Pagbalaan sa Adlaw nga Igpapahulay

Matag Dominggo ikaw adunay oportunidad sa pagpakita sa imong gugma alang sa Dios pinaagi sa unsay imong buhaton nianang adlawa. Mapakita nimo kini nga gugma pinaagi sa pagsimba, pag-ambit sa sakramento, ug pagserbisyo sa uban. Kon ikaw moambit sa sakramento, hinumdoman nimo ang sakripisyo ni Jesukristo ug mobag-o sa sagrado nga mga pakigsaad nga imong gihimo sa bunyag.

• Pagkat-on sa kaimportante sa pag-ambit sa sakramento matag semana, ipakigbahin ang imong pagpamatuod, ug ibalaan ang Igpapahulay nga adlaw. Ikonsiderar ang paggamit sa:

  • 3 Nephi 18:1–12 (tan-awa usab sa Mateo 26:26–28; Marcos 14:22–25; Lucas 22:19–20; Doktrina ug mga Pakigsaad 20:77, 79).

  • Mga Hilisgotan ug mga Pangutana, “Pagpamatuod,” topics.ChurchofJesusChrist.org.

  • “Sabbath Day Worship” sa Learning and Serving in the Church (booklet, 2016), 5–9.

• Ang pagpakigbahin sa imong pagpamatuod magtabang nimo sa pagpalig-on niini! Ikonsiderar ang pagpakigbahin sa imong pagpamatuod sa umaabot nga miting sa pagpamatuod.