“E faapefea ona ou tali atu pe a ou iloa na vaai la’u tama i ponokalafi?” Fesoasoani mo Matua (2021)
“E faapefea ona ou tali atu pe a ou iloa na vaai la’u tama i ponokalafi?” Fesoasoani mo Matua
E faapefea ona ou tali atu pe a ou iloa na vaai la’u tama i ponokalafi?
Afai e te iloa na vaai lau tama i ponokalafi, e ao ona e mulimuli i le faataitaiga a le Tama Faalelagi o le tulaga faamatua. O nisi tamaiti e ono le ta’ua i o latou matua pe a latou vaai i ponokalafi, a o isi o le a mananao e talanoa e uiga i ai. Afai e lagona e le fanau le saogalemu ma le lagolagoina, o le a ono faasoa mai e i latou o latou lagona ma aafiaga.
E tele taimi pe a matamata tamaiti i ponokalafi, latou te faia ina ia faamalieina ai nisi o manaoga. O nei manaoga e tulagaese ma fitoitonu mo tamaiti taitasi ae e ono aofia ai foi le fiailoa o feusuaiga po o le manao mo se faatosinaese mai le atuatuvale po o le popolevale. A o e saili ia malamalama i manaoga taitasi o lau tama, e mafai ona e fesoasoani ia te ia e sue ni tali ma faafetauia na manaoga i ni auala maloloina. O se taimi lelei foi lea e faamalosia ai aoaoga e uiga i le matafaioi o feusuaiga maloloina ma le ala e faaalia ai e ponokalafi ia faamatalaga sese e uiga i sootaga faalefeusuaiga. O nei ituaiga o talanoaga e ono manaomia ai ni tomai fou o se matua, e pei o le ese o ni auala e fai atu ai fesili ma faaavanoa se taimi e faalogo ai. E mafai foi ona e faaaogaina tulaga e te fetaia’i i le olaga i aso faisoo, e talanoaina ai feusuaiga maloloina. E aoga le talanoaina o nei autu i se siosiomaga e toafimalie ma agalelei nai lo le faamalosia pe faafinauvale.
Manatu Faaopoopo
Mafaufau i ou lava lagona e tusa ai ma feusuaiga ma ponokalafi. E mafai faapefea ona e talanoa atu i soo se atugaluga atonu o ia te oe e uiga i le talanoaina o nei autu ae e te lei talanoa i lau fanau?
Saili ia malamalama i le eseesega o le maasiasi ma le tausalaina ma pe faapefea ona iloa ma faamalamalama lena eseesega (tagai i le “E Le O Se Agasala le Augavaivai”1 ma le “E Faapefea Ona Ou Fesoasoani i La’u Tama Ia Malamalama i le Eseesega o le Maasiasi ma le Tausalaina?”).
Faailoa mamanu o fesootaiga lelei e mafai ona atia’e i lou aiga. Mo se faataitaiga, e mafai ona e vaai sao atu i mata [o lau tama], fai atu ni fesili musuiaina, pe ia sili atu le manatunatu ae faaitiitia le le manao e faalogo? E ono mafai faapefea ona e faaleleia fesootaiga ma lau tama? Tagai i le “Fesootai i le Alofa.”)2
Punaoa a le Ekalesia ma Nuu po o Alalafaga
O nisi o punaoa o loo lisiina atu i lalo e lei fatuina, faatumauina, pe puleaina e Le Ekalesia a Iesu Keriso o le Au Paia o Aso e Gata Ai. E ui o nei anomea ua faamoemoeina e avea o ni punaoa faaopoopo, ae e le faamaonia e le Ekalesia ni anotusi e le ogatusa ma ona aoaoga faavae ma aoaoga.