Pagtabang sa mga Katigulangan nga Makadawat sa Sagrado nga mga Ordinansa

Ang Langitnong Amahan nahigugma sa mga sakop sa imong pamilya nga nangamatay na ug nag-andam og paagi alang nila nga modawat sa mga panalangin sa ebanghelyo pinaagi sa templo.

• Pagkat-on mahitungod sa kaimportante sa mga pamilya ug mga templo. Ikonsiderar ang paggamit sa:

  • “What Is Family History?,” “How Can I Start My Family History and Temple Service?,” ug “My Ancestor” sa Families and Temples, 15–19.

• Sa mainampoong paagi pag-ila og usa o daghang katigulangan nga pareha nimo og sekso nga gusto nimong serbisyohan diha sa templo.

• Pagkat-on kon unsaon ang dali nga pag-andam ug pag-imprinta og kard sa ngalan sa pamilya nga imong madala ngadto sa templo. Ikonsiderar ang paggamit sa:

  • Tabang sa Ngalan sa Pamilya (familysearch.org/family-name-assist). Sa paggamit niini nga himan, ikaw magkinahanglan sa imong numero sa rekord sa pagkamiyembro sa Simbahan. Ang imong numero sa rekord makita sa imong rekomend sa templo, o makuha nimo ang numero sa imong rekord gikan sa klerk sa imong ward.

• Kon posible, pagtakda og appointment nga motambong sa templo uban sa pipila ka pamilya, mga higala, ug mga miyembro sa ward aron mohimo og mga bunyag alang sa imong namatay na nga mga katigulangan. Mahimo kang moadto sa ChurchofJesusChrist.org/temple/schedule/appointment ug mag-sign in gamit ang imong account sa Simbahan aron mag-eskedyul og appointment.