Pagsunod sa Kasugoan

Samtang ikaw mosunod sa kasugoan, makakaplag ikaw og kalinaw ug hingpit nga kalipay ug makabaton kanunay sa Espiritu nga makig-uban kanimo (tan-awa sa Mosiah 2:41).

• Pagkat-on mahitungod sa kaimportante sa pagsunod sa kasugoan. Sa piho nga paagi, hisgoti uban sa imong tigpangalagad nga mga igsoong lalaki o babaye o uban sa mga misyonaryo ang kasugoan nga gilatid sa Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo. (Ang kasugoan sa pagbalaan sa Igpapahulay nga adlaw gihisgotan sa kasinatian “Pagbalaan sa Igpapahulay nga Adlaw.”) Ikonsiderar ang paggamit sa:

  • Ikapulo [Tithing] ug mga Halad sa Puasa (booklet, 2007).

  • Ang Pulong sa Kaalam (booklet, 2007).

  • Kaputli (booklet, 2007).

• Padayon sa pagsunod niini nga kasugoan. Kon ikaw naglisod sa usa o daghan pa niini, pakig-istorya sa imong bishop. Anaa siya sa pagtabang kanimo.