Seminary
Mga Buhat 10, Bahin 1

Mga Buhat 10, Bahin 1

“Ang Dios Walay Pinalabi sa mga Tawo”

Si Cornelio mitimbaya ni Cornelio sa gawas sa iyang panimalay. Mga eksena nga wala gilakip sa kataposan nga bersiyon [outtakes] naglakip ni Cornelio nga nagluhod, si Pedro nga mipabarog ni Cornelio gikan sa yuta, naglibot nga talan-awon, ug uban pa nga nalakip sa paghimo sa salida.

Sa dihang si Jesus mipakita sa Iyang mga tinun-an human sa Iyang Pagkabanhaw, Siya misugo kanila sa pagpakaylap sa ebanghelyo sa tibuok kalibotan (tan-awa sa Mateo 28:19–20). Kaniadto ang ebanghelyo gipakigbahin labi na sa mga Judio, maong si Pedro ug ang ubang mga disipulo mipadayon sa pagtutok sa ilang misyonaryong mga paningkamot alang kanila. Si Cornelio, usa ka Hentil nga nahigugma sa Dios ug nagtinguha sa Iyang giya, gitudloan pinaagi sa usa ka langitnong mensahero sa pagpangita kang Apostol Pedro. Sa samang higayon, si Pedro adunay usa ka panan-awon nga nakatabang kaniya aron mas makasabot unsa ang gibati sa Langitnong Amahan mahitungod sa tanan sa Iyang mga anak. Kini nga leksiyon makatabang kaninyo sa pagtan-aw sa ubang tawo nga mas mahisama sa pagtan-aw sa Langitnong Amahan ug ni Jesukristo kanila.

Unsay inyong nakita?

Mga panganod diha sa usa ka mahayag nga langit

Tan-awa ang mga panganod (sa gawas o sa niini nga litrato) ug ihulagway unsa ang inyong nakita.

  • Ngano kaha nga ang duha ka tawo magtan-aw sa susamang mga panganod apan managlahi ang mga butang nga makita?

  • Ngano kaha nga ang duha ka tawo magtan-aw sa laing tawo ug managlahi ang pagtan-aw nila niana nga tawo?

  • Unsa ang inyong nasayran mahitungod sa panglantaw sa Langitnong Amahan ug ni Jesukristo sa matag usa kanato?

Sa inyong pagtuon, hinumdomi nga kon giunsa ninyo pagtan-aw ang tawo lagmit usahay lahi kay sa pagtan-aw sa Langitnong Amahan ug ni Jesukristo kanila. Tugoti ang Espiritu Santo nga mogiya kaninyo kon unsa man ang inyong kinahanglang buhaton aron mas hingpit nga mahiuyon ang inyong mga panglantaw sa Langitnong Amahan ug ni Jesukristo.

Si Pedro nagtudlo ni Cornelio, usa ka Hentil

Kutob niini nga bahin sa mga panahon sa Bag-ong Tugon, ang ebanghelyo nasangyaw, nga may pipila ka eksepsiyon, eksklusibo ngadto lamang sa mga Judio, sigon sa mando sa Manluluwas (tan-awa sa Mateo 10:5–6). Adunay pipila ka mga miyembro sa Simbahan ni Kristo nga mga Hentil (dili mga Judio) pinaagi sa pagkatawo, apan sila nakabig na ngadto sa Juidaismo sa wala pa misunod kang Kristo. Apan, ang Manlululwas misulti sa Iyang mga disipulo nga human mikunsad ang Espiritu Santo diha kanila, sila mosangyaw sa ebanghelyo “sa tibuok kalibotan” (Mga Buhat 1:8). Diha sa Mga Buhat 10 atong mabasa ang mahitungod sa usa ka mahinungdanong kausaban diha sa paagi nga ang Simbahan gidumala nga mopahigayon niini.

Basaha ang Mga Buhat 10:1–8 aron masayod mahitungod kang Cornelio. Pangita og mga timailhan kon sa unsang paagi ang Langitnong Amahan nagtan-aw kaniya.

  • Unsa ang inyong nakat-onan mahitungod ni Cornelio gikan niini nga mga bersikulo?

  • Unsa ang inyong nakit-an nga nagtimaan kon unsa ang gibati sa Langitnong Amahan mahitungod kang Cornelio?

Sa dihang ang katawhan ni Cornelio mibiyahe aron pangitaon si Apostol Pedro, ang Ginoo nagtudlo kang Pedro mahitungod sa unsa ang Iyang pagtan-aw sa tanang katawhan. Basaha ang Mga Buhat 10:9–16 ug pagdrowing og hulagway kon unsa sa inyong hunahuna ang nakita sa panan-awon ni Pedro.

  • Nganong nabalaka man si Pedro mahitungod sa unsa ang gipabuhat kaniya sa maong panan-awon?

Si Pedro nagdako isip usa ka Judio, nagsunod sa mga sugo ug sa mga tradisyon sa balaod ni Moises. Kini nga balaod naglangkob og istrikto nga mga kinahanglanon sa unsa ang angay nga kaonon ug dili makaon sa mga tawo (tan-awa sa Levitico 11). Ang mga mananap nga gitugotan nga kaonon sa mga Judio gitawag og “limpyo,” samtang ang mga mananap nga gidili sa Dios nga kaonon sa mga Judio gitawag og “hugaw.”

Si Pedro wala dayon makasabot sa kinatibuk-ang kahulogan sa maong panan-awon. Samtang namalandong siya niini, ang mga tawo nga gipadala ni Cornelio miabot. Ang Espiritu misulti kang Pedro nga mouban niining mga tawhana ngadto sa balay ni Cornelio (tan-awa sa Mga Buhat 10:17–20).

Basaha ang Mga Buhat 10:25–29, 34–35, mangita sa unsay nakat-onan ni Pedro mahitungod sa kahulogan sa panan-awon nga iyang nadawat. O makatan-aw kamo sa bidyo nga “Peter’s Revelation to Take the Gospel to the Gentiles [Ang Pagpadayag ni Pedro sa Pagdala sa Ebanghelyo ngadto sa mga Hentil]” (anaa sa ChurchofJesusChrist.org) gikan sa time code 3:29 hangtod 5:29.

9:7

Peter's Revelation to Take the Gospel to the Gentiles

Peter follows the commandment of the Lord to take the gospel to the Gentiles. Acts 10:1–48; 11:1–18

Pangitaa sa bersikulo 34 ang kamatuoran nga nahibaloan ni Pedro mahitungod sa unsa nga paagi ang Langitnong Amahan nagtan-aw sa tanan Niyang mga anak. Ikonsiderar ang pagmarka sa kamatuoran nga inyong nakit-an.

Magsulat diha sa piraso sa papel gamit ang ballpen o lapis. 1. Isulat sa inyong journal sa pagtuon unsa ang buot ipasabot kaninyo sa “Ang Dios walay pinalabi sa mga tawo.”

  • Sa inyong hunahuna sa unsang paagi kaha ang pagpadayag sa Langitnong Amahan nakapausab sa kasingkasing ug sa panglantaw ni Pedro? Sa unsang paagi ang pagsabot niining pagpadayag makapausab sa mga kasingkasing sa katawhan karon?

Sa dihang si Pedro nakasabot nga buot sa Dios nga itudlo ang ebanghelyo sa tanang tawo, gisangyaw niya ang mensahe ni Jesukristo ngadto kang Cornelio og sa iyang pamilya ug mga higala (tan-awa ang Mga Buhat 10:36–43).

Mahimo ninyong tan-awon ang bidyo nga “Peter’s Revelation to Take the Gospel to the Gentiles [Ang Pagpadayag ni Pedro sa Pagdala sa Ebanghelyo ngadto sa mga Hentil],” anaa sa ChurchofJesusChrist.org, gikan sa time code 5:30 hangtod 7:44.

9:7

Peter's Revelation to Take the Gospel to the Gentiles

Peter follows the commandment of the Lord to take the gospel to the Gentiles. Acts 10:1–48; 11:1–18

Magsulat diha sa piraso sa papel gamit ang ballpen o lapis. 2. Tubaga ang mosunod nga mga pangutana diha sa inyong journal sa pagtuon:

  • Sa inyong hunahuna sa unsang paagi ang kinabuhi ug misyon ni Jesukristo magpakita sa gugma sa Dios alang sa tanang tawo?

  • Sa unsang paagi nga ang paghinumdom kon giunsa sa Langitnong Amahan paghatag ug bili sa tanang katawhan makaimpluwensiya sa inyong pagtan-aw ug pagtratar sa uban?

  • Unsa ang inyong mabuhat aron mangayo og tabang sa Langitnong Amahan nga ang atong pagtan-aw sa uban mahisama sa Iyang pagtan-aw?

Samtang si Pedro nagpamatuod kang Jesukristo, ang Espiritu Santo mikunsad kang Cornelio ug sa iyang panimalay. Si Pedro midapit dayon kanila nga magpabunyag (tan-awa sa Mga Buhat 10:44–48). Ang pagpadayag sa Dios ngadto kang Pedro miusab sa naandan nga pamaagi sa Simbahan, ug ang ebanghelyo gisugdan sa pagsangyaw ngadto sa tanang mga tawo.

Magsulat diha sa piraso sa papel gamit ang ballpen o lapis. 3. Kompletoha ang mosunod diha sa inyong journal sa pagtuon:

Hunahunaa unsa kaha ang kalahian sa kalibotan o sa inyong nasod, kasilinganan, tulunghaan, o pamilya kon ang tanang mga anak sa Langitnong Amahan magtan-aw sa matag usa sama sa Iyang pagtan-aw ngari kanato.

Pagpili og usa niini nga mga palibot. Ipasabot unsa nga mga kalahian ang lagmit ninyong makita kon ang mga tawo niining palibot nagtan-aw sa uban sama sa pagtan-aw kanila sa Langitnong Amahan ug ni Jesukristo.

Opsiyonal: Gustong Makakat-on pa og Dugang?

Kinsa ang dawaton ni Jesukristo ngadto sa Iyang Simbahan ug gingharian?

Si Presidente Russell M. Nelson mipasabot:

18:51

Ipatigbabaw ang Dios Labaw sa Tanan

President Nelson describes latter-day covenant Israel as those who let God prevail in their lives. He invites us to make God our life’s most important influence.

Opisyal nga litrato ni Presidente Russell M. Nelson nga gikuha niadtong Enero 2018

Ang matag usa kanato adunay balaanong potensiyal tungod kay ang matag usa anak sa Dios. Ang matag usa managsama diha sa Iyang panan-aw. Ang mga implikasyon niini nga kamatuoran lawom kaayo. Mga kaigsoonan, palihog paminaw og maayo sa unsay akong isulti. Ang Dios wala magmahal sa usa ka kaliwat nga labaw kay sa lain. Ang Iyang doktrina mahitungod niini klaro. Siya nagdapit sa tanan nga moduol ngadto Kaniya, “itom ug puti, ulipon ug gawasnon, lalaki ug babaye.” [2 Nephi 26:33].

Akong iseguro kaninyo nga ang inyong kahimtang atubangan sa Dios dili tinoon pinaagi sa kolor sa inyong panit. Ang pagpabor o wala pagpabor sa Dios mag-agad sa inyong debosyon ngadto sa Dios ug sa Iyang mga sugo ug dili sa kolor sa inyong panit.

(Russell M. Nelson, “Ipatigbabaw ang Dios Labaw sa Tanan,” Liahona, Nob. 2020, 94)

Mga Buhat 10:45. Unsa ang kahulogan sa “gasa sa Espiritu Santo”?

Sa Mga Buhat 10:45, ang pulongan nga “ang gasa sa Espiritu Santo” nagpasabot sa gahom sa Espiritu Santo, nga miabot diha niini nga mga Hentil. Kini lahi gikan sa gasa sa Espiritu Santo nga atong madawat pinaagi sa ordinansa sa kompirmasyon human sa bunyag (tan-awa sa Mga Buhat 8:14–17; tan-awa usab sa Mga Pagtulon-an sa mga Presidente sa Simbahan: Joseph Smith [2007], 115).

Giunsa sa panan-awon ni Pedro pag-usab sa naandan nga mga pamaagi sa Simbahan?

Si Elder D. Todd Christofferson sa Korum sa Napulog Duha ka Apostoles mipasabot:

Hulagway ni Elder D. Todd Christofferson. Gilitratohan niadtong Marso 2020.

Tungod niini nga kasinatian ug pagpadayag ngadto kang Pedro, giusab sa Ginoo ang pamaagi sa Simbahan ug mipadayag og mas kompletong panabot sa doktrina ngadto sa Iyang mga disipulo. Ug ang pagsangyaw sa ebanghelyo gipakatap ngadto sa tanang katawhan.

(D. Todd Christofferson, “Ang Doktrina ni Kristo,” Liahona, Mayo 2012, 88)

Unsang mga pagkaparehas ang anaa sa panan-awon ni Pedro diha sa pagpadayag nga naghatag sa pagkapari sa tanang takos nga mga lalaking miyembro sa Simbahan?

Ang mosunod nga mga kapanguhaan mahimong makatabang kon kamo gustong makasabot ug dugang mahitungod sa 1978 nga pagpadayag diin ang Langitnong Amahan mipaabot sa ordinasyon sa pagkapari sa tanang takos nga mga lalaking miyembro sa Simbahan: