Pagdawat sa Imong Pagtuga

Kon ikaw usa ka hamtong, sa higayon nga ikaw namiyembro na sulod sa usa ka tuig, makakuha ka og rekomend sa templo nga makatugot nimo sa pag-apil sa dugang nga mga ordinansa sa templo. Sa templo imong madawat ang usa ka ordinansa nga gitawag og pagtuga. Sa seremonya sa pagtuga, dugang nimong makat-onan ang mahitungod sa ebanghelyo ni Jesukristo ug dapiton sa paghimo og sagrado nga mga pakigsaad ngadto sa imong Langitnong Amahan. Ang pagtuman niini nga mga pakigsaad makahatag og mas dakong kalipay ug balaan nga gahom sa imong kinabuhi. Human ikaw matugahi, makadawat ka niini nga ordinansa pinaagi sa puli alang sa imong mga katigulangan.

• Pagkat-on mahitungod sa pagtuga ug sa kaimportante sa mga templo. Ikonsiderar ang paggamit sa:

  • “Mahitungod sa Pagtuga diha sa Templo,” temples.ChurchofJesusChrist.org.

  • “How Can My Family Return to Live with God?,” “What Is the Purpose of the Temple?,” and “What Is the Temple Endowment?” sa Families and Temples, 2–5, 9–10, 21.

  • “Pangandam alang sa Balay sa Ginoo,” temples.ChurchofJesusChrist.org.

• Samtang hapit na ka mag-usa ka tuig nga anibersaryo sa imong bunyag, sugdi ang pagtambong sa mga klase sa pagpangandam alang sa templo. Pakigsabot og interbiyo uban sa bishop aron modawat og rekomend sa templo.

• Pagtakda og petsa sa templo aron modawat sa imong pagtuga.