Հիսուս Քրիստոսն ապրեց կատարյալ կյանքով՝ ամեն ինչում ենթարկվելով Երկնային Հոր կամքին: Մեր օրերի մարգարեները վկայել են. «[Հիսուս Քրիստոսն] անմեղ էր, սակայն մկրտվեց, որ ամեն արդարություն կատարվի» («Կենդանի Քրիստոսը. Առաքյալների վկայությունը», Ensign կամ Լիահոնա, ապր. 2000, 2): Փրկչի պես մենք արդարություն ենք կատարում՝ հնազանդվելով հավիտենական ավետարանի արարողություններին և ուխտերին: Այս դասն ուսումնասիրում է, թե ինչպես է Փրկիչը հնազանդվում հավիտենական ավետարանին և ինչպես կարող ենք մենք հետևել Նրա օրինակին:
Ընթերցանության օժանդակ նյութեր
Robert D. Hales, “The Covenant of Baptism: To Be in the Kingdom and of the Kingdom,” Ensign, Nov. 2000, 6–9.
Ընկերոջ հետ կրոնի շուրջ զրուցելիս մկրտության թեման է շոշափվում: Երբ դուք բացատրում եք, թե ինչու ենք մենք մկրտվում, ձեր ընկեր հարցնում է. «Հասկանում եմ, որ մենք մկրտվում ենք մեղքից մաքրվելու համար: Բայց Հիսուսը կատարյալ էր. Նա ոչ մի մեղք չուներ: Ուրեմն, ինչո՞ւ Նա մկրտվեց»:
Թույլ տվեք ուսանողներին մի պահ խորհել այդ հարցի շուրջ, և ապա խնդրեք նրանց պատասխանել:
Քննարկումից հետո, հանձնարարեք որևէ ուսանողի բարձրաձայն կարդալ Մատթեոս 3.13-17 հատվածը, կամ ցուցադրեք “The Baptism of Jesus” (2:55) տեսանյութը՝ Հիսուս Քրիստոսի կյանքը աստվածաշնչյան տեսաշարից: (Դասից առաջ ներբեռնեք և դիտեք այդ տեսանյութը:) Եթե ցուցադրում եք այդ տեսանյութը, խնդրեք ուսանողներին անցնել սուրբ գրությունների այդ հատվածների վրայով:
Տեսանյութի դիտումից հետո, ուղղեք հետևյալ հարցերը.
Ի՞նչ պատճառ բերեց Հիսուսը մկրտվելու համար։ (Գրատախտակին գրել հետևյալ վարդապետությունը. Հիսուս Քրիստոսը մկրտվեց, որպեսզի ամեն արդարություն կատարվի:)
Ձեր կարծիքով, ի՞նչ է նշանակում, որ Հիսուսը մկրտվեց, «որ ամեն արդարություն կատարվի» (Մատթեոս 3.15):
Որպեսզի օգնեք ուսանողներին պատասխանել այս հարցին, նրանց ժամանակ տվեք իրենց սուրբ գրություններում փնտրելու համար: Կարող եք առաջարկել նրանց գրել 2 Նեփի 31.4-9 իրենց սուրբ գրությունների լուսանցքում՝ Մատթեոս 3.15-ի կողքին: Խնդրեք ուսանողներին մտքում կարդալ 2 Նեփի 31.5-6 հատվածը՝ ուշադրություն դարձնելով հարցի վրա, որ Նեփին տվեց: Բավականաչափ ժամանակ հատկացնելուց հետո բացատրեք, որ Նեփին պատասխանեց այդ հարցին 2 Նեփի 31.7-9-ում: Հանձնարարեք որևէ ուսանողի բարձրաձայն կարդալ այդ հատվածը, իսկ դասարանին խնդրեք հետևել նրան և գտնել, ինչպես Փրկիչը ամեն արդարություն կատարել՝ մկրտվելով: Կարող եք առաջարկել, որ նրանք նշեն իրենց գտածը։ Երբ ուսանողները կիսվեն այն ամենով, ինչ իրենք գտել են, գրատախտակին գրեք հետևյալ նախադասությունները.
Նա իրեն խոնարհեցրեց Հոր առաջ:
Նա վկայեց Հորը, որ կհնազանդվի Նրա պատվիրաններին:
Նա մարդկանց զավակներին ցույց տվեց դարպասը, որով կարող են մտնել սելեստիալ արքայություն:
Նա օրինակ ծառայեց մեզ համար:
(Նշում. Սա կօգնի, որ ուսանողները սովորեն սուրբ գրություններում ցուցակներ կազմելու հմտությունը, գտնելով այն կարևոր կետերը, որ տվյալ սուրբ գրության հեղինակը ցանկացել է շեշտել:)
Ուսանողներին հիշեցրեք հարցը, որ Նեփին տվեց (տես հատված 6): Այնուհետև հարցրեք.
Մտքում ունենալով գրատախտակի վրա նշված կետերը, ինչպե՞ս Հիսուս Քրիստոսի մկրտությունն օրինակ հանդիսացավ արդար լինելու համար:
Երբ ուսանողները պատասխանեն, հավաստիացեք, որ հետևյալ մտքերն են արտահայտվում և քննարկվում (դուք կարող եք գրատախտակին գրված կետերը փոխարինել հետևյալով).
Արդարություն նշանակում է խոնարհաբար ընդունել Հոր կամքը:
Արդարություն նշանակում է ուխտել Հոր հետ՝ Նրա պատվիրաններին հնազանդ լինելու համար:
Արդարություն նշանակում է ստանալ փրկության արարողությունները:
Արդարություն նշանակում է հետևել Հիսուս Քրիստոսի օրինակին:
Հարցրեք դասարանին.
Ինչպե՞ս կարող ենք կիրառել Հիսուսի արդար օրինակը մեր անձնական կյանքում:
Ձեր դասարանին վկայեք, որ մեզ նման Հիսուսը ենթարկվեց Երկնային Հոր ծրագրի բոլոր պայմաններին ու դրույթներին: Նրա կատարյալ կյանքը օրինակ է, որին մենք պետք է ձգտենք հետևել:
Ի՞նչ է մեզ բոլորիս կոչ անում Փրկիչը հատված 10-ում:
Ըստ այդ հատվածների, ի՞նչ պատվիրեց մեզ անել Հիսուսը՝ Իրեն հետևելու համար:
Խնդրեք ուսանողներին մտքում կարդալ 2 Նեփի 31.16-17 հատվածը: Այնուհետև հարցրեք.
Էլ ի՞նչ պետք է անենք Փրկչի օրինակին հետևելու համար:
Ի՞նչ է նշանակում՝ համբերել մինչև վերջ և հետևել «կենդանի Աստծո Որդու օրինակին»։ (հատված 16): Կարող եք ընդգծել արեք բառը հատված 17-ում: Նաև շեշտեք հետևյալ սկզբունքը. Հետևելով Հիսուս Քրիստոսի օրինակին, Նրա պես մենք կարող ենք ամեն արդարություն կատարել:)
Ուսանողներին բացատրեք, որ 2 Նեփի 31 գլխում իրենց կարդացած սուրբ գրությունները պարունակում են բուն իմաստը հավիտենական ավետարանի, որ Երկնային Հայրը հաստատել է նախքան աշխարհի արարումը:
Հանձնարարեք ուսանողներին վերլուծել Հռովմայեցիս 6.3-6-ը, փնտրելով կարևոր բառերը կամ արտահայտությունները, որոնք հաստատում են, որ Հիսուս Քրիստոսի օրինակին հետևելը պահանջում է ավելին, քան մկրտվելը: Կարող եք առաջարկել, որ ուսանողները նշեն դրանք։
Ուսանողներին բաժանեք Տասներկու Առաքյալների Քվորումից Երեց Ռոբերտ Դ. Հեյլսի հետևյալ խոսքերի օրինակը և խնդրեք նրանց մտքում կարդալ դրանք: Խնդրեք նրանց մտածել, թե իրենց մկրտությունն ինչ ազդեցություն է թողել իրենց կյանքի վրա։
Նկար
Երեց Ռոբերտ Դ. Հեյլս
«Երբ հասկանանում ենք մեր մկրտության ուխտը և Սուրբ Հոգու պարգևը, դա մեր կյանքը փոխվում է և հաստատվում է մեր ողջ հավատարմությունը առ Աստծո արքայությունը: Երբ գայթակղություններ կանգնեն մեր ճանապարհին, եթե լսենք, Սուրբ Հոգին կհիշեցնի մեզ, որ խոստացել ենք հիշել մեր Փրկչին և հնազանդվել Աստծո պատվիրաններին: …
Հետևելով Հիսուսի օրինակին, մենք նաև ցույց ենք տալիս, որ կապաշխարենք և հնազանդ կլինենք մեր Երկնային Հոր պատվիրանները պահելիս: Մենք խոնարհվում ենք կոտրված սրտով և փրշված հոգով, ընդունելով մեր մեղքերը և ներում փնտրելով մեր զանցանքների համար (տես 3 Նե. 9.20): Մենք ուխտ ենք կապում, որ կամենում եք մեզ վրա վերցնել Հիսուս Քրիստոսի անունը և միշտ հիշել Նրան: …
… Ես աղոթում եմ, որ մեզանից յուրաքանչյուրը՝ որպես Նրա արքայության անդամ հասկանա, որ մեր մկրտությունը և հաստատումը դարպաս է դեպի Նրա արքայություն: Ներս մտնելով մենք ուխտ ենք կապում լինել Նրա արքայության մասը՝ հավերժ» (“The Covenant of Baptism: To Be in the Kingdom and of the Kingdom,” Ensign, Nov. 2000, 7–8, 9):
Ուսանողներին ուղղեք հետևյալ հարցը.
Ինչպե՞ս է մկրտվելն օգնել ձեզ հետևել ամեն արդարություն կատարելու Հիսուս Քրիստոսի օրինակին:
Թույլ տվեք, որ ուսանողները մի պահ մտածեն, թե ինչպես են իրենք բավարարում արդարության չափանիշները, որոնք սահմանել է Փրկիչն Իր մկրտության ժամանակ: Խնդրեք ուսանողներին մտածել, թե էլ ինչ կարող են անել առ Երկնային Հայր հնազանդություն դրսևորելու համար: