“Sa unsang paagi ako makatabang sa akong anak nga makahinulsol ug makasagubang sa mga kapakyasan?” Tabang alang sa mga Ginikanan (2021)
“Sa unsang paagi ako makatabang sa akong anak nga makahinulsol ug makasagubang sa mga kapakyasan?” Tabang alang sa mga Ginikanan
Sa unsang paagi ako makatabang sa akong anak nga makahinulsol ug makasagubang sa mga kapakyasan?
Samtang ang inyong anak motubo ug molambo, malagmit nga siya makasinati og mga kapakyasan bahin sa pornograpiya. Pwede ninyong matudloan ang inyong anak nga magbasol sa mga sayop, mohimo sa pagpahiuli kon gikinahanglan, ug magtinguha og kapasayloan. Isip ginikanan, mahimo kang mohukom kon ug kanus-a ka gusto nga mokonsulta sa bishop, sa presidente sa Young Women, o laing kasaligan nga awtoridad sa Simbahan. Tan-awa sa Kinatibuk-ang Tamdanan nga Basahon: Pagserbisyo diha sa Simbahan ni Jesukristo sa mga Santos sa Ulahing mga Adlaw, 38.6.13: “Ang Personal nga pagtambag ug dili pormal nga mga restriksiyon sa pagkamiyembro sa kasagaran igo na alang sa pagtabang sa usa ka tawo nga maghinulsol sa paggamit og pornograpiya.”
Ang malungtaron nga kausaban sa kasagaran moabot pinaagi sa pagtutok sa mas anam-anam nga mga kausaban kay sa dihadiha nga mga sangpotanan. Samtang magtinguha kamo nga makita ang inyong anak isip usa ka binuhat nga adunay bili nga walay kinutoban, kamo makatabang kaniya nga motubo ug mohimo og kalamboan. Inyong matabangan ang inyong anak nga makita ang bili sa paningkamot nga iyang gibuhat kay sa mawad-an sa kadasig tungod sa mga kapakyasan nga moabot atol sa panaw.
Dugang nga mga Ideya
Awhaga ang inyong anak sa paghimo og usa ka journal ug sa pagsulat sa iyang mga hunahuna, mga pagbati, ug mga gilaoman alang sa umaabot.
Paningkamoti nga masuportahan ang inyong anak sa tanang dapit sa iyang kinabuhi. Imbis magtutok lamang gayod alang sa pagbuntog sa pornograpiya, hisgoti kon sa unsang paagi kamo makatabang sa inyong anak nga makapalambo og dugang nga mga kalidad, mga kinaiya, ug mga kahanas. Alang sa dugang nga mga ideya, basaha ang “Cheering Your Children On”1 ug “Giving Kids a Growth Mindset.”2
Kauban sa inyong anak o isip usa ka pamilya, basaha ang istorya ni Alma nga Batan-on sa Mosiah 27 ug Alma 36. Paghangyo og usa ka sakop sa pamilya nga mobadlis og usa ka linya paubos gikan sa tunga sa usa ka piraso nga papel. Sa pikas nga bahin sa papel, ang inyong pamilya pweding molista kon unsay gitudlo niini nga istorya mahitungod sa kon unsaon sa paghinulsol. Sa laing bahin sa papel, ang imong pamilya pweding molista sa unsay gitudlo niini nga istorya mahitungod sa mga panalangin sa paghinulsol. Alang sa dugang nga mga ideya, tan-awa sa “How Can I Support My Child in His or Her Repentance Process?”