1 O koya kei rau na nona daunivakasala eratou bulia e dua na matabisopi.

E lima na nona itavi bibi taumada o bisopi:

• Okoya e bete levu vakatulewa ena tabanalevu.

• Okoya e peresitedi ni Matabete i Eroni.

• Okoya e turaganilewa.

• O koya e vakacokotaka na cakacaka ni veivakabulai kei na bula vakacerecerei ni Kalou, oka kina na nodra qaravi na vakaleqai tu.

• E raica raraba na ivolatukutuku, veika vakailavo, kei na vakayagataki ni valenilotu.

Na itavi bibi ka liu duadua nei bisopi sai koya vei ira na itabatamata era tubu cake tiko mai ena tabanalevu (ira na gone, itabagone, kei na itabagone qase cake). Me rawa kina vua me vakanamata ki na itavi oqo, ena lesia o koya e vuqa na ilesilesi (raica na 4.2.5

7.1.1

Bete Levu Vakatulewa

E iliuliu vakayalo taumada ni tabanalevu o bisopi.

7.1.1.1

Mataisoqosoqo kei na Kuoramu ni Matabete ena Tabanalevu

Sa itavi ni bisopi na iSoqosoqo ni Veivukei kei na Goneyalewa ena tabanalevu. Ena lesia o koya na nona daunivakasala me qarava na mataisoqosoqo ni Matawilivola ni Sigatabu kei na Lalai kei na veiparokaramu tale eso ni tabanalevu.

Na itavi nei bisopi me baleta na kuoramu ni Matabete i Eroni era sa tuvai koto ena 7.1.2. Na nona itavi me baleta na kuoramu ni italatala qase sa tuvai koto ena 8.3.1

7.1.1.2

Cakacaka Vakalotu kei na Veivakalougatataki

Ena dusimaka na bisopi na kena qaravi na veicakacaka vakalotu kei na veivakalougatataki oqo ena tabanalevu:

• Na sakaramede

• Vakatokayacataki kei na masulaki ni gonelalai

• Papitaiso kei na veivakadeitaki ni gone yabaki 8 volatukutukutaki (me baleti ira na saumaki mai, raica na 31.2.3.2)

• Na kena vakatikori na Matabete i Eroni kei na veitabaki vakabete ki na itutu ni dikoni, ivakavuvuli, kei na bete.

7.1.1.3

Matabose kei na Soqoni

Na bisopi ena liutaka na matabose ni tabanalevu kei na matabose ni itabagone ni tabanalevu (raica na 29.2.5 kei na 29.2.6).

E tuvakataka na matabisopi na veisoqoni ni sakaramede kei na soqoni tale eso ni tabanalevu era tuvai tu ena wase 29

7.1.1.4

Veikacivi kei na Veivakagalalataki

Na nona itavi o bisopi me baleta na veikacivi kei na veivakagalalataki e tukuni tiko ena wase 30.

7.1.2

Peresitedi ni Matabete i Eroni

Na bisopi e nona itavi talega oqo ni peresitedi ni Matabete i Eroni ni tabanalevu. E rau na vukei koya na nona daunivakasala.

• Tokoni ira na itubutubu ena nodra vakavulici na itabagone.

• Raica raraba na kuoramu ni Matabete i Eroni kei na kalasi ni Goneyalewa. Na bisopi e peresitedi ni kuoramu ni bete (raica na Vunau kei na Veiyalayalati 107:87–88). Na nona imatai ni daunivakasala sa nona itavi na kuoramu ni ivakavuvuli. Na nona ikarua ni daunivakasala sa nona itavi na kuoramu ni dikoni.

• Veivakasalataki vata kei na peresitedi ni Goneyalewa ena tabanalevu.

• Sota vakawasoma kei ira yadua na itabagone.

7.1.3

Turaganilewa

O bisopi e turaganilewa raraba ena tabanalevu (raica na Vunau kei na Veiyalayalati 107:71–74). Sa vakaoqo na nona itavi:

• Vukei ira na itabagone kei na uabula me ra rawata ka kilikili kaya ena nodra ivolatara ni valetabu.

• Vakayacora na veivakatarogi me vaka e tuvai tiko ena 31.2.

• Sota vata kei ira na lewe ni tabanalevu era vakasaqara na veidusimaki vakayalo, ka tu na nodra leqa bibi vakatamata yadua, se era vakayacora na ivalavala ca bibi, ka vukei ira me ra rawata na kaukauwa ni veivakabulai i Jisu Karisito.

• Ena veidusimaki nei peresitedi ni iteki, vakayacora na matabose ni lewenilotu kevaka e gadrevi. Me baleta na kena idusidusi, raica na Wase e 32.

7.1.4

Vakacokotaki ni Cakacaka ni Veivakabulai kei na Bula Vakacerecerei ni Kalou

O bisopi ena vakacokotaka na Nona cakacaka ni veivakabulai kei na bula vakacerecerei na Kalou ena tabanalevu (raica na wase e 1). Era na vukei koya na nona daunivakasala kei na iliuliu tale eso ena tabanalevu.

7.1.4.1

Liutaki ni Sasaga ni Nodra Qaravi o Ira era Leqa Tu Vakayago

Me baleta na ikuri ni ivakamacala ena ivakarau e qaravi ira kina na vakaleqai tu o bisopi, raica na 22.6.1

7.1.5

iVolatukutuku, Veika Vakailavo, kei na Valenilotu

Me baleta na ivakamacala ni ivolatukutuku, raica na wase 33 Me baleta na ivakamacala ni veika vakailavo, oka kina na ikatini, raica na wase 34. Me baleta na ivakamacala ni valenisoqoni, raica na wase 35

7.3

Sekeriteri Liu ni Tabanalevu kei na iVukevuke ni Sekeriteri Liu ni Tabanalevu

Eratou na vakatura na matabisopi e dua na lewe ni Matabete i Melikiseteki me veiqaravi vaka sekeriteri liu ni tabanalevu.

Sa vakaoqo na nona itavi:

• Ena dau soqoni vata kei iratou na matabisopi ka vakarautaka na lewe ni veivosaki me vaka e vakaroti vua.

• Veiqaravi vakalewe ni matabose ni tabanalevu ka dau tiko ena bose ni matabose ni tabanalevu.

• Ena lokuca talega na gauna ni sota vata kei iratou na matabisopi.

7.4

Na Vunivola kei na iVukevuke ni Vunivola ni Tabanalevu

Na itavi ni vunivola ni tabanalevu kei na ivukevuke ni vunivola ni tabanalevu era sa vakamacalataki tu ena 33.4.2.