Pagpalambo sa Pagtuon sa Ebanghelyo

Importante ang pag-ampo ug pagtuon kanunay sa mga kasulatan, sa indibidwal ug uban sa imong pamilya (kon posible). Kon imong buhaton, imong bation ang Espiritu ug makakaplag og giya sa imong inadlaw nga kinabuhi.

Pagkat-on mahitungod sa pagpaduol ngadto sa Manluluwas pinaagi sa inadlaw nga pagtuon sa kasulatan ug pag-ampo. Ikonsiderar ang paggamit sa:
- Dali, Sunod Kanako—Alang sa Panimalay ug sa Simbahan. Kini nga kapanguhaan mahimong giya sa imong inadlaw nga pagtuon sa kasulatan.
- “Pag-ampo Kanunay” ug “Pagtuon sa mga Kasulatan” diha sa Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo (2023), 89–91.
Kon wala pa nimo mahimo, i-download ang Librarya sa Ebanghelyo nga app o adto sa ChurchofJesusChrist.org aron mangita og mga pakigpulong, mga artikulo, mga bidyo, ug uban pa. Kon ikaw naggamit og Android nga himan, ma-download nimo ang app gikan sa Google Play store. Kon ikaw naggamit og iOS nga himan, ma-download nimo ang app gikan sa Apple App Store.
Ang mga magasin sa Simbahan makatabang nimo sa pagsunod sa Manluluwas isip usa ka miyembro sa Iyang Simbahan.
- Adunay tulo ka magasin ang Simbahan: ang Liahona alang sa mga hamtong, Alang sa Kalig-on sa mga Kabatan-onan alang sa kabatan-onan, ug ang Higala alang sa kabataan. Maakses nimo kini sa digital nga paagi nga walay bayad sa seksiyon sa “Mga Magasin” sa Librarya sa Ebanghelyo. Kon ikaw usa ka bag-o nga miyembro ug gusto og giimprinta nga kopya, kontaka ang imong bishop o presidente sa branch alang sa libreng usa ka tuig nga subskripsiyon.
Kon ikaw usa ka young adult tali sa mga edad nga 18 ug 30, pagkat-on mahitungod sa Institute pinaagi sa pagbasa sa “The Purpose of Institute” sa ChurchofJesusChrist.org ug pagkat-on mahitungod sa YA Matag Semana diha sa Librarya sa Ebanghelyo.
Pasalig sa inadlaw nga pagtuon sa kasulatan, ilabi na gikan sa Basahon ni Mormon, ug pag-ampo (tan-awa sa Mga Buhat 17:11).