“Kinatibuk-ang Pagpasabot alang sa mga Ginikanan,” Tabang alang sa mga Ginikanan (2021)
“Kinatibuk-ang Pasabot alang sa mga Ginikanan,” Tabang alang sa mga Ginikanan
Kinatibuk-ang Pagpasabot alang sa mga Ginikanan
Daghang mga ginikanan ang dili segurado kon unsaon sa pagtudlo ang ilang mga anak mahitungod sa pornograpiya. Ang uban nabalaka kon unsaon sa pagtabang ang mga bata nga nagsagubang sa paggamit og pornograpiya. Kamo makatabang sa pag-edukar ug pagsuporta sa inyong mga anak pinaagi sa pagpakigsulti kanila mahitungod sa maayo nga sekswalidad, sa pagtudlo kanila kon sa unsang paagi mas mapanalipdan ang ilang kaugalingon aron malikay sa pornograpiya, ug pagtabang kanila nga makat-on unsa ang tukmang buhaton kon makasugat sila og pornograpiya.
Kon madiskobrehan ninyo nga naapil sa pornograpiya ang inyong anak, mahinungdanon ang pagsanong uban sa gugma. Sigon sa gitudlo ni Sister Joy D. Jones, “Kon kita magbaton og bisan unsa nga paglaom sa pagwagtang sa [pornograpiya] gikan sa kalibotan, ang gugma kinahanglan nga anaa sa atubangan ug mao ang pundasyon sa tanan natong mga paningkamot.”1 Tingali mobati kamo og katingala, kasakit, kasuko, o kasagmuyo, apan ang pagsanong sa negatibong paagi mopadugang sa kaulaw ug kalibog nga gibati sa inyong anak. Posibling mosangpot kini nga ang inyong anak mobati nga ingon og siya dili makaduol kaninyo kabahin sa iyang mga kasinatian, mga pagbati, ug mga problema.