ជំរំកម្សាន្ត

ការគ្រប់គ្រងអចលនទ្រព្យសម្រាប់ការកម្សាន្ដ

បរិវេណផ្នែកសកម្មភាពកម្សាន្តរបស់សាសនាចក្រ ផ្តល់នូវទីវាលខាងក្រៅដែលបានឧទ្ទិសឆ្លងសម្រាប់ សកម្មភាព សាសនាចក្រ ។ វាត្រូវបានបង្កើតឡើងស្របតាមលក្ខណៈ និងផែនការមាត្រដ្ឋានដែលសាសនាចក្របានបង្កើតឡើង ។ មានកន្លែងពីប្រភេទសម្រាប់កម្សាន្ត ៖

ជំរំកម្សាន្ត
កន្លែងលេងកម្សាន្តរបស់អង្គភាពក្នុងមូលដ្ឋាន ( ក.ល.អ.ម )

គោលបំណងចម្បងនៃជំរំកម្សាន្តគឺដើម្បីជួយយុវនារីទទួលអារម្មណ៍ពីព្រះវិញ្ញាណខណៈដែលរីករាយនឹងការលេងកម្សាន្តល្អៗដែលមានសុវត្ថិភាព ។ ក្រុមគ្រួសារសមាជិកសាសនាចក្រក្នុងស្តេក វួដ និងភ្ញៀវរបស់ពួកគេក៏អាចប្រើជំរំទាំងនេះសម្រាប់សកម្មភាពដែលបានអនុម័តផងដែរ ។ ការកក់ទុកជំរំរបស់សាសនាចក្រសម្រាប់កម្សាន្តមិនគួរធ្វើឡើងជាប្រយោជន៍ដល់អង្គការសហគមន៍ ក្រុមហ៊ុនអាជីវកម្ម និងបុគ្គលដែលមានជំនឿផ្សេងនោះទេ ។ ទោះជាយ៉ាងក្ដី សមាជិកសាសនាចក្រស្វាគមន៍ឲ្យអញ្ជើញមិត្តភក្ដិរបស់ពួកគេដែលមានជំនឿផ្សេងឲ្យចូលរួមនឹងពួកគេបាន ។

ថ្លៃសេវាអ្នកប្រើប្រាស់អាចត្រូវបានប្រមូលសម្រាប់ការប្រើប្រាស់ជំរំកម្សាន្តដើម្បីរ៉ាប់រងលើថ្លៃថែទាំ ជួសជុល ឬកែលម្អ ។ ជំរំកម្សាន្តទាំងអស់គួរតែប្រើប្រព័ន្ធកក់តាមអនឡាញរបស់សាសនាចក្រនៅលើគេហទំព័រ camping.ChurchofJesusChrist.org ។ រាល់ការបង់ប្រាក់គួរតែត្រូវប្រមូលតាមរយៈប្រព័ន្ធនេះប៉ុណ្ណោះ ដោយការផ្ទេរពីអង្គភាពមួយទៅអង្គភាពមួយសម្រាប់ការកក់ទុករបស់អង្គភាព និងដោយប័ណ្ណឥណទានផ្ទាល់ខ្លួនសម្រាប់កាកក់ទុកផ្ទាល់ខ្លួន ។

ជាទូទៅ ក.ល.អ.ម មានទីតាំងនៅក្នុងព្រំប្រទល់ស្តេក និងមានគោលបំណងសម្រាប់ការប្រើប្រាស់ជាចម្បងដោយវួដនៅក្នុងស្តេកនោះ ឬស្តេកដែលនៅក្បែរៗនោះ ។ ឧទាហរណ៍ទូទៅគឺកន្លែងដែលធ្វើជារោង ឬបរិវេណបន្ថែមសម្រាប់ធ្វើសកម្មភាពខាងក្រៅ ។ ស្តេកមិនគួរប្រមូលថ្លៃជួលពីសមាជិកសាសនាចក្រនៅពេលប្រើប្រាស់ ក.ល.អ.ម នោះទេ ។

ស្តេកអាចស្នើសុំការទិញយក និងកែលម្អ ក.ល.អ.ម ថ្មី ឬបរិវេណជំរំសម្រាប់ពេលកម្សាន្តនៅពេលដែលមានតម្រូវការសមស្រប ។ គណៈប្រធានស្តេកអាចទាក់ទងទៅកាន់អ្នកគ្រប់គ្រងអគារ ឬការិយាល័យតំបន់ ដែលជាអ្នកអាចដាក់បញ្ចូលសំណើនេះដើម្បីធ្វើការពិចារណានៅក្នុងផែនការប្រចាំឆ្នាំដែលនឹងត្រូវដាក់បញ្ជូនទៅគណៈប្រធានតំបន់ ។

ទោះជាយ៉ាងណាក្តី ពីមុនដាក់បញ្ជូនសំណើបែបនេះ អ្នកដឹនាំអង្គភាពក្នុងមូលដ្ឋានត្រូវបានលើកទឹកចិត្តឲ្យប្រើប្រាស់គ្រឿងបរិក្ខារសាធារណៈ ឬឯកជនដែលមានស្រាប់ ។ បើគ្រឿងបរិក្ខារដែលជាកម្មសិទ្ធិរបស់សាសនាចក្រមានស្រាប់ ហើយ ដែលស្ថិតក្នុងព្រំដែនស្តេកដែលនៅជិតគ្នាល្មម នោះ គ្រឿងបរិក្ខារទាំងនេះគួរតែត្រូវបានប្រើប្រាស់អស់ មុនពេលស្នើសុំបរិក្ខារបន្ថែមទៀត ។

មាតិកាខាងក្រោមគឺជាជំរំសម្រាប់កម្សាន្ត ។

កន្លែងជំរំកម្សាន្តថ្មី

សំណើសុំមូលនិធិរបស់សាសនាចក្រដើម្បីទិញយក ឬអភិវឌ្ឍជំរំកម្សាន្តគឺត្រូវដាក់បញ្ជូនតាមរយៈនាយកខាងកិច្ចការអាណាចក្រ ។ មូលនិធិទូទៅរបស់សាសនាចក្រត្រូវបានស្នើសុំដោយប្រើដំណើរការផែនការប្រចាំឆ្នាំនៃជំរំកម្សាន្តតែនៅពេលដែលបំពេញតាមបទដ្ឋានគុណវុឌ្ឍិ និងអភិវឌ្ឍន៍ប៉ុណ្ណោះ ។ សូមទាក់ទងទៅកាន់អ្នកគ្រប់គ្រងអគារដើម្បីចាប់ផ្តើមដំណើរការនៃការពិចារណានេះ ។

ស្តេកដែលមិនមានបរិវេណជំរំកម្សាន្ត

ពួកចិតសិបនាក់ប្រចាំតំបន់ ( តាមការចាត់តាំងរបស់គណៈប្រធានតំបន់ ) ចាត់តាំងស្តេកឲ្យទៅប្រើជំរំដែលជាកម្មសិទ្ធិរបស់សាសនាចក្រនៅក្នុងតំបន់ ដោយផ្អែកលើតម្រូវការស្តេក និងនៅជិតគ្នាហើយប្រើប្រាស់របស់ទ្រព្យបែបនេះដូចគ្នា ។ ការប្រើជំរំសាធារណៈ ឬរបស់ឯកជនគួរតែលើកយកមកពិចារណាផងដែរ ។

ស្តេកដែលមិនមានជំរំកម្សាន្តទេ អាចធ្វើការកក់ទុកជំរំកម្សាន្តណាមួយដោយប្រើប្រព័ន្ធកក់តាមអនឡាញ និងធ្វើតាមកាលវិភាគអាទិភាពសម្រាប់ការកក់ដែលបានបោះពុម្ពនៅលើវិបសាយ ។

ការកែលម្អមូលនិធិកន្លែងជំរំកម្សាន្ត

អ្នកគ្រប់គ្រងអគារម្នាក់ត្រូវបានចាត់តាំងឲ្យទៅជំរំនីមួយៗ ហើយមានទំនួលខុសត្រូវដោយផ្ទាល់លើបរិក្ខារជំរំទាំងអស់ ។ ការផ្តល់មូលនិធិជំរំគឺជាផ្នែកមួយនៃដំណើរការផែនការប្រចាំឆ្នាំ ហើយរួមបញ្ចូលទាំងការផ្តល់មូលនិធិសម្រាប់ការជួសជុល ការកែលម្អ ប្រតិបត្តិការ និងការថែទាំ ។ ការចំណាយលើសកម្មភាពធ្វើកម្មវិធីបោះជំរំ និងសម្ភារនានាត្រូវបានរ៉ាប់រងដោយជំរំ តាមរយៈថ្លៃអ្នកចូលរួម ( សូមមើល ហិរញ្ញវត្ថុស្តេកសម្រាប់បោះជំរំ ) ។

ប្រតិបត្តិការ និងតំហែទំាំ

ទ្រព្យសម្បត្តិជំរំត្រូវត្រួតពិនិត្យយ៉ាងហោចណាស់ពីរដងក្នុងមួយឆ្នាំ ដើម្បីកំណត់តម្រូវការបន្តធ្វើតំហែទំ និងផ្នែកសុវត្ថិភាព ។ ជំរំនិងតំបន់ព្រៃក៏គួរតែត្រូវត្រួតពិនិត្យផងដែរ បន្ទាប់ពីហេតុការណ៍អាកាសធាតុសំខាន់ៗនីមួយៗ ដូចជា ខ្យល់បក់ខ្លាំង ភ្លៀងធ្លាក់ខ្លាំង ឬព្រិល ។

នៅសហរដ្ឋអាមេរិក និងកាណាដា ធនធានអធិការកិច្ច និងតំហែទំាំអាចធ្វើទៅបានតាមរយៈការផ្ញើសំណើទៅកាន់អ្នកគ្រប់គ្រងអគារ ដែលធ្វើការជាមួយនឹងសេវាកម្មធនធានធម្មជាតិនៅក្នុងនាយកដ្ឋានផ្នែកអគារសាលាប្រជុំ ។

ការបោះជំរំកម្សាន្តនៅលើបរិវេណ ដែលជាប់កិច្ចសន្យា ត្រូវបង្កើត និងបន្តនៅត្រឹមកម្រិតទាប លុះត្រាតែ កិច្ចសន្យារយៈពេលវែងត្រូវបានធ្វើឡើង ដែលអាចកែតម្រូវលើការចំណាយទិញ ។

ការលក់ ឬជួល ជំរំកម្សាន្ត ដែល មាន

គណៈប្រធានស្តេកដែលមានបំណងចង់លក់ ឬជួលកន្លែងជំរំកម្សាន្តដែលមានស្រាប់ សូមទាក់ទងអ្នកគ្រប់គ្រងអគារ ឬការិយាល័យតំបន់ ។ ស្តេកមិនត្រូវបានអនុញ្ញាតឲ្យធ្វើការចរចាណាមួយជាមួយសាលាក្រុង ឬភ្នាក់ងារណាមួយទាក់ទងនឹងការទិញ ការជួល ឬការបោះបង់កន្លែងជំរំកម្សាន្តឡើយ ។

រដ្ឋបាល

ពួកចិតសិបនាក់ប្រចាំតំបន់ ( តាមការចាត់តាំងរបស់គណៈប្រធានតំបន់ ) ជ្រើសរើសប្រធានស្តេកមួយធ្វើជាភ្នាក់ងារដើម្បីត្រួតពិនិត្យការគ្រប់គ្រងកន្លែងជំរំ ។ ប្រធានស្តេកដែលជាភ្នាក់ងារគួរតែរស់នៅក្នុងតំបន់ដូចគ្នានឹងទីតាំងបរិវេណនោះ ។

ស្ថានភាពលើកលែង ពន្ធ

ស្ថានភាពលើកលែងពន្ធ អចលនទ្រព្យនៃជំរំកម្សាន្ត គួរតែត្រូវបានរក្សាទុក ។ អចលនទ្រព្យមិនត្រូវបានប្រើសម្រាប់គោលបំណងពាណិជ្ជកម្ម ឬនយោបាយ ឬសម្រាប់ការបង្កើនចំណូលលើសពីតម្រូវការសម្រាប់ដំណើរការការថែរក្សា ឬជួសជុលនោះឡើយ ។ ប្រសិនបើរដ្ឋាភិបាលក្នុងមូលដ្ឋានដែលមានកន្លែងជំរំកម្សាន្ត មិនទទួលបានការលើកលែងពន្ធលើអចលនទ្រព្យទេ នោះទីស្នាក់ការរបស់សាសនាចក្រនឹងបង់ពន្ធជំនួសវិញ ។

ហិរិញ្ញវត្ថុស្តេកសម្រាប់ការបោះជំរំ

នៅសហរដ្ឋអាមេរិក និងកាណាដា ភ្នាក់ងារស្តេកដែលគ្រប់គ្រងលើ ហិរញ្ញវត្ថុការបោះជំរំប្រើប្រាស់ប្រព័ន្ធសេវាកម្មធនាគាររបស់អង្គភាពសាសនាចក្រដាច់ដោយឡែក ( CUBS ) ដើម្បីបង្កើតគណនីតាមរយៈសេវាកម្មរតនាគារ នៅការិយាល័យកណ្តាលរបស់សាសនាចក្រ ។ ភ្នាក់ងារស្តេកពុំចាំបាច់បង្កើតគណនេយ្យចរន្ត ឬតម្កល់ដោយផ្ទាល់ជាមួយនឹងធនាគារទេ ។ គណនី CUBS គឺប្រើដើម្បីបង់ថ្លៃលើកម្មវិធីបោះជំរំដែលត្រូវការសម្រាប់សកម្មភាព និងសម្ភារ ។ ថ្លៃអ្នកចូលរួម និងការវាយតម្លៃទាំងអស់គួរតែតម្កល់នៅក្នុងគណនី CUBS នេះ ។ នៅក្នុងតំបន់ក្រៅពីសហរដ្ឋ និង កាណាដាភ្នាក់ងាររបស់ប្រធានស្តេកទាក់ទងបុគ្គលិក ហិរញ្ញវត្ថុ ប្រចាំតំបន់ដើម្បីទទួលការណែនាំ ក្នុងការបង្កើតគណនី ។

ភ្នាក់ងារធ្វើសវនកម្មស្តេកធ្វើសវនកម្មលើដំណើរការការបោះជំរំដោយប្រើសវនកម្មជំរំកម្សាន្តថ្មីៗដែលមាននៅក្នុង បណ្ណាល័យធនធានសវនកម្មប្រចាំតំបន់ ។

ភ្នាក់ងារប្រធានស្តេកពិនិត្យមើលដោយយកចិត្តទុកដាក់ និងអនុម័តរាល់ចំណូល និងចំណាយទាំងអស់ ។ ប្រសិនបើបរិវេណជំរំកម្សាន្តមានចំណូលបានមកពីធនធានធម្មជាតិ នោះភ្នាក់ងារស្តេកជូនដំណឹងទៅដល់អ្នកគ្រប់គ្រងអគារដែលធ្វើការជាមួយនឹងសេវាកម្មធនធានធម្មជាតិនៅក្នុងនាយកដ្ឋានផ្នែកអគារសាលាប្រជុំ ( នៅសហរដ្ឋ និងកាណាដា ) ឬការិយាល័យតំបន់ ( ក្រៅពីសហរដ្ឋ និងកាណាដា ) ។ រាល់ចំណូលរបស់សាសនាចក្រទាំងអស់ត្រូវតម្កល់នៅក្នុងមូលនិធិទូទៅរបស់សាសនាចក្រ ។

សមាជិកសាសនាចក្រអាចជួយចេញថ្លៃថែទាំ ជួសជុល ឬការកែលម្អបរិវេណជំរំកម្សាន្ត ដោយជួយជាកម្លាំង ពលកម្ម សម្ភារ ឬឧបករណ៍ប្រើប្រាស់សម្រាប់ការជួសជុលតិចតួច ។ រាល់ការងារជួសជុល និងការកែលម្អគឺត្រូវធ្វើដោយអ្នកគ្រប់គ្រងអគារ តាមរយៈការប្រើជាងសំណង់ដែលមានជំនាញច្បាស់លាស់ និងផែនការមូលនិធីប្រចាំឆ្នាំដែលបានអនុម័ត ។ ថ្នាក់ដឹកនាំរបស់សាសនាចក្រមិនត្រូវធ្វើព្រឹត្តិការណ៍រៃអង្គាសប្រាក់ ជាពិសេសដើម្បីបង់លើចំណាយទាក់ទងនឹងជំរំកម្សាន្ត ( សូមមើលការកែលម្អមូលនិធិជំរំសម្រាប់កម្សាន្ត ) ។

ទឹកស្អាត

ប្រព័ន្ធទឹកស្អាតនៅក្នុងបរិវេណសាសនាចក្រទាំងអស់ដែលបានការផ្គត់ផ្គង់មកពីអណ្តូងឯកជន ឬប្រភពទឹក ( ក្រៅពីប្រព័ន្ធទឹកសហគមន៍ ឬក្រុង ) ត្រូវបានសាងសង់ដំណើរការ និងថែទាំយោងទៅតាមច្បាប់ និងបានបង្កើតតាមមាត្រដ្ឋានសាសនាចក្រ ។ អ្នកគ្រប់គ្រងអគារមានទំនួលខុសត្រូវក្នុងការធានាថា បានពិសោធន៍ទឹក និងធ្វើការវិភាគតាមបទដ្ឋានធានាគុណភាពទឹកដោយអនុលោមតាមតម្រូវការបទប្បញ្ញត្តិ និងមានការគ្រប់គ្រងបានល្អបំផុត ។

ឧបករណ៍យានយន្ត

នាយកដ្ឋានអគារសាលាប្រជុំ និងសាសនាចក្រជាទូទៅមិនផ្តល់ ឬថែទាំឧបករណ៍ ឬយានយន្តសម្រាប់ជំរំកម្សាន្តនោះទេ ។ នៅពេលត្រូវការឧបករណ៍ពិសេស គឺត្រូវជួលដោយប្រើចំណាយរបស់ស្តេក ដែលផ្តល់ឲ្យដោយសមាជិកស្តេក ឬទិញដោយប្រើមូលនិធិថវិកាដែលផ្តល់ឲ្យអង្គភាពក្នុងមូលដ្ឋាន និងថ្លៃអ្នកចូលរួម ។

អ្នកថែទាំ

ប្រសិនបើត្រូវការអ្នកថែទាំពេញម៉ោងម្នាក់ ឬច្រើននាក់ នោះភ្នាក់ងារប្រធានស្តេកអាចហៅពួកអ្នកផ្សព្វផ្សាយសាសនាផ្នែកសេវាកម្មសាសនាចក្រដើម្បីធ្វើការងារនេះ ។ ពួកអ្នកផ្សព្វផ្សាយសាសនាផ្នែកសេវាកម្មសាសនាចក្រត្រូវបានញែកចេញដោយប៊ីស្សពរបស់ពួកគេ ។

សម្រាប់ព័ត៌មានបន្ថែមស្តីពីការហៅពួកអ្នកផ្សព្វផ្សាយសាសនាផ្នែកសេវាកម្មសាសនាចក្រ សូមមើល ក្បួខ្នាតទូទៅ ២៤.៧ ។