កិច្ចការ ៣
ការព្យាបាលបុរសខ្វិន
បុរសម្នាក់ដែលមិនអាចដើរបានពេញមួយជីវិត ត្រូវបានគេនាំទៅព្រះវិហារបរិសុទ្ធក្នុងក្រុងយេរូសាឡិមជារៀងរាល់ថ្ងៃ ដើម្បីគាត់អាចសុំទានបាន ។ គាត់បានជួបពេត្រុស និងយ៉ូហាន ដែលបានឲ្យអំណោយដ៏អស្ចារ្យជាងលុយដែលគាត់សុំទៅទៀត ។ ដោយប្រើសិទ្ធិអំណាចបព្វជិតភាព និងក្នុងព្រះនាមនៃព្រះយេស៊ូវគ្រីស្ទ ពេត្រុសបានព្យាបាលបុរសនោះ ។ បទពិសោធន៍នោះបានផ្តល់ឱកាសជាច្រើនដល់ពេត្រុស និងសាវកផ្សេងទៀត ដើម្បីថ្លែងទីបន្ទាល់អំពីព្រះយេស៊ូវគ្រីស្ទ ។ មេរៀននេះមានគោលបំណងជួយអ្នកឲ្យពង្រឹងសេចក្ដីជំនឿរបស់អ្នកថា ព្រះវរបិតាសួគ៌ និងព្រះយេស៊ូវគ្រីស្ទអាចជួយអ្នកឲ្យយកឈ្នះលើឧបសគ្គនានាដែលអ្នកជួបប្រទះបាន ។
ការទទួលបានអំណាចព្យាបាលរបស់ព្រះ
-
តើអ្វីខ្លះជាបញ្ហាប្រឈម ឬទុក្ខវេទនាខាងរូបកាយ ខាងវិញ្ញាណ ឬខាងសតិអារម្មណ៍ដែលមនុស្សជួបប្រទះក្នុងជីវិត ?
សូមសញ្ជឹងគិតលើបញ្ហាប្រឈម ឬទុក្ខលំបាកដែលអ្នកជួបប្រទះផ្ទាល់ ដែលអ្នកចង់ស្វែងរកការសង្គ្រោះ ឬកម្លាំងពីព្រះវរបិតាសួគ៌ និងព្រះយេស៊ូវគ្រីស្ទដើម្បីយកឈ្នះ ។ សូមសរសេរវានៅក្នុងសៀវភៅកំណត់ហេតុការសិក្សារបស់អ្នក ហើយបញ្ចូលចម្លើយរបស់អ្នកចំពោះសំណួរខាងក្រោមនេះផងដែរ ៖
-
តើអ្នកបានចាត់វិធានការអ្វីខ្លះដើម្បីទទួលបានជំនួយសម្រាប់បញ្ហាប្រឈម ឬទុក្ខលំបាកនេះ ?
-
តើអ្វីខ្លះដែលអ្នកបានដឹងរួចហើយអំពីព្រះវរបិតាសួគ៌ និងព្រះយេស៊ូវគ្រីស្ទ ដែលផ្តល់ទំនុកចិត្តដល់អ្នកថាទ្រង់ទាំងទ្វេនឹងជួយអ្នក ?
-
តើអ្នកមានសំណួរ ឬកង្វល់អ្វីខ្លះអំពីការយកឈ្នះលើបញ្ហាប្រឈម ឬទុក្ខលំបាកនេះ ?
ពេត្រុស និងយ៉ូហានបានព្យាបាលបុរសពិការម្នាក់
នៅក្នុងមេរៀននេះ អ្នកនឹងមានឱកាសដើម្បីរៀនសេចក្ដីពិតនៃដំណឹងល្អមួយចំនួនពីដំណើររឿងក្នុង កិច្ចការ ៣ របស់ពេត្រុស និងយ៉ូហានដែលព្យាបាលបុរសពិការម្នាក់ ។ នៅពេលអ្នកសិក្សា សូមយកចិត្តទុកដាក់លើការបំផុសគំនិតខាងវិញ្ញាណដែលអ្នកទទួលបាន ។ សូមខិតខំពង្រឹងសេចក្តីជំនឿរបស់អ្នកថា ព្រះយេស៊ូវគ្រីស្ទអាចជួយអ្នកក្នុងឧបសគ្គនានាដែលអ្នកប្រឈមមុខនៅក្នុងជីវិតរមែងស្លាប់នេះបាន ។
សូមអាន កិច្ចការ ៣:១–៣ ដោយរកមើលព័ត៌មានលម្អិតមួយចំនួនអំពីបុរសរូបនេះ ដែលមានអាយុលើសពី ៤០ ឆ្នាំ ( សូមមើល កិច្ចការ ៤:២២ ) ។ វាអាចនឹងមានប្រយោជន៍ក្នុងការដឹងថាការ « ធ្វើទាន » ដែលបានរៀបរាប់នៅក្នុង ខទី ២–៣ គឺជារបស់ដែលមនុស្សបរិច្ចាគដល់ជនក្រីក្រ ។
-
តើមានពាក្យអ្វីខ្លះដែលអ្នកអាចប្រើដើម្បីពិពណ៌នាពីបុរសម្នាក់នេះ និងស្ថានភាពរបស់គាត់ ? ហេតុអ្វីទៅ ?
-
តើអ្វីទៅជាវិធីធម្មតាមួយចំនួនដែលមនុស្សអាចឆ្លើយតបចំពោះនរណាម្នាក់នៅក្នុងស្ថានភាពដូចបុរសរូបនេះ ?
សូមអាន កិច្ចការ ៣:៤–៨ ដោយស្វែងរកការពិតដែលអ្នកអាចរៀនអំពីការយកឈ្នះលើបញ្ហាប្រឈម ឬទុក្ខលំបាករបស់យើងចេញពីដំណើររឿងនេះ ។ អ្នកក៏អាចមើលវីដេអូផងដែរ « Peter and John Heal a Man Crippled since Birth » ( ៣:២១ ) ដែលមាននៅលើគេហទំព័រ ChurchofJesusChrist.org ។
Peter and John Heal a Man Crippled Since Birth
With authority from Jesus Christ, Peter and John heal a man crippled since birth. Acts 3:1–8
-
តើអ្នកចាប់អារម្មណ៍អ្វីខ្លះក្នុងដំណើររឿងនេះ ?
-
តើបទពិសោធន៍នេះជួយអ្នកឲ្យរៀន ឬទទួលអារម្មណ៍អ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ?
ពេត្រុសបានបង្រៀនដល់អស់អ្នកដែលបានឃើញអព្ភូតហេតុដែលបានកើតឡើងតាមរយៈការជឿលើព្រះនាមនៃព្រះយេស៊ូវគ្រីស្ទ ( សូមមើល កិច្ចការ ៣:១៦ ) ។ សេចក្ដីពិតមួយដែលយើងអាចរៀនចេញពីដំណើររឿងនេះគឺថា តាមរយៈសេចក្ដីជំនឿលើព្រះយេស៊ូវគ្រីស្ទ នោះយើងអាចត្រូវបានប្រោសឲ្យជា ។
-
តើអ្នកអាចចែកចាយអ្វីខ្លះពីខគម្ពីរទាំងនេះ ដែលអាចជួយនរណាម្នាក់ដែលបច្ចុប្បន្នកំពុងជួបប្រទះនឹងបញ្ហាខាងរាងកាយ ខាងវិញ្ញាណ ឬខាងអារម្មណ៍ ឬទុក្ខលំបាកដែលអ្នកបានរកឃើញពីមុនៗនៅក្នុងមេរៀននេះ ?
-
តើយើងអាចធ្វើអ្វីខ្លះដើម្បីទទួលបានព្រះចេស្ដានៃព្រះវរបិតាសួគ៌ និងព្រះអង្គសង្គ្រោះ ដើម្បីជួយយើងជាមួយនឹងបញ្ហាប្រឈមទាំងនេះ ?
វីដេអូ « The Wounded Shall be Healed » ( ៥:៤៥ ) ដែលមាននៅលើគេហទំព័រ ChurchofJesusChrist.org ។ សូមស្តាប់ទីបន្ទាល់របស់អែលឌើរ នែលអិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់ ហើយកត់ត្រាពាក្យ ឬឃ្លាណាមួយដែលលេចធ្លោចំពោះអ្នក ឬចំណាប់អារម្មណ៍ដែលកើតមានចំពោះអ្នក នៅពេលអ្នកមើលវីដេអូនេះ ។
The Wounded Shall Be Healed
Our wounds in this life can come from any number of trials. Patiently move forward, and the Savior’s healing power will bring light, peace, and hope.
អែលឌើរ នែលអិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់ បានថ្លែងទីបន្ទាល់អំពីព្រះចេស្ដារបស់ព្រះអង្គសង្គ្រោះដើម្បីប្រោះយើងឲ្យជា ៖
បងប្អូនប្រុសស្រីអើយ ខ្ញុំសូមសន្យាថា ការបង្កើនជំនឿទៅលើព្រះអម្ចាស់យេស៊ូវគ្រីស្ទនឹងនាំឲ្យបងប្អូនមានកម្លាំង និងក្ដីសង្ឃឹមកាន់តែខ្លាំង ។ ចំពោះបងប្អូន ដែលជាមនុស្សសុចរិត នោះអង្គប្រោសឲ្យជាដល់ព្រលឹងយើងនឹងប្រោសរបួសយើងឲ្យជា ទៅតាមកាលវេលា និងរបៀបរបស់ទ្រង់ ។ គ្មានភាពអយុត្តិធម៌ គ្មានការបៀតបៀន គ្មានការសាកល្បង គ្មានភាពក្រៀមក្រំ គ្មានការខូចចិត្ត គ្មានការរងទុក្ខ គ្មានរបួសណា—ទោះជាជ្រាលជ្រៅ មានទំហំធំ និងឈឺចាប់យ៉ាងណាក្ដី—ក៏នឹងមិនដកចេញនូវការលួងលោម ភាពសុខសាន្ត និងក្ដីសង្ឃឹមគ្មានទីបញ្ចប់នៃទ្រង់ ជាអ្នកដែលមានព្រះពាហុលាតសន្ធឹង និងព្រះហស្ដរងរបួស ដែលនឹងចាំស្វាគមន៍យើងត្រឡប់ទៅក្នុងវត្តមានទ្រង់វិញដែរ ។
( នែល អិល អាន់ឌើរសិន « Wounded » Liahona ខែ វិច្ឆិកា ឆ្នាំ ២០១៨ ទំព័រ ៨៦ )
-
តើអ្នកចាប់អារម្មណ៍អ្វីចេញពីការបង្រៀនរបស់អែលឌើរ អាន់ឌើរសិន ?
-
តើបទពិសោធន៍អ្វីខ្លះដែលអ្នកធ្លាប់មាន ឬតើអ្នកដឹងអំពីកន្លែងដែលព្រះអង្គសង្គ្រោះអាចផ្តល់កម្លាំង ឬការព្យាបាលដែរឬទេ ?
១. សូមបំពេញសកម្មភាពខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖
-
តើអ្នកបានរៀន ឬមានអារម្មណ៍អ្វីខ្លះអំពីព្រះយេស៊ូវគ្រីស្ទនៅថ្ងៃនេះ ដែលអ្នកចង់ចងចាំ ?
-
តើអ្នកបានទទួលអារម្មណ៍ថាត្រូវបានបំផុសគំនិតឲ្យធ្វើអ្វីខ្លះ ដោយសារតែអ្វីដែលអ្នកបានរៀននៅថ្ងៃនេះ ?
ជម្រើស ៖ តើចង់រៀនសូត្របន្ថែមទៀតដែរឬទេ ?
ហេតុអ្វីបានជាមានពេលខ្លះយើងមិនទទួលបានការព្យាបាលរបស់ព្រះអង្គសង្គ្រោះទៅតាមពេលវេលា និងតាមរបៀបណាដែលយើងចង់បាន ?
ប្រធាន រ័សុល អិម ណិលសុន បានបង្រៀនថា ៖
ខ្ញុំទទួលស្គាល់ថា ក្នុងឱកាសនោះ ការអធិស្ឋានដ៏ក្លៀវក្លាបំផុតមួយចំនួនរបស់យើងហាក់ដូចជាគ្មានចម្លើយឡើយ ។ យើងឆ្ងល់ថា « ហេតុអ្វី ? » ខ្ញុំយល់ពីអារម្មណ៍នោះ ! ខ្ញុំយល់ពីការភ័យខ្លាច និងទឹកភ្នែកនៃគ្រាបែបនេះ ។ ប៉ុន្តែខ្ញុំក៏ដឹងដែរថា ការអធិស្ឋានរបស់យើងនឹងមិនដែលព្រងើយកន្តើយឡើយ ។ សេចក្ដីជំនឿរបស់យើងមិនដែលមិនមានតម្លៃនោះទេ ។ ខ្ញុំដឹងថាទស្សនៈរបស់ព្រះវរបិតាសួគ៌ដែលមានប្រាជ្ញាគ្រប់ទាំងអស់គឺទូលំទូលាយជាងទស្សនៈរបស់យើងឆ្ងាយណាស់ ។ ខណៈពេលដែលយើងដឹងអំពីបញ្ហា និងការឈឺចាប់ក្នុងជីវិតរមែងស្លាប់របស់យើង ទ្រង់ជ្រាបពីវឌ្ឍនភាព និងសក្ដានុពលអមតៈរបស់យើង ។ ប្រសិនបើយើងអធិស្ឋានដើម្បីដឹងពីព្រះហឫទ័យរបស់ទ្រង់ហើយចុះចូលនឹងព្រះហឫទ័យរបស់ទ្រង់ដោយភាពអត់ធ្មត់ និងភាពក្លាហាននោះការព្យាបាលនៅស្ថានសួគ៌អាចប្រព្រឹត្តទៅតាមវិធី និងពេលវេលារបស់ទ្រង់ផ្ទាល់ ។
( រ័សុល អិម ណិលសុន « Jesus Christ—the Master Healer » Liahona ខែ វិច្ឆិកា ឆ្នាំ ២០០៥ ទំព័រ ៨៦ )
អែលឌើរ ដាវីឌ អេ បែដណា ក្នុងកូរ៉ុមនៃពួកសាវកដប់ពីរនាក់បានបង្រៀន ៖
សេចក្ដីសុចរិត និងសេចក្ដីជំនឿគឺពិតជាឧបករណ៍នៅក្នុងការព្យាបាលអ្នកឈឺ អ្នកថ្លង់ ឬអ្នកខ្វិនមែន—បើសិនជាការព្យាបាលនោះសម្រេចនូវគោលបំណងរបស់ព្រះ ហើយស្របតាមព្រះទ័យរបស់ទ្រង់ ។ ដូច្នេះទោះជាយើងមានសេចក្ដីជំនឿដ៏រឹងមាំក្ដីក៏មានភ្នំជាច្រើននឹងពុំរំកិលចេញដែរ ។ ហើយពុំមែនគ្រប់អ្នកដែលឈឺ និងជនពិការនឹងត្រូវបានជាសះស្បើយនោះទេ ។ ប្រសិនបើជារាល់ការផ្ទុយទាំងអស់ត្រូវបានកាត់បន្ថយ ប្រសិនបើជារាល់ការឈឺចាប់ត្រូវបានដកចេញ នោះគោលបំណងដ៏សំខាន់នៃផែនការរបស់ព្រះវរបិតានឹងត្រូវបំផ្លាញហើយ ។
( ដេវីឌ អេ បែដណា « Accepting the Lord’s Will and Timing » Liahona ខែ សីហា ឆ្នាំ ២០១៦ ទំព័រ ៣៤ )
តើខ្ញុំអាចចូលទៅកាន់អំណាចព្យាបាលរបស់ព្រះអង្គសង្គ្រោះដោយរបៀបណា ពេលខ្ញុំជួបនឹងទុក្ខលំបាកខាងវិញ្ញាណ ?
ប្រធាន រ័សុល អិម ណិលសុន បានបង្រៀនថា ៖
ទុក្ខលំបាកអាចបណ្ដាលមកពីមូលហេតុខាងវិញ្ញាណ និងខាងរូបកាយ ។ អាលម៉ាជាកូនបានចងចាំថា អំពើបាបរបស់គាត់គឺមានការឈឺចាប់ខ្លាំងណាស់ដែលគាត់ប្រាថ្នាចង់ « រលត់ទៅទាំងព្រលឹងទាំងរូបកាយដើម្បី [ គាត់ ] មិនអាចនាំទៅឈរនៅវត្តមាននៃ … ព្រះ ដើម្បីទទួលការជំនុំជម្រះអំពើទាំងឡាយរបស់ [ គាត់ ] » [ អាលម៉ា ៣៦:១៥ ] ។ នៅពេលនោះ តើយើងអាចត្រូវបានទ្រង់ព្យាបាលដោយរបៀបណា ?
យើងអាចប្រែចិត្តកាន់តែពេញលេញ ! យើងអាចក្លាយជាប្រែចិត្តកាន់តែពេញលេញ ! បន្ទាប់មក « ព្រះរាជបុត្រានៃសេចក្ដីសុចរិត » អាចប្រទានពរដល់យើងកាន់តែពេញលេញ តាមរយៈព្រះហស្តព្យាបាលរបស់ទ្រង់ ។
… សេចក្តីជំនឿ ការប្រែចិត្ត ពិធីបុណ្យជ្រមុជទឹក ទីបន្ទាល់ និងការប្រែចិត្តជឿដ៏ខ្ជាប់ខ្ជួន ដឹកនាំទៅរកអំណាចនៃការព្យាបាលរបស់ព្រះអម្ចាស់ ។
( រ័សុល អិម ណិលសុន « Jesus Christ—the Master Healer » Liahona ខែ វិច្ឆិកា ឆ្នាំ ២០០៥ ទំព័រ ៨៦ )