Pagpakighigala sa mga Miyembro sa Imong Ward

Ang Apostol nga si Pablo mitudlo nga kon ikaw moapil og usa ka kongregasyon sa mga Santos, ikaw dili na “mga langyaw o mga dumuduong kondili mga kauban na sa katawhan” (Mga Taga-Efeso 2:19).

Ang matag kongregasyon sa mga miyembro sa Simbahan sama sa kabanay diin ikaw makadawat og panaghigala ug suporta. Paggahin og panahon nga mahimong mga higala sa pipila ka miyembro!

• Kon ikaw adunay mobile nga himan, i-download ang Member Tools nga app. Kon ikaw naggamit og Android nga himan, ma-download nimo ang app gikan sa Google Play store. Kon ikaw naggamit og iOS nga himan, ma-download nimo ang app gikan sa Apple App Store. Human ma-download ang Member Tools nga app, log in gamit ang imong account sa Simbahan. Sa app, makapangita ka og impormasyon sa pagkontak sa mga tawo sa imong ward.

• Gikan sa Member Tools nga app, pangitaa ang imong account, i-update ang imong impormasyon sa pagkontak, ug idugang ang litrato sa imong kaugalingon. Seguroha sa pagrebyo ug pag-update sa sulod sa Pag-uswag diha sa Dalan sa Pakigsaad.

• Ilailaha pag-ayo ang imong mga lider (ang bishop, presidente sa korum sa mga elder, presidente sa Relief Society, presidente sa Primary, ug mga lider sa korum sa Aaronic nga Pagkapari ug sa Young Women) ug ang mga miyembro sa imong klase o korum. Pakig-istorya kanila mahitungod sa umaabot nga mga kalihokan, umaabot nga mga leksiyon, ug mga oportunidad sa pagserbisyo.