E faapefea ona ou fesoasoani i la’u tama ia salamo ma galue i mea ua faavaatu’ia ai? Fesoasoani mo Matua (2021)
E faapefea ona ou fesoasoani i la’u tama ia salamo ma galue i mea ua faavaatu’ia ai? Fesoasoani mo Matua
E faapefea ona ou fesoasoani i la’u tama ia salamo ma galue i mea ua faavaatu’ia ai?
A o tuputupu ae lau tama ma atia’e, e ono i ai le avanoa e aafia ai o ia i faafitauli o ponokalafi. E mafai ona e aoao lau tama ia salamo mo mea sese, fai ni faaleleiga o mea e manaomia, ma saili le faamagaloga. I le avea ai o se matua, atonu e te filifili pe e te manao pe o afea foi e feutagai ai ma se epikopo, le peresitene o Tamaitai Talavou, po o se isi taitai faatuatuaina o le Ekalesia. Tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 38.6.13: “O fautuaga patino ma tapuia’iga māmā mai le avea ma tagata o le Ekalesia, e masani lava ona lava ma totoe lea e fesoasoani ai i se tagata ia salamo mai le faaaogaina o ponokalafi.”
O suiga tumau e tele lava ina oo mai i le taulai atu i suiga auauai nai lo ni taunuuga faavavave. A o e taumafai malosi e vaai atu i lau tama o se tagata e faavavau ma se taua e le gata mai,e mafai ona e fesoasoani ia te ia ia tuputupu ae ma faia taumafaiga e alualu ai i luma. E mafai ona e fesoasoani i lau tama ia vaai i le taua o le taumafaiga o loo ia faia, nai lo le faalotovaivaia i faafitauli o le a oo mai i le aluga oana taumafaiga.
Manatu Faaopoopo
Faamalosiau i lau tama e tausia se apitalaaga ma ia tusitusi i lalo ona mafaufauga, lagona, ma faamoemoega mo le lumanai.
Taumafai malosi e lagolago lau tama i vaega uma o lona olaga. Nai lo le taulai atu faapito i le foia o ponokalafi, ia talanoa pe mafai faapefea ona e fesoasoani i lau tama e atia’e ni uiga , uiga auaumama, ma ni tomai faaopoopo. Mo nisi manatu, faitau le “Cheering Your Children On”1 ma le “Giving Kids a Growth Mindset.”2
Faitau faatasi ai ma lau tama pe o se aiga, le tala ia Alema le Itiiti i le Mosaea 27 ma le Alema 36. Fai i se tasi o le aiga e tusi se laina agai i lalo i le ogatotonu o se fasipepa. I le tasi itu o le pepa, e mafai e lou aiga ona lisi ai mea o aoao mai i lenei tala e uiga i le ala e salamo ai. I le isi itu o le pepa, e mafai e lou aiga ona lisi ai mea o loo aoao mai e lenei tala e uiga i faamanuiaga o le salamo. Mo nisi manatu, tagai i le “E Mafai Faapefea ona Ou Lagolagoina La’u Tama i Le Faagasologa o Lona Salamo?”